عرض للطباعة
السلام عليكم ورحمة الله وبركاته
انا كنت بقلب فى المنتدى
لقيت الموضوع ده
http://www.nilemotors.net/Nile/107836-a.html
وهو خاص باستفسار السيارات
بس بصراحة هو لخبطلى معلومات كتير عندى
فسؤال هنا الان ياترى نظام الوديعة ده ازاى استفيد منه ؟؟
ولو هقسط عربية ب 100 الف ينفع احط لازم تكون الوديعة بالمبلغ كله مثلا
مينفعش 50 % منه
وساعتها مين يبقى المستفيد ؟؟
وشكرا ليكم
انت مستفيد طبعا
الوديعة هتطلعلك جزء من القسط الشهري - حسب نظامها - وفي الاخر هتلاقي اصل المبلغ بتاعك موجود في البنك زي ماهو يعي جزء من تمن العربية
كام بالتحديد وكام في المية والارقام اعرفها من البنك اللي هتقسط معاه بيبقى ليهم حسابات ملخبطة
يعنى يا استاذ عمرو
لو مثلا انا حاطط وديعة بمبلغ 50 الف جنية
وجايب عربية تمنها 90 الف جنية
والاتنين تبع بنك واحد الوديعة والتقسيط
الوديعة هتطلعى شهريا مثلا 500 جنية وانا بدفع قسط مثلا 1500 جنية
يبقى الفوايد ديه هتتخلصم من الوديعة وادفع شهريا 1000 جنية
لغاية لما التقسيط يخلص ؟
تمام كدة ياباشا
التقسيط بنظام الوديعة بيبقى الوديعة في نفس البنك !!!!
البنك بياخد الفايدة وانت تدفع الفرق زي ماقلت
بس في معلومة : الوديعة مربوطة مش هتتفك غير لما القسط يخلص
بص يا باشا أنا جايب العربية بالقسط بنظام الوديعة من بنك ناصر,
بص الوديعة بتكون 50% من توتال مبلغ العربية بعد إضافة الفائدة, بمعني إن لو العربية مثلا ب 100 ألف جنية وإنت عايزها علي خمس سنين فيكون كالتالي:
بس فيه نقطة بنك ناصر يشترط دفع مبلغ 15% علي الأقل من ثمن العربية مقدم, وبالتالي يصبح ثمن العربية 100000 - 15000 = 75000 جنية
75000 * (5 سنين* 6% ) = 75000* 30% = 97500 جنية .... يبقي حضرتك محتاج تحط وديعة ب 48750 جنية.
أما بالنسبة للقسط هايبقي 97500/ 60 شهر = 1625 جنية شهريا
الفايدة بتاعت الوديعة هانقول إنها تقريبا هاتبقي 10% سنويا (إسلامية تحسب سنويا)
يبقي ال 48750 يطلعوا 4875 جنية سنويا بمعني إنهم يدفعوا 3 أقساط سنويا.
بس مميزات البنك ده مالهاش حصر زي:
تعامل إسلامي 100% لآن البنك ده لوزارة الأوقاف.
مافيش تأمين إجباري علي العربية.
مافيش توكيل بالبيع.
مابيخدوش نسخة مفتاح.
مافيش إمضاء علي شيكات.
لو حبيت تكيش في أي وقت يخصم الفايدة من باقي الثمن, وممكن تكيش تاني يوم تشتري فيه العربية مش زي بنوك تانية.
أنا بالمناسبة قعدت أدرس أنظمة جميع البنوك مدة تقرب من 6 شهور وفي الأخر والله مالقيت نظام أحسن من بنك ناصر (بجد بنك محترم).
و أخيرا ربنا يوفقك للخير.
شكرا على المعلومات المفيده دىاقتباس:
المشاركة الأصلية كتبت بواسطة tamer_aj
وفعلا لو زى حاضرتك مابتقول يبقى بنك كويس جدا
شكرا على المعلوماتاقتباس:
المشاركة الأصلية كتبت بواسطة tamer_aj
شكرا جزيلا معلومات قيمة بس فيه خطأ فى الحساب فى بداية خصم 15000 من 100000 المفروض النتيجه تطلع
85000 مش 75000
معلومات رائعة يا جماعة
تسلموا
بجد منتدى رائع
شكرا لتوضيحك
أسف علي الخطأ, إنت عارف جيل الألة الحاسبة بقي.......اقتباس:
المشاركة الأصلية كتبت بواسطة hossam_elwani
لا شكر علي واجب,اقتباس:
المشاركة الأصلية كتبت بواسطة omaroof
و البنك فعلا بنك محترم بجد وممكن تتأكد بنفسك لو رحت لآي فرع,
وبعدين إنت ممكن تأخد كل المميزات دي و من غير وديعة بس لو إنت موظف حكومة أو إنت موظف قطاع خاص بس في الحالة دي لازم تجيب 2 موظفين حكومة يكونوا ضامنين ليك,
العفو يا باشا, لا شكر علي واجب,اقتباس:
المشاركة الأصلية كتبت بواسطة hero_hamada
ولو بتفكر في الموضوع توكل علي الله وروح أقرب فرع ليك وأسأل علي الإجراءت.
اول مرة أعرف نظام الوديعة ده ... تحويش وقسط في نفس الوقت
هسال واعرفكم ايه الاخبار ان شاء الله
معلومات رائعة وتفصيلية عن بنك ناصر بصراحة
الف شكر
وجزاكم الله خيرا