.::حصريا::.لنايل موتورز (تجربة قيادة تويوتا كورولا - ج.أفريقى-)2008 Toyota Corolla

**ahmad7610** · 05-02-2008 09:58 PM

:: تجربة قيادة الكورولا الجديدة الجنوب أفريقى :: حصريا :::
---------------------------------------------
الموديل اللى جربته هو 1.6 بالفتيس الجديد MMT professional
وده سعره الرسمى بالحجز 132000 والتسليم الفورى 135000 جنيه
----------------------------------------------------
الكماليات الاساسية ( professional )
-باور - 4 زجاج ك - تكييف بكرة مانوال - راديو CD مع 4 cd changer
- فرامل ABS
- ايرباج بعدد 4 مع زرار فصل الايرباج الخاص بالراكب الامامى
- عجل بقياس 16 _( بدون جنوط )
- تحكم فى الكاسيت من الدركسيون
- تحكم فى الفتيس من زراير خلف عجلة القيادة ( + و - )
- فرش اسود
-الفتيس الجديد MMT ( مانوال و اوتوماتيك )
-فوج لايت امامى
-------------------------------------------------------------

-------------------------------------------------------------
-العربية حجمها اكبر من الموديلات السابقة وتصل لحجم الاوكتافيا واللانسر الجديدة
-
بالتالى العربية فعلا واسعة من جوه وهى العربية الوحيدة اليابانى 2008 اللى تصل لحجم
السيفيك من الداخل ........
-
العربية تنقصها كماليات عن الموديل الأعلى وهو الموديل ADVANCED
يعنى تنقصها ( keyless start - xenon - بخاخات الكشافات - الجنوط الرياضى
- العدادات البلازمة ) وهى كماليات طبعا غير أساسية لكنها بتعطى فخامة .
--
صوت العربية هادى جدا حتى مع زيادة السرعة . ويمكنك نقل الفتيس بين مانوال واوتوماتيك
بزر جنب الفتيس .
-
مع الناقل الاوتوماتيك زيه زى اى عربية اوتوماتيك
-المتعة الحقيقية مع نظام نقل السرعات اليدوى حيث يتم النقل عن طريق الازرار خلف الدركسيون ( بجد تحس انك بتلعب اتارى مش سايق عربية ) :) بدوسة + تنقل السرعة
لاعلى و لو هديت شويه لما تدوس - تعمل نقل لوراء زى ال kick down
العربية تقيلة شويه فى الطلعة لكن السحب بسم الله ما شاء الله ممتاز بس ما حستش ان العربية
دى 140 حصان عادية والله زيها زى اى عربية 1600
( طبعا العربية بسوقها بالراحة لانها مش بتاعتى فاكيد لو قرصت عليها ممكن تجيب اكتر من كده )
-
بشكل عام العربية كورولا :) يعنى مريحة - سواقتها ناعمة جدا - صوت هادىء
-
الشنطة واسعة زيها زى الميجان تقريبا . والعربية عالية زيادة عن اللزوم بس حاجة حلوة طبعا علشان المطبات ......
-
اما بالنسبة للصناعة جنوب افريقى . فالتقفيل مفيش فرق واضح بينها وبين اليابانى
اكيد لو فيه فرق مش حيبان دلوقتى.
-
كنت جربت الكرسى قبل كده وشكيت انه مش ثابت . طلع ان صاحب المعرض مرجع الكرسى للاخر لما عدلت وضعيته مفيش مشكلة فيه ..
-
الكاسيت صوته حلو زيه زى اى كاسيت اصلى مفيش ال bass العالى لكن الصوت قوى وواضح ...

---------------------------------------------------------
بانطباع عام العربية ممتازة جدا فى السعر والحاجة الوحيدة اللى يخليك تفكر قبل ما تشتريها
هى الصناعة بتاعتها .......... غير كده روعة ..
-
المنافسين : اكيد الهوندا سيفيك واللانسر الجديدة والكورولا اعلاهم فى الكماليات
وارخصهم سعرا لكنها مش 100% يابانى ......... فالاختيار والله بينهم صعب ..:)

http://img252.imageshack.us/img252/1...ntoyotamx7.jpg

------------------------------------------------

**أبو عبدالله** · 05-02-2008 10:13 PM

شكرا على نقل التجربة وربنا يباركلنا فيك ويرزقك الخير ان شاء الله
بس لو جبتها ان شاء الله ليا لفه هههههه

**ahmad7610** · 05-02-2008 11:14 PM

المشاركة الأصلية كتبت بواسطة أبو عبدالله

شكرا على نقل التجربة وربنا يباركلنا فيك ويرزقك الخير ان شاء الله
بس لو جبتها ان شاء الله ليا لفه هههههه

