موضوع استفذنى جدااااااااااااااااااااااا اااااااااا

**Mohamed.Ramah** · 20-05-2010 02:23 PM

السلام عليكم ورحمة الله

الموضوع دة انتشر بصورة كبيرة والاغلبية ماشيين بمبدا اخبط واجرى ودة ناس معندهاش ضمير حسبى الله ونعم الوكيل فيهم الموقف حصلى رااجع بليل الساعة 1.5 وانا فى طريقى للبيت ببص لاقيت موتسيكل فى نص الشارع بتاع دليفرى والحمدلله انا كنت داخل بالعربية بالراح مش بجرى وسامع حد عمال يتالم قدام الموتسيكل ب2 متر وفى عربية لسة راكنة على الشمال ونزل منها شابين انا ركنت العربية على اليمين بسرعة ونزلت جرى الاقى الشاب اللى كان سايق الموتسيكل دة متخرشم وماسك راسة وشوية رجلة وطبعا دم نازل منة شكلة كان لسة مخبوط محركتوش ليكون فى كسر وطلبت الاسعاف بسرعة وطبعا كل دة وهو نايم فى نص الشارع (مرمى) بمعنى اصح قمت طبعا شيلتة انا وصاحبى وطبعا اللبس اتغرق دم وجبتة على جمب وبقولة اية اللى حصل بيقولى واحد خبطنى من ظهرى وجرى منة لله طب هل ينفع اللى بيحصل دة ؟؟؟؟ ازاى يعنى دة روح ولا علشان الناس اللى جايبة عربيات تدوس على البنى ادمين انا مش فاهم !!!!!!!!!!!!!!! انا كنت بشربة المية وهو بيخلص بس الحمدلله الاسعاف جت بسرعة وشاليتة وصاحبة جالة وراح معاة انا الصراحة من المنظر والدم اللى ملى اللبس مقدرتش اكمل ومقدرتش اقول غير حسبى الله ونعم الوكيل والحمدلله انى عديت من الطريق دة علشان اشوفة والحقة قبل ما يموت او حد يدوس علية

**nour2007** · 20-05-2010 02:35 PM

بجد صعب تلاقي ناس محترمه وعندها ضمير
حسبي الله ونعم الوكيل
لو اللي خبطه ده فكر للحظه ان اللي اتخبط ده بني أدم وممكن يكون بيجري علي بيت واولاد ممكن يتبهدلوا لو جرا له حاجه اكيد مش هيعمل كده ويجري
يا جماعه موضوع السواقه ده موضوع مسئوليه كبيره جدا مش مجرد انك تحافظ علي عربيتك ونفسك واللي معاك برده الناس اللي ماشيه في الشارع امانه في رقبتنا وبكررر امااااااااااااانه
حسبي الله ونعم الوكيل

**shouk_1987** · 20-05-2010 02:45 PM

بس خلى بالك عشان ولاد الحرام كتير
و ممكن تكون نمرة عشان لما تنزل يقوم طالعلك اتنين تلاتة من أى جنب يثبتوك و ياخدوا العربية و يا فكييك (لقدر الله طبعا)
ياعنى دايما خليك مخون و حذر

**jisso82** · 20-05-2010 02:47 PM

موقف مستفز فعلا و ربنا يهديهم و يسامحهم على اللى هما بيعملوه ده بس الحمد لله ربنا برده قدر الخير و سخر حضرتك لمساعدته ربنا يكرمك. بس عندك حق فى كل اللى انت قلته طبعا ده أنا لما مرايتى بتخبط فى مراية عربة تانية عشان الدنيا زنقة و أبقى مشيت من غير ما أعتذر بحس بتأنيب ضمير و أبقى متضايق من نفسى طول الطريق و ده بيبقى حصل غصب عنى مش بمزاجى سواء الخبطة أو إنى ما عرفتش أقف أ‘تذر

**abokoko** · 20-05-2010 02:52 PM

ربنا يجعله فى ميزان حسناتك
ويجازيك خيرا

حاجه احب الفت انظر اليها

مره وانا راكب سياره بيجو كراكب على الطريق هدى السواق من كتر الزحمه ولما قربنا ووقفنا
اكتشفنا السبب

كان هناك سبباب وضرب لرجل من اشخاص عديدون دهس بقره بسيارته الملاكى
(ارجو التفكر فى عبور الدواب على طرقنا المصريه )

واللى يغيظ انى اسره اللى بيضرب ( مراته وبنته ) بيصرخوا فى العربيه على والدهم
ومن الخوف من التخبيط والضرب فى جسم الرجل وفى جسم العربيه

السؤال حتى وان كان غلطان
هل ده تصرف حضارى او حتى انسانى

السؤال كمان هل لو جرى وسلم نفسه لنقطه الشرطه التاليه خوفا من اللى حدث ( عن درايه او تجربه )
هل كان هيبقي صح؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