القطط والنيو سيراتو

**aymanyouness** · 20-05-2010 02:37 AM

كنت رايح مشوار ونزلت علشان اسخن وامشى شلت الكفر وفتحت الكبوت علشان اشيك قبل ما ادوت لقيت قطة نيمة على غطاء الموتور فحمت ربنا انتى شيكت ومدورتش الموتور علطول كنت زمانى بشيل جثة القطة من على سير الدينمو والله واعلم اية الى كان ممكن يحصل وكمان فى عربية ماتريكس بيركن جنبى القطة اتحشرت بين الرفرف والكرتيرة الراجل تعب لحد لما القطة طلعت من العربية
اتعوت انتى اشيك كل لما افكر ادور العربية وكمان المشكلة دى حصلت معيا وانا فى الشغل وكان فى قطة داخل الموتور المشكلة ان حوض موتور السيراتو واسع والقطط بتاخد رحتها فى العربية
او ممكن تكون القطط نفسها تركب السيراتو مش الناس بس
خلى بالك قبل ما تدور العربية شيك الاول وكل واحد وحسب المنطقة بتاعتة ربنا يحمى السيراتو ويبارك فيها

**aymanyouness** · 20-05-2010 05:37 AM

اى رد على اخوكم الغلبان

**alzwawy** · 20-05-2010 06:40 AM

لأ انا عندي القطط لو نسيت اغطي العربيه يوم او كنت راجع تعبان بنزل الاقي رجليهم معلمه و عاملينلي حفله فوق العربيه

**Abdo_Eldesokey** · 20-05-2010 07:56 AM

المفروض بقى الصيف دخل والقطط تحل عننا ..

كانوا بيدخلوا الكبوت عشان الدفا

دلوقتي هيفتحوا الباب ويدخلوا يشغلوا التكييف

**aymanyouness** · 20-05-2010 09:09 AM

هل ينفع نعمل كساحة اسفل الموتور لحماية الموتور من اسفل زى الى فى الجيب
انا كنت عملها فى دايو جوليت وكانت جامدة اوى عملها قاعدة وجلب من المطاط علشان الصوت وفتحات تهوية وفتحة تغيير زيت الموتور

**Khaled_Nowaihy** · 20-05-2010 09:22 AM

دى حصلت فى الدايو النوبيرا برضه مع واحد صاحبى ولولا ان القطة كانت بتنونو من حشرتها جوة ماكناش خدنا بالنا منها

**yasserelsayad** · 20-05-2010 10:39 AM

المشاركة الأصلية كتبت بواسطة aymanyouness

هل ينفع نعمل كساحة اسفل الموتور لحماية الموتور من اسفل زى الى فى الجيب
انا كنت عملها فى دايو جوليت وكانت جامدة اوى عملها قاعدة وجلب من المطاط علشان الصوت وفتحات تهوية وفتحة تغيير زيت الموتور

العربية فيها تصفيح من تحت الموتور بس فى اجزاء معينة

**ابو ليلى** · 20-05-2010 02:22 PM

المشاركة الأصلية كتبت بواسطة Atrees

عموما انا متعود اعمل حاجة ممكن تكون مفيدة شويه بس مزعجة

بدي 3 - 4 كلاكسات قبل ما ادور - بصحي القطة تغسل وشاها وتروح لاكل عيشها هههههههههههههههههه

هههههههههههه فى حد بيصحى قطه كده من النوم حرام عليك امال فين النور العالى

-

الموضوع: القطط والنيو سيراتو

LinkBack

أدوات الموضوع

عرض

-

-

-

-

-

المواضيع المتشابهه

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

القطط

مطلوب مقارنة بين اللانسر 2008 البومة والنيو سيراتو 2009

سؤال عن الجين 2 والنيو واجا

الكلمات الدلالية لهذا الموضوع

المفضلات

المفضلات

ضوابط المشاركة