نفسك تكون زي جيريمي كلاركسون !
من قبل ما يكون عندي عربية و انا بقول ديه حاجة يمكن الاستغناء عنها و ربنا ما يحوجني ليها
و كنت بستبعد انو يكون عندي عربية خاصة
لحد اما بقى عندي واحدة وكنت بقول يا رب اعرف اسوقها بس
الحمد لله دلوقتي وصلت لمرحلة الحقد على جيريمي كلاركسون
واللي ميعرفوش احب اقوله دا بني ادم بتعدي عليه كل عربيات الدنيا, قديمها وجديدها
المهم ان انا قعدت افكر في حاجة و قلت اشرككم معايا:
ليه ميكونش في مصر مكان واسع طبعا وفيه مختلف انواع السيارات
من ال 800CC لغاية 8000CC
من اول العربيات التجارية العاديه لغاية البورش و الفيراري
علي فكرة اغلب العربيات ديه بيكون في مصر
واللي عايز يجرب عربية يدفع مبلغ معين و اهو يعمل حاجه نفسه فيها و لو لزمن محدد
انا عن نفسي اتمنى اسوق Jaguar XFR, Dodge RAM
طبعا غير ال BMW و Merc
بالنسبة لتمويل السيارات, ممكن اصحاب المعارض وأكيد بيكون عندهم عربيات demo وهكذا
واحد ربنا فاتحها عليه يقوم يسلفها مره للجهة اللي بتتولي تنظيم القصة ديه
يا تري في حد يتمنى حاجة زي كده؟؟