الموضوع: اليانز افضل ولا كونتاكت

المشاركة الأصلية كتبت بواسطة sara2001

انا محتاره جدا وارجو ان تساعدوني في اتخاذ القرار بخصوص شركة التأمين الأفضل
ودي التفاصيل اللي حصلت عليها من الشركتين

اولاً رد شركة كونتكت:
للعضو الاختيار بين مستويي الخدمة عند الانضمام لنادي خدمة كونتكت:

( أ ) الكارت البرتقالي ويتضمن الخدمات الآتية:
· تغطية تأمينية شاملة.
· ليموزين (في حالة عدم إماكنية سير نتيجة الحادث)
· نقل السيارة (في حالة عدم إمكانية سير السيارة نتيجة الحادث)
(ب) الكارت الأزرق ويتضمن الخدمات الآتية:
· تغطية تأمينية شاملة.
· ليموزين (في حالة عدم إمكانية سير السيارة نتيجة الحادث أو العطل).
· النقل المجاني للسيارة(في حالة عدم إمكانية سير السيارة نتيجة الحادث أو العطل).
· سيارة بديلة لمدة ثلاثة أيام في حالة الحوادث.
أما بالنسبة للمطالبات فيقوموا بتحمل 15% من قيمة فاتورة الإصلاح عند للحادث الثانية في نفس السنة و 25% للحادث الثالثة أو ما زاد.
بالنسبة لنسب التأمين
بالنسبه للسيارات كيا، رينو، بيجو، تويوتا ، دايو ، شيفروليه وهيونداي
5.25% من قيمة السيارة السوقية للكارت الأزرق و5.00%للكارت البرتقالي (إذا كان نظام الدفع بالقسط كل شهر)
5.00%من قيمة السيارة السوقية للكارت الازرق و 4.75%للكارت البرتقالي (إذا كان نظام الدفع كاش السنة بالكامل)
· برجاء العلم بأن التامين غير متوافر للسيارات الصينى و سيارات التقسيط من اى جهة اخرى

الأوراق المطلوبة:
1. رخصة القيادة و السيارة أو (جواب المرور لم يتعدي علي تاريخ إصدار المرور ٧ أيام )
2. البطاقة الشخصية أو جواز السفر
3. أقساط التامين في حالة دفع الاقساط كل شهر بالتقسيط ( قسط تأميني أول شهر – قسط مسترد في أخر السنة ) أو السنة بالكامل .
4. السيارة للمعاينة

وحاجات تانيه عرفتها منها ان النسبه شامله الضرائب والدمغات
ومفيش تكلفة إخطار
مش مطلوب محضر إلا في حالة الحريق أو السطو فقط
مفيش نسبة اهلاك قطع غيار
لو مفيش مطالبات في خصم في القسط السنوي 5%
المبلغ التأميني في حالة عربيتي هينزل في حدود من 2000 الى 3000 لأن الرخصه صادره من شهر 4
الإصلاح في الوكيل وهما اللي بيحاسبوا في الوكيل وفي حالة نسبة ال15% او مازاد بتحاسب عليه بنفسك في الوكيل وانت بتستلم العربيه
و لو الإصلاح في اماكن بره الوكيل بنفس نظام المطالبه مع الإختلاف ان الدفع من خلالك وبعدين التحصيل خلال 10ايام

مفيش تعويض مدني للغير
في حالة الهلاك الكلي للعربيه التعويض بيكون 100 % من القيمه السوقيه للعربيه وقت الحادث

ثانياً وثيقة اليانز

النسبه 4.75 %
مفيش تكلفة اخطار
مش مطلوب محضر لو اقل من 10000
المبلغ التأميني نفس مبلغ الشراء
الإصلاح في الوكيل ومبلغ التحمل ثابت في أي حادثه خلال السنه من 150 : 300 حسب نوع العربيه
كسر الزجاج في حدود 1000 لا يعتبر مطالبه
الشيك بيصدر بعد 10 ايام
المبلغ التأميني نفس مبلغ الشراء

<a href="scan00010.jpg picture by saranzar - Photobucket" target="_blank"><img src="http://i783.photobucket.com/albums/y.../scan00010.jpg" border="0" alt="Photobucket"></a>

انا اسفه ان الموضوع طويل بس انا حبيت اوضح كل النقط اللى عرفتها

كل اللى حضرتك كتبتيه بالنسبة لكونتكت ليست بوليصة تأمين ولكن انضمام لشريحة الكروت شاملة بوليصة التأمين بمعنى ان حضرتك هتدفعى حوالى 5000 جنيه تزيد او تقل
طيب ليه لما ممكن أأمن بأقل من كده بكتير (انا مأمن ب 3126 جنيه )اتفضلى حضرتك اقرأى الموضوع ده وشكرا
الحمد لله استلمت بوليصة التأمين النهاردة
................................*
محمود عينو

اليانز طبعا من غير تفكييييييييير.
انا الاول كنت هأمن مع كونتاكت والصراحة تعامل غير مريح بالمرة وحطين 100 شرط بحيث يضمنو ان اللى هيأمن عندهم ده مش هيعمل حوادث وكمان سمعت من احد الاعضاء انه عمل حادثه بالعربية وصحلها عندهم ولما راح يجدد مرضوش ومن غير ابداء اسباب طب اييه لزمة التأمين لو هم بيدورو على الناس اللى مش بتعمل حوادث ده غير ان مع كل مطالبة العميل بيتحمل مصاريف زيادة.
طبعا بعد ده كل سبتهم ورحت لاليانز. الصراحة حاجة تانية خالص تعامل فوق المحترم واهتمام جدا بالعميل وبيأمنو من غير شروط والعربية اتخبطت منى وهى واقفة ورحت صلحتها عندى مودرن والصراحة كانت كل الاجراءات ماشية بسلاسه جدا وانا كنت مأمن عند اليانز فرع المنطقة الحرة بمدينة نصر وفى مشرف مبيعات هناك اسمه استاذ يحيى راجل الصراحة قمة الاحترام و هو اللى وقف معايا لحد ما استلمت العربية.
بجد مفيش وجه مقارنه

المشاركة الأصلية كتبت بواسطة sara2001

وايه الشروط اللي تضمن ان اللي هيأمن عندهم مايعملش حادثه

مثلا زى انهم مش بيرضو يأمنو للعربيات بتاعت المحافظات بحجة انهم مش هيعرفو يصلو الخدمة للمحافظات دى رغم ان السبب الحقيقى عشان العربيات دى بتسافر كتير ففرصة ان العربية تعمل حادثة كبيرة ولما رحت اليانز قلتلهم كده ضحكو بجد على الكلام ده.