مساعده فى كاوتش 113

**tito2020** · 20-05-2010 09:50 AM

السلام عليكم

الحمد لله اخوكم جديد فى السواقه بس حذر جداا وباخد بالى
المهم انى قليل جداا بليل والدنيا كحل بدخل فى حفر رخمه على الطريق وانا ماشى سريع الى حد ما
مش عارف ان كان ده السب ولا لا الى يخلى الكاوتش الامامى الايمن طلع فيه بلونه بس صغيره اوى
متشوفهاش الى لما تقرب جامد للكاوتش
كنت عاوز اعرف مدى خطورته خصوصا انى طريقى سريع اليومى الدائرى
وايه الحل ؟؟؟؟؟
انا سئلت بتاع كاوتش فى التوفيقيه قالى اعملهالك فى 10 دقايق و ورانى حاجه كده مدوره بحجم كف اليد وقالى ممكن ناخد منها 2 او 3 وبيتلزقوا من جوا الكوتش والواحده تمنها 15 جنيه
ايه رايكم فى الكلام ده والنصيحه واعملها عند ميين؟؟؟؟؟

اسف للاطاله

**hemaa_82** · 20-05-2010 10:36 AM

المشاركة الأصلية كتبت بواسطة tito2020

السلام عليكم

الحمد لله اخوكم جديد فى السواقه بس حذر جداا وباخد بالى
المهم انى قليل جداا بليل والدنيا كحل بدخل فى حفر رخمه على الطريق وانا ماشى سريع الى حد ما
مش عارف ان كان ده السب ولا لا الى يخلى الكاوتش الامامى الايمن طلع فيه بلونه بس صغيره اوى
متشوفهاش الى لما تقرب جامد للكاوتش
كنت عاوز اعرف مدى خطورته خصوصا انى طريقى سريع اليومى الدائرى
وايه الحل ؟؟؟؟؟
انا سئلت بتاع كاوتش فى التوفيقيه قالى اعملهالك فى 10 دقايق و ورانى حاجه كده مدوره بحجم كف اليد وقالى ممكن ناخد منها 2 او 3 وبيتلزقوا من جوا الكوتش والواحده تمنها 15 جنيه
ايه رايكم فى الكلام ده والنصيحه واعملها عند ميين؟؟؟؟؟

اسف للاطاله

البالونة عبارة عن ضعف في انسجة العجله" زي الفتاق عند البني ادم" و معناها ان العجلة مش مستحملة الضغط ... و خطورتها عالية لانها بتكون عرضة للانهيار و الانفجار ... اللي هايعملهولك بتاع الكاوتش انه هايلحمها حراري ب لزق داخلي ....

اولا كتير علي الحمة الواحدة 15 جنيه ... اخر الواحدة 7 الي 8 جنيه ...
ثانيا الافضل لو معندكش مبلغ كافي لتغيير العجلة انك تقلبها داخلي " تشتري شنبر داخلي و تبقي مش تيوبلس ... و ده يطول عمرها لان الضغط بيكون علي البالونة مش علي العجلة الخارجية المصابة " و البالونة بتكون من 15 الي 20 جنيه ...

و ايا كان انصحك تركنها كاستبن و متمشيش عليها " سواء مسمعتش كلامي و عملت زي الفزلوك بتاع الكاوتش"اللي عايز يعمل مصلحة باي فلوس و السلام- 45 جنيه غير شغل ايده-" او قلبتها داخلي "

**tito2020** · 23-05-2010 02:22 PM

متشكر جداا لرد حضرتك واكيد طبعا انا استفد من كلامك حضرتك

**abudoh2006** · 31-05-2010 11:14 PM

المشاركة الأصلية كتبت بواسطة hemaa_82

البالونة عبارة عن ضعف في انسجة العجله" زي الفتاق عند البني ادم" و معناها ان العجلة مش مستحملة الضغط ... و خطورتها عالية لانها بتكون عرضة للانهيار و الانفجار ... اللي هايعملهولك بتاع الكاوتش انه هايلحمها حراري ب لزق داخلي ....

اولا كتير علي الحمة الواحدة 15 جنيه ... اخر الواحدة 7 الي 8 جنيه ...
ثانيا الافضل لو معندكش مبلغ كافي لتغيير العجلة انك تقلبها داخلي " تشتري شنبر داخلي و تبقي مش تيوبلس ... و ده يطول عمرها لان الضغط بيكون علي البالونة مش علي العجلة الخارجية المصابة " و البالونة بتكون من 15 الي 20 جنيه ...

و ايا كان انصحك تركنها كاستبن و متمشيش عليها " سواء مسمعتش كلامي و عملت زي الفزلوك بتاع الكاوتش"اللي عايز يعمل مصلحة باي فلوس و السلام- 45 جنيه غير شغل ايده-" او قلبتها داخلي "

بس الاحسن تغير الفرد فى دانلوب 185/60 كويس جدا و ب 400 جنيه انا مجربه

**Hamdy Masria** · 31-05-2010 11:43 PM

الفكرة كلها فى مقاس الكاوت بتاع العربية وحش جدا وطلع عينى ... وضريت منى 3 فرد واخر مزهقت غيرت المقاس كلة والنوع كمان ... انصحك انك تخلى الفردة دى استيبن او ترجعها ورا ... وبعد فترة كده ربنا يكرمك وتغير المقاس خالص وتجيب فرد كاوتش نوعها نضيف وفعلا المقاس اللى قال علية الأخ 14\60\185 هتلاقية انسب مقاس وهيريحك ان شاء الله