رايكم ايه فى شراء و تصليح سيارات الحوادث

**Crazy_Sandy** · 20-05-2010 08:45 PM

مساء الخير ...

اكيد الفكره مش ليا طبعا لكن جت فى بالى كده يعنى لما تكون فيه سيارة سعرها الأصلى بـ60 ألف جنيه و بعد الحادثة المتوسطه مش الحادثة القويه اوى يكون سعرها 30 الف جنيه رغم أن تكاليف أصلاحها لا يتعدى الـ10 الاف جنيه يبقى دى تعتبر مكسب برضه و زى مابيقولوا فيه ناس بتخلى من العجينه سياره من الاول و جديد و فيه حد قبل كدة منكم اتعرض عليه الموضوع ده و كان ايه السعر الاصلى و سعر العرض ؟

**د.محمود صلاح** · 20-05-2010 08:49 PM

فيه ناس متخصصة في الموضوع ده وبتتكسب منه

**fouaa** · 20-05-2010 09:30 PM

بصراحه بصراحه الموضوع ده حلو اوى اوى اوى وبيجيب فلوس كتير بس محتاج مجهود منك ومحتاج شويه ناس متخصصه المشكله بقى ومن الاخر كده ان االعربيه لما بتتصلح بترجع زى مكانت ولما بتيجى تتباع مبيزكرش انها كانت عامله حادثه او مغيره نص او سقف وبيتقال انها فابريكه ومش رشه دواخل والكلام الى احنا عرفينو موش عارف بس اكيد كده موش كويس انا بصراحه مجرب الموضوع ده بس فى حرمانيه

**dode2002** · 21-05-2010 02:43 AM

لو تجاره فهي نصب علني لو ركوب مفيش مشكله

**moamen_mo3gza** · 21-05-2010 03:01 AM

السلام عليكم بص انا اقولك الى انا شايفه انا شايف ان الموضوع ده بلاش من وجهة نظرى اول حاجة
عمر العربية ماترجع زى الاول لان الى انكسر عمره ميصلح ههه
وبعدين على ما اعتقد ان حضرتك مش ميكانيكى ولا ليك فى الشغل ده يعنى فممكن تشتريها لقطه ومتعرفش
تصلحها يبقى حرام 30 او 40 الف هاتلك بيهم عربية تكون نضيفه لانوس ولا حاجة انا شايف كده يعنى

**د.محمود صلاح** · 21-05-2010 06:53 AM

المشاركة الأصلية كتبت بواسطة fouaa

بصراحه بصراحه الموضوع ده حلو اوى اوى اوى وبيجيب فلوس كتير بس محتاج مجهود منك ومحتاج شويه ناس متخصصه المشكله بقى ومن الاخر كده ان االعربيه لما بتتصلح بترجع زى مكانت ولما بتيجى تتباع مبيزكرش انها كانت عامله حادثه او مغيره نص او سقف وبيتقال انها فابريكه ومش رشه دواخل والكلام الى احنا عرفينو موش عارف بس اكيد كده موش كويس انا بصراحه مجرب الموضوع ده بس فى حرمانيه

المفروض اللي هيشتغل الشغل ده يذكر للزبون انها متصلحة لتجنب الحرمانية