الموضوع: ايه الاستهبال دة ... فين السيارات الصينيه الرخيصه

مساء الخير ...

قبل مابدأ الموضوع احب اقول ان من حوالى 6 او 7 سنين كله اتكلم عن السيارات الصينيه و قالوا انها هتنزل وهتكون رخيصه و هتضرب السوق و هتبقى بتمن العجله و كلام جميل كده و كله فاهم و عارف كويس ان السيارات دى بتيجى من بلدها الصين سعرها كام طبعا لا يتعدى حتى نص سعر الماروتى فى مصر و هنا سعرها كام و كله بيتدارى عمتا فى السوق لان محدش فاهم حاجه و الفلوس دى بتروح فين
طيب لما احنا دلوقتى فى 2010 و لما تكون السيارة الماروتى ارخص سيارة فى السوق بسعر 38 الف جنيه طيب نبص على الفئة الاعلى شويه هنلاقى الشانا بينى سعرها 44 ألف و 900 جنيه و نظيرتها فى نفس السعر السوزوكى التو 44 ألف و 900 جنيه بنفس المبلـــــــغ طيب فين الرخص ؟
طيب نطلع فوق شوية برضة لما نلاقى الرينو لوجان ب62 ألف و 900 جنيه و نظيرتها فى السوق الأكس بلوجن بسعر 60 ألف جنيه و كله بيخاف من الرينو بسبب قطع الغيار عاليه لكنها موجودة فى كل مكان و مفيش اكتر من محلاتها لكن الاكس بلوجن فيه قطع غيارها فى الشوارع و ليه سعرها كده ولا عشان حجمها كبير ؟
انا مش بتريق على السيارات الصينيه بالعكس دى جميله جدا و بحبها جدا و حسب الاستخدام زى مابيقولوا بس اسعارهم تضحك لان مش دى القيمه الفعليه للسيارة نفسها و كمان ضيف عندك الوكيل لما بيحقق مكسب و يكتفى بيهرب و قطع الغيار الناس بتتوحل فيها رغم ان دى حاجة اساسيه لاى سيارة من المفترض تواجد قطع غيار لان لكل سلعة عمر افتراضى لكن دايما المواطن او المشترى بيلاقى بديل متوافر فيه قطع الغيار و مضمون
عمتا انا حسيت باستهبال اوى فى الحكايه دى يا ترى ايه رايكم

المشاركة الأصلية كتبت بواسطة بحري

السوق له قواعد وترتيبات وتعقيدات شديدة وتقاطعات مصالح..حتى لو ممكن يبيع بسعر أقل من كده ممكن ميقدرش لأنه ممكن يتفرم وأسهل حاجة شوية مقالات في كام صحيفة ومنتدى تلاقي العربيات سوقها وقف..غالبا التوكيلات دي اختارت تدخل واحدة واحدة عشان الدنيا تمشي

+++++++++1

اضغوط على اللى بيستودها هى اللى بتخليه ما يقدرش ينزل بالسعر .. لانه ببساطة فى ماركات تانية حا تقفل لو الصينى نزل بسعره و خصوصا بعد الشعبية الكبيرة اللى حققها .. بلدنا بقى نقول ايه ..