الموضوع: واشنطن تايمز: احتكار مصر لمياه النيل يقضى على إثيوبيا

عزل مصر سياسيا عن جيرانها من زمان شغال بخطي ثابته ! و المصريين بغباء ساعدو في دا بشكل كبير !


لنا الله وحده الفتره الجايه لأننا خسرنا نفسنا كل حلفائنا المفترضين !

والله يا جماعه انا من اول الموضوع وانا متفق تماما مع الاتفاقيه دي خصوصا انها بتنص وبتقر عدم التوزيع الحقيقي والغير العادل لمياة النيل , وزي ما احنا لينا اهدافنا السياسية والاستراتيجيه لتامين احتياجات الشعب المصري هما كمان ليهم اهدافهم وسياسيتهم وطموحاتهم الزراعيه وعاوزين ينتجوا زينا بالظبط وانا لما قرات نص الاتفاقيه القديمه وعرفت مقدار مصر الاعظم من مياة النيل والي يقدر ب 55 مليار متر مكعب استغربت وياريت في الاخر استفدنا من الكم الهائل ده في الزراعة بلا خييييييييييييييييييييبه

المشاركة الأصلية كتبت بواسطة Dr Zezo

انا اسف علي السؤال

بس هو حضرتك ايه مصادر معلوماتك علي الكلام ده؟


عامة المواقع الاخبارية المحترمة و كالات الانباء الكبري عندما تورد مثل هذه الاخبار تعني بذكر ان مصر و السودان تحصلان علي 85% من منسوب مياه النيل في اسوان

مش 85% من المياه الموجودة في النهر من منابعه حتي مصبه

لأ 85 % من المياه الواصلة الينا

كما يجب ملاحظة ان بعض المواقع الاخبارية الاخري تذكر 85% من مياه النيل اعتمادا علي انه لاتطلق لفظة نهر النيل الا علي النهر الذي يبدأ شمال الخرطوم نتيجة اتحاد النيل الازرق و الابيض

بالبلدي كده نهر النيل مش موجود غير في مصر و شمال السودان

و اذا علمنا ان ايراد النهر السنوي يتراوح ما بين 1000 الي 1600 مليار متر مكعب سنويا حسب فيضان كل عام

و اذا علمنا ان مجري النهر نفسه في اقصي حالاته و في حالات شديدة الندرة لا يستطيع اصلا ان يحمل لمصر الا 150 مليار متر مكعب في حالة فيضان مدمر بالغ القوة لم يحدث منذ مئات السنوات

و اذا علمنا ان حصتنا الحالية هي 55 مليار متر مكعب فقط سنويا

لعلمنا من يتجني علي الاخر

:

متفق معك في هذه البيانات كل الاتفاق واحب ان اضيف الاتي :-
يبلغ عدد الدول المشاركة في حوض نهر النيل عشراً، وهي من المنبع إلى المصب كما يلي: بوروندي وروانداوتنزانيا وكنياوجمهورية الكونغو الديمقراطية وأوغندا وإثيوبيا وإرترياوالسودان ومصر.
ومناخ جميع هذه الأقطار رطب ومعتدل، حيث يبلغ معدل هطول الأمطار 1000-1500 ملم/السنة، ما عدا الجزء الشمالي من السودان ومصر فهو قاري، ولا تتعدى نسبة هطول الأمطار فيهما 20 ملم/السنة. ومن المعلوم أن معدل هطول الأمطار السنوية في إثيوبيا وحدها 900 مليار متر مكعب/السنة.
كما يشغل حوض النيل في بعض الدول كجمهورية الكونغو الديمقراطية 0.7%، وبوروندي 0.4% أي ما يساوي نصف مساحتها الإجمالية، ورواندا 0.7% أي ما يساوي 75% من مساحتها الإجمالية، وتنزانيا 2.7%، وكينيا 1.5%، والكونغو 0.7%، وأوغندا 7.4%، وإثيوبيا 11.7%، وإريتريا 0.8%، والسودان 63.6%، ومصر 10%.
ويبلغ معدل جريان النيل الأبيض السنوي قبل الوصول إلى الخرطوم 29.6 مليار متر مكعب/السنة، والنيل الأزرق في الخرطوم 49.7 مليار متر مكعب/السنة، ونهر عطبرة 11.7 مليار متر مكعب/السنة. أما نهر النيل قبل أسوان أقصى جنوب مصر فيبلغ 84 مليار متر مكعب/السنة أو 90 مليارا إذا أضفنا إليه كمية التبخر. هذا ناتج ما تبقى بعدما تستنفد الدول المشاطئة حاجتها من المياه.
ومن الجدير بالذكر أن مساهمة النيل الأزرق تساوي ضعف مساهمة النيل الأبيض في مياه نهر النيل، ولكن تبقى هذه النسبة متغيرة، إذ تخضع للمواسم المطرية القصوى والدنيا على مدار السنة، مع العلم بأن جريان النيل الأبيض يبقى شبه ثابت خلال الفصول الأربعة، وبذلك تصبح مساهمة النيل الأزرق 90% والنيل الأبيض 5% عند الذروة، في حين تصبح 70% للأول و30% للثاني عند الحالات الدنيا حسب الفاو.
وتجدر الإشارة إلى أن معظم الدول المتشاطئة في الحوض -ما عدا السودان ومصر- تملك حاجتها من المياه وزيادة لكثرة البحيرات العذبة والأنهار ولكثرة هطول الأمطار فيها، بينما يعتمد السودان بنسبة 77% ومصر بنسبة 97% على مياه نهر النيل.

