للأسف فيمت عند اوسكار

**tamirjacko** · 20-05-2010 07:01 AM

كان نفسى من فترة افيم عربيتى البيكانتو الرمادى تفييم خفيف كدة اللون العسلى يعنى بيكون مبين كل حاجة وفى نفس الوقت شكلة شيك.المهم اتوكلت على الله وفيمت عند اوسكار الى فى شارع المطبعة فى الهرم. اول حاجة الناس الى هناك تحس كدة انك داخل على شوية ................* انا قلتلهم انى مش عاوز الفامية يطلع فية فقاقيع ولا حتت مش مضبوطة قالولى يا بية دة شغلنا متقلقش المهم ولدين كدة اكيد ........* بدأو يشتغلو فى العربية ويعاكسو فى الراحة والى جاية ويسلمو على دة ودة والى يقولو عملت اية فى الحوار والتانى يقولة المصلحة يعنى بصراحة انا كنت عملت العربية فى الباطنية مكنتش هسمع الالفاظ الشلل دية المهم ان العيال عاملين صيع وكل واحد فيهم شبة ........ كدة يعنى لا ينفع صيع ولا نيلة المهم العربية خلصت فى حوالى 40 دقيقة مكانتش باينة اوى عشان الساعة كانت 9 بليل فمخدتش بالى من الشغل اوى المهم تانى يوم وانا رايح الشغل الاقى كمية خرابيش وحتت مش مظبوطة وحتة طالعة وحتة نازلة قلت فى نفسى انا الى غلطان عشان انا الى رحت اوسكار دة والى عاوز الدح طبعا انتو عارفين الباقى فانا قلت انقل تجربتى المرة عشان محدش يروح المكان دة ........
----------------
م ع 5

**ZALABANY** · 20-05-2010 08:17 AM

يا باشا كنت كلمت اكرم اللي كريم منير حاطط نمرته في موضوع بييجي يركبلك تحت البيت وشغله ممتاز

**powerofhelll** · 20-05-2010 12:35 PM

سبحان الله وبحمده سبحان الله العظيم

**tarekmomo** · 20-05-2010 04:22 PM

قدر الله وماشاء فعل ويستحسن تركيب الفامية بالنهار عشان العيوب تبان

**Ahmed Galal** · 20-05-2010 04:58 PM

معلش ربنا يعوض عليك و كويس انك حزرت الناس منهم

**GMakram** · 20-05-2010 05:09 PM

طب حضرتك ساكت ليه؟ماترجعلهم تأخد حقك,مش ده شغلهم ودفعت فيه فلوس,ماتسيبش حقك ارجعلهم

**Dr Ahmed** · 20-05-2010 05:19 PM

لو خرابيش بسيطة هتروح مع حرارة الشمس
لو فقاقيع يستحسن خرمها بدبوس ومحاولة تفريغ الهواء منها

لو عيوب كتير مش هينفع غير يتشال ويتحط غيره

ممكن تحطه بنفسك بعد ما شفتهم عملوه إزاى