جيوب أنفية

**mesaharaty** · 20-05-2010 09:45 AM

أنا بأعانى من إلتهابات متكررة بالجيوب الأنفية

آخر مرة جانى رشح جامد وعطس شديد لمدة أربعة أيام
وإنتهت الهجمة لكن فضل الإحتقان شديد وعطس ومخاط لزج بالانف وصداع

رحت لدكتور أنف وأذن قاللى أنفك ملتهب جدا جدا وخوفنى

عاوز حل يا جماعة ما حدش يعرف حاجة لموضوع الجيوب الأنفية دى
طيب إسم دكتور كويس
طيب أى حاجة

حماكم الله جميعا من السوء والمرض

**Dr.lancer** · 23-05-2010 10:58 PM

المشاركة الأصلية كتبت بواسطة solly76

وصلتله بعد لفه على صنايعيه كتير و ده اخف لفظ وصلتله عشان مش دكاتره :)

لا تعليق. بس فى كل مهنة هناك الجيد و السىء و عليك البحث جيدا لأنها صحتك. ده الواحد بيسأل أكتر من واحد قبل ما يصلح عربيته عند حد.
بخصوص د. الجارم هو فعلا سمعته طيبه. أكرمه الله.

**mohamed_selim** · 24-05-2010 10:33 AM

و الله يا دكتور انا كنت فاكر ان الطب موصلش للمرحله دى
انا اخويا دكتور و نص اصحابى دكاتره و عارف طريقة تعاملهم مع الناس بس للاسف مفيش حد منهم انف و اذن
طب تصدق انا فى واحد بعد الكشف قالى فى التهاب حاد بس هعمل منظار عشان اتأكد, اولتله اعمل, قالى هتدفع X , اولتله ماشى بس ادينى ايصال زى الكشف (بحاسب عليهم لاتأمين اللى فى الشغل) قالى لأ كده هتدفع اكتر 20% !!!
المهم بعد المنظار خلانى احس ان كل حاجه بعملها فى دنيتى غلط : تكييف يا ساتر, مهندس كمبيوتر يعنى هوا مش طبيعى, و كمان بتغطس لألألأ لازم نعمل عمليه ننضف و نوضب الجيوب دى بس اعمل حسابك مفيش غطس تانى و العمليه ب $$$ و مفيش ايصال بالمبلغ !!!

رحت لد. على بناء على نصيحة د. غرفة الضغط فى شارم, لما حكيتله قاللى طبعا لو كنت عملت العمليه بالشكل ده مكانش هيكون فى غطس تانى عشان كان هيوسع الvalves بتاعت الجيوب الأنفيه و لو بتعوم و فكرت تنزل دماغك تحت الميه مش هيكون فى مقاومه و الميه هتخش جوه فما بالك بالغطس ... المهم مطولش عليك ادانى شوية ادويه كلها حاجات طبيعيه و غسول للأنف و كده (كنت مخلص كورس مضاد حيوى قبل مروحله فمرضيش يكرره) و بعد اسبوعين كنت زى الفل الحمد لله و من ساعتها و انا بتعامل معاه

اللى يغيظ ان الأخ الأولانى استاذ جامعه برضه !!!

**Dr.lancer** · 24-05-2010 09:44 PM

ألف سلامة عليك. و لو عايز أى نصيحة قبل متروح تكشف أنا فى خدمتك. بس من غير وصل برضه

**mohamed_selim** · 25-05-2010 10:32 AM

الله يخليك
ربنا يسهل و نتقابل سواء بكشف او من غير

الموضوع: جيوب أنفية

LinkBack

أدوات الموضوع

عرض

جيوب أنفية - انشر الموضوع فى :

الكلمات الدلالية لهذا الموضوع

المفضلات

المفضلات

ضوابط المشاركة