بإذن الله نويت اامن على العربيه مع اليانز او كوناكت كار وكنت عايزه اعرف الأفضل من واقع تجارب الأعضاء
من ناحية المرونه والراحه في التعامل والمصداقيه في تنفيذ التعاقد
وايه العيوب اللي صادفها اللي اتعاملوا معاهم ومتشكره جدا جدا
عرض للطباعة
بإذن الله نويت اامن على العربيه مع اليانز او كوناكت كار وكنت عايزه اعرف الأفضل من واقع تجارب الأعضاء
من ناحية المرونه والراحه في التعامل والمصداقيه في تنفيذ التعاقد
وايه العيوب اللي صادفها اللي اتعاملوا معاهم ومتشكره جدا جدا
والله الي اسمعة انه كتأمين اليانز احسن شركة , بس كونتكت بردة كويسة و فيها تأمين بتطبيق الشريعة الاسلامية لان على حد علمي ان التأمين حرام .
اولا مبدئيا كونتكت لا يأمن الا للسيارات المباعة من عنده يعنى لازم تكونى شارية العربية من كونتكت
ثانيا وده الاهم كونتكت وسيط ما بين المؤمن وما بين شركة التأمين اللى هو بيتعامل معاها بمعنى انه له نسبة من قيمة بوليصة التأمين بياخدها من شركة التأمين يعنى فرضا لو التأمين 3% فى شركة التأمين هو بيعمله ب 4%
راجعى حضرتك الموضوع ده من اوله لاخره و بدون زهق وان شاء الله هتستفيدى استفادة كويسة جدا
مقارنة لشروط واسعار شركات التامين فى مصر
................................
محمود عينو
اليانز احسن في ايه؟
انا سألت فى دار الإفتاء والتأمين على السيارات مش حرام
انا قريت الموضوع فعلا هو مفيد جدا بس الأسعار اتغيرت شويه
و كان سؤالي بخصوص اللي اتعامل مع الشركتين وشايف ان في سلبيات اتعرض لها يقدر يفيدني
اذا كان كونتكت قال لحضرتك انه ممكن يأمن يبقى توكلى على الله و اعملى التأمين عندهم (أفلح ان صدق) لان مميزاته مش موجودة فى اى شركة تأمين تانية وأبسطها انه هو اللى بيدفع قيمة الاصلاح مش العميل بس هو اغلى من شركات التأمين للسبب اللى ذكرته سابقا
(معظمنا اتصلنا بيه علشان نأمن عنده و رفض لان السيارة مش من عنده)
................................................
محمود عينو
وبيوفر سيارة بديلة ...
حضرتك اتصلت بيه امتى؟
انا اتصلت امبارح في النمره الموجوده على الموقع وفي تسجيل بيوجهك لنمره اخري المندوب اخد بياناتي ومنها كان السؤال على العربيه من عندهم ولا لأ وما اعترضش اطلاقاً على انها من بره
وبعد كده اداني رقم واسم في ابو رواش اتابع معاه
اه فعلاً
حضرتك مأمن معاهم؟
هي الوثيقه صعب ان انا اخدها قبل ما ادفع مبلغ التأمين؟
انا محتاره جدا وارجو ان تساعدوني في اتخاذ القرار بخصوص شركة التأمين الأفضل
ودي التفاصيل اللي حصلت عليها من الشركتين
اولاً رد شركة كونتكت:
للعضو الاختيار بين مستويي الخدمة عند الانضمام لنادي خدمة كونتكت:
( أ ) الكارت البرتقالي ويتضمن الخدمات الآتية:
· تغطية تأمينية شاملة.
· ليموزين (في حالة عدم إماكنية سير نتيجة الحادث)
· نقل السيارة (في حالة عدم إمكانية سير السيارة نتيجة الحادث)
(ب) الكارت الأزرق ويتضمن الخدمات الآتية:
· تغطية تأمينية شاملة.
· ليموزين (في حالة عدم إمكانية سير السيارة نتيجة الحادث أو العطل).
· النقل المجاني للسيارة(في حالة عدم إمكانية سير السيارة نتيجة الحادث أو العطل).
· سيارة بديلة لمدة ثلاثة أيام في حالة الحوادث.
أما بالنسبة للمطالبات فيقوموا بتحمل 15% من قيمة فاتورة الإصلاح عند للحادث الثانية في نفس السنة و 25% للحادث الثالثة أو ما زاد.
بالنسبة لنسب التأمين
بالنسبه للسيارات كيا، رينو، بيجو، تويوتا ، دايو ، شيفروليه وهيونداي
5.25% من قيمة السيارة السوقية للكارت الأزرق و5.00%للكارت البرتقالي (إذا كان نظام الدفع بالقسط كل شهر)
5.00%من قيمة السيارة السوقية للكارت الازرق و 4.75%للكارت البرتقالي (إذا كان نظام الدفع كاش السنة بالكامل)
· برجاء العلم بأن التامين غير متوافر للسيارات الصينى و سيارات التقسيط من اى جهة اخرى
الأوراق المطلوبة:
1. رخصة القيادة و السيارة أو (جواب المرور لم يتعدي علي تاريخ إصدار المرور ٧ أيام )
2. البطاقة الشخصية أو جواز السفر
3. أقساط التامين في حالة دفع الاقساط كل شهر بالتقسيط ( قسط تأميني أول شهر – قسط مسترد في أخر السنة ) أو السنة بالكامل .
4. السيارة للمعاينة
وحاجات تانيه عرفتها منها ان النسبه شامله الضرائب والدمغات
ومفيش تكلفة إخطار
مش مطلوب محضر إلا في حالة الحريق أو السطو فقط
مفيش نسبة اهلاك قطع غيار
لو مفيش مطالبات في خصم في القسط السنوي 5%
المبلغ التأميني في حالة عربيتي هينزل في حدود من 2000 الى 3000 لأن الرخصه صادره من شهر 4
الإصلاح في الوكيل وهما اللي بيحاسبوا في الوكيل وفي حالة نسبة ال15% او مازاد بتحاسب عليه بنفسك في الوكيل وانت بتستلم العربيه
و لو الإصلاح في اماكن بره الوكيل بنفس نظام المطالبه مع الإختلاف ان الدفع من خلالك وبعدين التحصيل خلال 10ايام
مفيش تعويض مدني للغير
في حالة الهلاك الكلي للعربيه التعويض بيكون 100 % من القيمه السوقيه للعربيه وقت الحادث
ثانياً وثيقة اليانز
النسبه 4.75 %
مفيش تكلفة اخطار
مش مطلوب محضر لو اقل من 10000
المبلغ التأميني نفس مبلغ الشراء
الإصلاح في الوكيل ومبلغ التحمل ثابت في أي حادثه خلال السنه من 150 : 300 حسب نوع العربيه
كسر الزجاج في حدود 1000 لا يعتبر مطالبه
الشيك بيصدر بعد 10 ايام
المبلغ التأميني نفس مبلغ الشراء
<a href="http://s783.photobucket.com/albums/y...=scan00010.jpg" target="_blank"><img src="http://i783.photobucket.com/albums/y.../scan00010.jpg" border="0" alt="Photobucket"></a>
انا اسفه ان الموضوع طويل بس انا حبيت اوضح كل النقط اللى عرفتها