ده ارقام توكيل v-cool في القاهره :
0103407096
02/24039501
19187
عرض للطباعة
ده ارقام توكيل v-cool في القاهره :
0103407096
02/24039501
19187
هات ال 3M Crystalline 70 ....... ب 2000 جنيه بس !
والله ده كلام مش داخل دماغى ...حرام كل الفلوس دى على حاجة فوق الرفاهية زى دى ...يعنى ايه خلى العربية من جوا سخنة بس مش بتلسع!!!! و فيها ايه يعنى لما تكون العربية اول ما تركبها سخنة شوية بمجرد ما ح تفتح الأزاز الهوا ح يدخل و يخلى الأمور تمام اذا كنت مش عاوز تفتح الأزاز افتح التكييف و خلص نفسك دقيقتين و كله ح يبقى فى التمام ...مش عاوز تولع التكييف خلاص فيه عازل بيتباع فى كل مكان لونه سيلفر ممكن قبل ما تنزل من العربية تحطه ورا الأزاز من ناحية الشمس و سعره ميزيدشى عن 20 جنيه ....يا جماعة مش كده انتوا مش تعبانين فى الفلوس دى ولا ايه؟؟!! ....ارجوا محدش يزعل منى ده رأئى الشخصى و على حسب المثل اللى معاه قرش محيره يجيب بيه فى كول و يلذقه...عجبى
يعني قبل الخصم كان هيبقي ب 8600 جنيهاقتباس:
عمل بعد الخصم 4300 ج.م
انا شايفو غالي اوي !
اسمحلي ....هو ليه لما حد يصرف على رفاهيته أو راحته أو مزاجه ...يسمع كلمة انت مش تعبان في الفلوس ؟؟
هو لازم علشان اكون تعبان في الفلوس اني أكنزها و أحوشها و أكدسها ؟؟؟
انا باتعب في الفلوس علشان تريحني
وكل ما اتعب اكتر ..كل ما استحق ارتاح اكتر بتعبي
و في ناس عارفة كويس ضرر الحرارة الزايدة على العربيو الصالون و اثر الأشعة المنيلة على ايدينا
و عندها استعداد نفسي ...وقدرة مادية لعزل سياراتها ولو بسعر مرتفع "وانا شايف انه مرتفع"
يبقى حضرتك شايف ان الموضوع ما يستاهلش ...ممكن تقول انك شايف انه ما يستاهلش و خلاص
انما الدخول في فكرة ان مين تعبان في ايه ده بره الموضوع و ماتزعلش منى برضه لما اقولك اني باحس فيه طبقية ...ان في ناس بتتعب و ناس ما بتتعبش
حتى اللي ما بيتعبش "وارث ..عنده مشروع مشارك برأس مال... كسبان جايزة" برضه ده لا ينتقص من حقه في الترفيه و صرف ماله كما يحلو له
:: ده تقرير بالصور من على المنتدى هنا اقروه لحل موضوع السخونية اللى بتلسع فى العربية و احسن من مية فى كول ة بعشرين جنيه والصور فى التقرير على المنتدى العام :
lالسلام عليكم ورحمه الله
زي ما كلكم فهمتو من العنوان تم الانتهاء من طباعة شماسة لزجاج سياراتنا بشعار المنتدى
الشماسة ذات لون فضي ومطبوع عليها شعار المنتدى وقد روعي اختيار خامة جيدة جدا للشماسة من اجود واغلى الخامات الموجودة في هذة النوعية من الشماسات
كما تم اختيار الوان الطباعة بعناية واختيار مطبعة جيدة جدا لتكون الطباعة بمستوى نايل موتورز
لتتحمل الشماسة الشمس والحر في الصيف وتكون واجهة مشرفة للمنتدى واعضائه
كما ياتي مع الشماسة حافظة صغير من نفس نوع خامة الشماسة لتحفظ الشماسة بها عند عدم استعمالها
وتم طباعة اللوجو في مربعي الشماسة وليس مربع واحد
كما تم طباعة عدد قليل وخاص من الشماسة بلوجو المنتدى في ناحية ولوجو بروتون في ناحية اخرى بناء على طلب زميلنا ايمن وتجميعه لعدد محدود من الاعضاء رغم انها تكلفت اكثر
في النهاية سيكون ثمن الشماسة 25 جنية فقط لكن خلال مدة احتفال المنتدى بعيد ميلاده الثالث
سيتم بيعها ب 20 جنيه فقط ولفترة محدودة حتى 15 مايو القادم
اما عن شماسة نايل مع لوجو بروتون سيكون ثمنها 30 جنيها لانها تكلفت شبلونة وطباعة اخرين
ولكن خلال احتفالية المنتدى ايضا سيكون ثمنها 25 جنيها فقط حتى 15 مايو ايضا
توزيع شماسة بروتون مع ايمن عادل فقط وتليفونة موجود في اماكن توزيع الاستيكر
وشماسة المنتدى حتى الان معي فقط وقريبا مع موزعين الاستيكر
تحياتي
كريم منير
المنسق العام
يا أستاذ أحمد سامى
المشاركة اللى كتبها أستاذ سمارت مان مفيهاش اى نوع من الطبقية.. وأعتقد ان نص الناس حتى تستخسر انها اتدفع المبلغ دا فى العربية.. يعنى مثلآ مش ممكن واد يقوم ماشى عليه بمشرط ولا حاجة من الكلام دا.. يبقة انتا استفدت ايه..؟؟ ولا الهوا.. ثم فى اهم حاجة وهية اللى بتغيب عن ذهن أغلب الناس وهى.. بسم الله الرحمن الرحيم"ثُمَّ لَتُسْأَلُنَّ يَوْمَئِذٍ عَنِ النَّعِيمِ" صدق الله العظيم.. يعنى كل مليم بنصرفه إحنا هنتحاسب عليه سواء انا اشتغلت بيه أو كسبته حتى فى بنك الحظ
أرجو تقبل رأيى بصدر رحب
أخوك
م/أحمد نبيل
العازل من جوا العربية مينفعش حد يمشي عليه بمشرط
اما بالنسبة لموضوع الاسراف:
لو حسبنا ان التكييف بتاع العربية بيعمل حوالي 5000 (وممكن يبقى اكتر من كده)
يبقى لما ادفع 2000 فيه واريح التكييف بنسبة 60 % (تقريبا نسبة منع الحرارة)
يبقى انا حافظت على التكييف بتاع العربية بدل ما اكون ماشي على الطريق السريع مشغل التكييف وحاسس اني راكب صوبة والتكييف عمال بينحر عشان يشتغل