الموضوع: الرينو او المازدا او الفولفو

ولله الي انا هقدر افيدك فيها هي الفولفو و دي سعرها لا يتعدي ال20 الف دي لو حاله تحفه
لكن منصحشي خلاص بالعربيه زمنها راح و انا كنت بتبهدل عشان اجيب قطعه ليها بأسعار نار و الميكانيكيين بيحسبوني نايم علي كنز ولله و بيطلبو فلوس كتير اوي في الصيانه
هي من حيث ثبات و محركات طبعا شركه لا غبار عليها لكن المشكله انك مش هتقدر تحافظ علي المكانه دي بأنك مش هتقدر تصرف عليها و التوكيل بتعها غالي بس ناس محترمه الحقيقه
و بجانب ده كله طول في عرض في ارتفاع يعني ابقا قبلني لو عرفت تركن في زحمه و 2300cc هتلاقي التانك بيخلص نط مش خطوات

طب وليه يا مان العربيات الغريبه دي او الي مش منتشره بمعني اصح
ياريت تقول حدود سعرك و احنا نفيدك يا مان اكثر

طبعا المازدا احسن للانها اعتمادية و واسعةو قطع غيارها هتكون متوفرة بعكس الفولفو

المشاركة الأصلية كتبت بواسطة crazy_sandy

انا مش مان
العربيات الغريبه دى لانها ارخص عربيات فى فئتها الكبيره بعيدا عن الفيات 128 او الحاجات التقليديه دى بخصوص عايزينها ليه دى عايزينها عشان تجمع الاسره و كدة مينفعش كل واحد يبقى عربيه صغيره لوحده و ماشيين كلنا لان كلنا عربياتنا صغيره جدا و كمان هتكون للمشاوير الخفيفه مش السفر
و الحدود مثلا ممكن فى 15 كدة أو الرينج دة و اهم حاجة يعنى الشكل الشيك

هههههههه اوك بيس سوري
ماشي تمام يبقا خليكي في المزدا قطع غيار ارخص و كتير بيعرف يشتغل فيها
اما السعر اظن انه هيذيد شويه عن 15 و ده حسب الحاله
بس اهم حاجه يكون معاكي ميكانيكي موثوق فيه و تصبري يعني تشوفي واحد و اثنين و ثالاثه و في الاخر انسبهم تشتريه و ربنا يوفقك