..... الموضوع ضغط على مصر بسبب انتهاء شهر العسل بين الادارة الامريكية والحكومة المصرية حيث دقت الحكومة المصرية آخر مسمار في نعش العلاقة المصرية الامريكية بتمديد قانون الطوارئ

المشاركة الأصلية كتبت بواسطة mahgary

الله يحمك ياانور السادات

كان زمانه اتهور وراح يضرب السبع دول مرة واحدة فى ادغال افريقيا وكان زمانا متبهدلين
فكرتنى لما ضرب ليبيا بالطيارات علشان متخانق مع القذافى

أظن الهجوم على مصر فى الصحف الامريكية هي تهيئية الرأي العام الامريكى والعالمى
لشئ اكبر والمتابع الجيد للصحف الامريكية هيلاقى ان امريكا قبل ما تبدى اى مصيبة من مصايبها
( حرب أفغانستان ـ حرب العراق ) قعدوا يكتبوا عن الحرب على الارهاب والكلام اللى كنا بنقراه كل يوم
مش عارف ان كنت صح ولا غلط بس توقعاتى ان دي بداية لحاجتين

1ـ جر رجل مصر فى حرب على الدول دى ( لان الموضوع فعلا أمن قومى)

تخيل كدا لما تقوم الصبح مش لاقى مية تستحمى بيها او تشرب منها
اول حاجة هتعملها هتنزل تتدور على مياه اوحنفية عمومى وتملا منها
وبالتالى خناقات وقتل زى ما بيحصل فى طوابير العيش والدنيا هتبقى فوضي
اوى واحتمال انقلاب كمان وفى اللحظة دى ولا شرطة ولا
جيش هينفع لانهم مش هيقدروا يقفوا قصاد ملايين ....

و لو حد قرء كتاب المقريزى عن تاريخ المجاعات فى مصر
حصلت مجاعة تقريبا فى سنة 428 هجرية وطبعا كان بسبب نقص المياه
والناس من كتر الجوع كانت بتاكل الكلاب والحمير ( طبعا فى ناس بتاكلها وهى مش عارفة بسبب قلة الضمير )
بس المرة دى ممكن تاكلها وانت مش لاقى غيرها

2ـ تقسيم مــــــــــــــــــــــــ ــــــــــــصــــــــــــ ــر ونقف هنا شوية ونحاول نركز
يعنى بردة الصحف دى كانت بتتكلم عن مشكلة أهل النوبة وانهم مهمشين اوى من الحكومة
وملهمش حظ ولا نصيب ( كلمة ملك السعودية لرئيس لييبا ) واللى تعنى الكثير

حلم بن جوريون ان سينا تصبح منطقة منزوعة السلاح ومفيش جيش مصري
الحلم دا بدء سنة كام ياتري ؟ سامع واحد بيقول سنة 56 بس الحقيقة مش كدا خالص
الحلم دا بدء من سنة 48 من بداية تكوين دولة اسرائيل ورغم ان الجيش الاسرائيلى تفوق بالخداع وعدم احترام
المعاهدات إلا ان وجود الجيش المصرى كان مسبب نوع من الخوف نتيجة وجود جيش بقوة كبيرة
ومطارات حديثة كانوا سايبنها الانجليز فكان خوفهم ان المصريين يشنوا هجوم تانى عليهم

ياترى حلم بن جوريون اتحقق ؟؟ الاجابة ايوه بس بعد كام سنة ؟؟ بعد 31 سنة فى معاهدة كامب ديفيد
الجيش المصري اصبح لا وجود له فى سينا وان وجد فلا يكفى عى الدفاع عن سينا كلها يادوب مدن القناة وبس
وبالتالى أصبحت سيناء مرتع وملعب ليهم لدرجة ان فى ناس من البدو راحت على حدود اسرائيل
فى احد المرات وكانوا عايزين يخشوا هناك

شوفتم دا بداية التقسيم ...... سلخ الجزء او البوابة الشرقية لمصر
وشوية والنوبة الجزء الجنوبى لان الاطراف سهلة البتر اصعب انك تقطع من الجسم ذاته

يا جماعة دا ضغط صهيونى علشان حلم دولة اسرائيل من النيل الى الفرات ( والنيل هنا مش معناه مصر )
النيل معناه من المنبع .... وهما فعلا بدءوا من المنبع واحنا .....
دا تحليلى مش عارف ان كان صح ولا غلط ولا حد شايف حاجة انا مش شايفها او يصحح لى معلومة اهلا بيه
.