كروز توب لاين ولا رينو فلوينس اعلى فئة ؟؟

**shod90** · 20-05-2010 07:33 PM

بسم الله الرحمن الرحيم
السلام عليكم ورحمة الله وبركاته
يا جماعة انا مقرر اجيب عربية الماكس 140 الف ف لقيت الكروز التوب لاين و الفلوينس .. بس قرأت هنا فى المنتدى ان الكروز بتفصل باور و موتور ساعات و عى ماشية !!!! بس لقيت الناس مأجمعين على ان الحوار دا فى المانيوال بس !! هل دا اكييييد ان الموضوع دا مش فى الاوتوماتيك ؟؟؟؟؟؟؟ اصل حرام 140 يوحو على الارض .. و اية اخبار وكيل رينو و عايز اشوفها اشوفها فين و كدة يعنى !! ارجو الافادة عشان انا زوهلت لما سمعت كدا عن الكروووز

**shod90** · 20-05-2010 09:04 PM

اية يا جماعة فيييين الردود انا معايا الفلوس و لكن محتار و مقلق .. يا ريت اللى معاة كروز يقولى هى سليمة ولا اية النظام !!؟؟

**bukla** · 20-05-2010 09:22 PM

بص بصراحة اكبر عيب فى الكروز توكيلها بصراحة ما شوفتش حد شكر فية لا هنا فى المنتدى و لا برة المنتدى و التوكيل السيء بيعيب العربية لانك لما بتحتاجة و دة فى الغالب امر وارد فى عربية جديدة فى السوق ولو ان الكروز بقالها اكتر من سنة و ما انتشرتش الانتشار اللى يديك مؤشر لجودة العربية دة بالاضافة لان سعرها كمان على عربية كورى مبالغ فية شوية
اما الفلوينس بصراحة عربية ممتازة معايا من حوالى اسبوعين الحمد الله مستمع بيها لاقصى درجة و على فكرة انا لما حجزت الفلوينس فى معرض الاهرام فى يناير اللى فات كنت اصلا رايح علشان اتفرج على الكروز و احجزها لكن سبحان الله علشان النصيب لما شوفت الفلوينس وقعت فى حبها و حسيت بالفرق الكبير فى الخامات المستخدمة بين العربيتين لصالح الفلوينس طبعا
فى الاخر انصحك بالاستخارة و تروح تعمل اختبار قيادة للفلوينس و ربنا يوفقك للى فية الخير ان شاء الله

**bukla** · 20-05-2010 09:34 PM

المشاركة الأصلية كتبت بواسطة shod90

طيب ممكن اشوف الفلوينس فين و اعملها تست و كمان اعرف اسعارها و اوبشنتها اية و كدا !!!
معلش متقل عليك شوية !!

الفلوينس موجودة فى كل معارض توكيل رينو و عند محمد زكى و الطارق اما التيست فدة بيتم فى التوكيل اللى فى العبور حضرتك بتتصل بيهم على 16202 و تحجز معاد
الاسعار و الاوبشنز و الفئات و كلى حاجة عنها بالتفصيل الممل فى قسم رينو