القطط والنيو سيراتو

**Dr Ahmed** · 20-05-2010 02:45 PM

كنت مسافر وكل شوية أسمع صوت نونوة أقول دى قطةمعدية لحد ما بقيت على السريع ولسه فيه نونوة
لقيت الآنسة قطة مركونة فى جنب تحت الكبوت وخايفة موت
اتكتب لها عمر جديد
بس دا كان فى الكانشل (مكشوفة من تحت)

لو الكرتيرات تحت مش قافلة كل المسافات ممكن تقفل الباقى بخيط سلك رايح جاىودا هيمنع دخول القطط ولا يمنع التهوية

أو ممكن تشترى كلب متوحش صغير زى اللى ظهر فى توم وجيرى وكان بيفرتك القط أول ما يشوفه

**Abdo_Eldesokey** · 20-05-2010 03:30 PM

المشاركة الأصلية كتبت بواسطة Dr Ahmed Abdelghany

كنت مسافر وكل شوية أسمع صوت نونوة أقول دى قطةمعدية لحد ما بقيت على السريع ولسه فيه نونوة
لقيت الآنسة قطة مركونة فى جنب تحت الكبوت وخايفة موت
اتكتب لها عمر جديد
بس دا كان فى الكانشل (مكشوفة من تحت)

لو الكرتيرات تحت مش قافلة كل المسافات ممكن تقفل الباقى بخيط سلك رايح جاىودا هيمنع دخول القطط ولا يمنع التهوية

أو ممكن تشترى كلب متوحش صغير زى اللى ظهر فى توم وجيرى وكان بيفرتك القط أول ما يشوفه

طب وسبتها على الطريق يا دكتور .. ولا وقفتلها تاكسي ؟؟

**ahmad--ezzat** · 20-05-2010 03:40 PM

هيا دى صوره القطه هههههههههههههه

**Dr Ahmed** · 20-05-2010 03:43 PM

المشاركة الأصلية كتبت بواسطة abdo_eldesokey

طب وسبتها على الطريق يا دكتور .. ولا وقفتلها تاكسي ؟؟ :e_braces[1]:

تصدق فاتت عليا!
كان لازم أرجعها مطرح ما كنت واقف
المرة الجاية إن شاء الله

على فكرة مرة لقيت كرة معدية الطريق فرجعت أشوف إيه دى لقيته قنفذ
كان أول مرة فى حياتى أشوفه وكان صغير
خدته فى صندوق وروحته معايا البيت والعيال فرحوا بيه فرحة لا توصف
المهم القنفذ بعد ما لعبوا بيه رفض الأكل ومرض وحالته بقت كرب
تالت يوم خدته فى حالة يرثى لها لمكان ما شفته عسى إن أبوه وأمه يلاقوه
الغربة أكيد صعبة

**M7amD_7amDy** · 20-05-2010 04:27 PM

حصلتلى مرة قبل كده أيام الانسر

كنا ماشيين بالعربية أنا وأخويا وسمعنا صوت نونوة وبعدين وقفنا

وفتحنا الكبوت لقينا قطة صغيرة اوى محشورة جوه ومش عايزة تنزل ابدااااااااااااااا

حاولنا نشيلها مش عارفين :)

وبعد محاولات مريرة نزلت ووقفت تحت العربية

ولا يمكن تتحرك :)) زى ميكون جالها شلل نصفى من الخضة

المهم خليت أخويا يمشى وهيا تحت وانا باصص تحت العربية وبظبت

وأقوله يمين شوية شمال شوية زى فيلم اسماعيل يس ( منبه يامعلمى) ههههههههه

وعدت بسلام :))

بس حلوة فكرة الكلاكس ياعتريس عشان نصحيهم قبل منمشى ههههههههه

**ابو ليلى** · 20-05-2010 05:49 PM

انا بقى مختلف عنكو خالص لان ضيوفى كانت عرس ( جمع عرسه )
زمان ايام ما كانت معايا الاصيلة عزة ال 128 كانت اول عربية اركبها اصيله اصيله يعنى

فى مرة كده بفتح الباب القيهم سايبن بقايا الحفلة اللى كانت موجوده فى العربية طبعا اللى قاعده

مرحره على الكنبة كسلت تنزل بره العربية قامت مدياها والى على الكرسى اللى جنبى تلاقى كده حاجه سيبناها هدية ليا حاجه من رحيتهم شفت العربية كده تنحت والريحه فله شمعه منورة رحت قافل الباب تانى ورحت ركبت مواصلات ورحت الشغل

ولما جيت اديت المفتاح للبواب وقلتله انا عاوز العربية دى تغسلها من جوه بكل انواع المنظفات بالكراسى والكنب كله .
بعد كده عرفت انها دخلت من مكان السماعات اللى وره كان فى سماعه قاطعه كنت شيلها

بس هى دى قصة حياتى ...

**noda007** · 20-05-2010 07:37 PM

انا بخاف من القطط لو لقيت قطه فى عربيتى هسيبها وامشى واخد تاكسى هههههههههه

**aymanyouness** · 20-05-2010 08:28 PM

دة القطط معلما على العربيات كلها انا كنت فاكر ان دة عيب فى السيراتو ......................

-

-

الموضوع: القطط والنيو سيراتو

LinkBack

أدوات الموضوع

عرض

-

-

-

-

-

-

المواضيع المتشابهه

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

القطط

مطلوب مقارنة بين اللانسر 2008 البومة والنيو سيراتو 2009

سؤال عن الجين 2 والنيو واجا

الكلمات الدلالية لهذا الموضوع

المفضلات

المفضلات

ضوابط المشاركة