ايه الاستهبال دة ... فين السيارات الصينيه الرخيصه

**ahmednashaat** · 21-05-2010 04:23 PM

المشاركة الأصلية كتبت بواسطة ابو فرح

والله الواحد زهق من الغلا والغش اللى بقينا فيه

ربنا يرحمنا جميعا

**MohaMed_Refaat** · 21-05-2010 04:31 PM

المشاركة الأصلية كتبت بواسطة elassar2010

التوكيل ياخد العربية رخيصة اة انما يبعهالك رخيصة لالالالالالالالالالالالال ا

فعلا ودى تيجى عايز عربية رخيصة روح خدلك توكيل ..

على رايك حسبنا الله ونعم الوكيل .

**omaroof** · 21-05-2010 07:31 PM

بصراحه السوق فى مصر مالوش معيار
عربيه اخرها 25 الف وتخش مصر تبقى ب80 و90 كمان طب ازاى؟؟؟؟؟؟؟؟؟؟؟؟؟
لازم اعاده نظر فى تسعير العربيات ويكون فيه رقابه اكثر من كد

**A_H_M_A_D** · 23-05-2010 02:52 PM

أنا كنت سمعت قبل كده من واحد شغال في تجارة العربيات

إن متوسط ربح الوكيل في الماركات المحترمة بيكون في حدود من 10 إلى 15 %

أما الصيني فربح الوكيل مش أقل من 25 إلى 35 %

ده طبعا بعد خصم كل التكاليف و الجمارك و الضرايب ... إلخ

**mrsailor** · 23-05-2010 04:46 PM

المشاركة الأصلية كتبت بواسطة omaroof

بصراحه السوق فى مصر مالوش معيار
عربيه اخرها 25 الف وتخش مصر تبقى ب80 و90 كمان طب ازاى؟؟؟؟؟؟؟؟؟؟؟؟؟
لازم اعاده نظر فى تسعير العربيات ويكون فيه رقابه اكثر من كد

ما هى الرقابة هى السبب .. لان لو مثلا العربية الاوكتافيا او الجولف اتباعت بالتمن اللى المفروض تتباع بيه .. يبقى حاتبقى قريبة جدا من العربيات اللى بتتجمع محلى .. و كده ان شاء الله اكتر من نص المصانع اللى بتجمع حاتقفل .. و البهوات اللى فاتحينها مايخلصهومش كده .. امال حايقللبوا مين .. انتوا عارفين ان اللى بيستورد ماركة معينة من المتوسيكلات الصينى و قع فى مشكلة مع الشركة اللى بتورد له لانهم كانوا متفقين معاه على انه يبيعها بسعر و البهوات هنا ضغطوا عليه علشان يبيعها اغلى من السعر اللى حطاه الشركة الصينى اللى بتورد له .. نصيحة ماتفكرش كتير علشان دمك ما يتحرقش

**Dr.lancer** · 23-05-2010 06:30 PM

أنت فى نظر الحكومة شغل مترفه طالما بتفكر تجيب عربية حتى لو صينى.
المواطن المصرى المثالى فى نظرهم. تقوم الصبح تفطر فول عند عربية الفول. تتشعبط فى الأتوبيس لما تلروح الشغل او الكلية. تجيب جرنال حكومى علشان تفضل منوم. ترجع بيتك ببطيخة و الدام تزغرط على السلم بيها و ماسكة السكينة فى إيدهامن فرحتها بالبطيخة. تتغدى عدس و تتعشى فول و كوب شاى. عمار يا مصر