-
العفو يا باشا . الشكر لله وحده .. رغم ان اخويا الكبير معاه الكورولا 94 وهو اللى عاجباه 2008 جدا لكن انا مش عارف ليه مش عاجبانى من بره شويه وشايف السيفيك انسب منها ..... ربنا يوفك ان شاء الله

**ASD peugeot** · 06-02-2008 12:14 AM

سؤال الفتيس عاده و اتوماتك في نفس الوقت يعني فيه دبرياج ولا مش موجود دبرياش ويبقي كده هما
دواستين بس بنزين و فرامل ويعني ايه
المتعة الحقيقية مع نظام نقل السرعات اليدوى حيث يتم النقل عن طريق الازرار خلف الدركسيون ( بجد تحس انك بتلعب اتارى مش سايق عربية ) :) بدوسة + تنقل السرعة
يا ريت توضح اكثر وفين مكانهم خلف الدركسيون
وشكرا ليك و يا ريت الاجابه للتوضيح و الاستفاده

**fahd_628** · 06-02-2008 12:19 AM

شكرا يا باشا على التجربة

**معتز** · 06-02-2008 12:25 AM

انا عندى احساس مش فاهمة.........انا كن من اشد المعجبين والمنتظرين للتويوتا الجديدة.........بس بعد منزلت وشوفتها....حاسس بصده نفس.....ايوه......... مش حاببها ابدا وحاسس انى مصدوم فيها.........يترى حد عنده تفسير............ولا ده رأيى انا لوحدى .......معلهش للاخوة مالكى التويوتا الجديدة....بس فعلا ده احساسى..........:(

**limo** · 06-02-2008 12:29 AM

شكرا على التقيم والتجربه
هيه العربيه الprof فعلا فيها cd changer ؟
عدد 4 اير باج مش اثنين ؟

**Hassan Khalil** · 06-02-2008 12:36 AM

المشاركة الأصلية كتبت بواسطة معتز

انا عندى احساس مش فاهمة.........انا كن من اشد المعجبين والمنتظرين للتويوتا الجديدة.........بس بعد منزلت وشوفتها....حاسس بصده نفس.....ايوه......... مش حاببها ابدا وحاسس انى مصدوم فيها.........يترى حد عنده تفسير............ولا ده رأيى انا لوحدى .......معلهش للاخوة مالكى التويوتا الجديدة....بس فعلا ده احساسى..........:(

معاك في الاحساس ده ..
و بالنسبة لي السبب يرجع الي ان ميتسوبيشي قدمت في 2008 موديل فخم جدا و نقلة بالنسبة للشكل اللي قبله .. و كذلك هوندا قدمت موديل محترم جدا ..فكان توقعي ان يكون موديل تويوتا الجديد ( فاجر ) و لا مؤاخذة في اللفظ .
لكن طلع موديل عادي جدا لا يستحق ما اثير حوله من ضجة ..يمكن يحتوي علي شوية تكنولوجيا حديثة كنظام النقل الستيرماتيك ( و الهوندا السيتي سبقت في هذا المجال ) و كذلك الوسائد الهوائية الاربعة ..
لكن في الاخر ...اذواق ..و لولا اختلافها ..لبارت العربيات

**hazem_khidr** · 06-02-2008 05:34 AM

شكرا علي الصور و التجربه :)
شكر لمجهودك

**veriano** · 06-02-2008 07:38 AM

مع احترامى لرأيك لكن بعد تجربة التويوتا الجديدة وجدتها أصغر من الشكل القديم و الكنبة اللى ورا صغروها 8 سم فلا تقارن بصالون السيفيك الذى أعتقد أنه أكبر صالون يابانى
ولا حد له رأى تانى؟

الموضوع: .::حصريا::.لنايل موتورز (تجربة قيادة تويوتا كورولا - ج.أفريقى-)2008 Toyota Corolla

LinkBack

أدوات الموضوع

عرض

.::حصريا::.لنايل موتورز (تجربة قيادة تويوتا كورولا - ج.أفريقى-)2008 Toyota Corolla - انشر الموضوع فى :

-

-

-

-

المواضيع المتشابهه

تجربة تويوتا كورولا 2008 جنوب أفريقى

تجربة قيادة باسات 2012 بالصور حصريا لنايل موتوزر

تجربة قيادة bmw320 الشكل الجديد2013 F30-حصري لنايل موتورز

تجربة قيادة اوبل استرا 2012 حصريا لنايل موتورز

كورولا 2008 الياباني بالصور ((( حصريا لنايل موتورز )))

الكلمات الدلالية لهذا الموضوع

المفضلات

المفضلات

ضوابط المشاركة