والله يا اخي انا مش شايف اني تعديت على شخصك
انا كل اللى اختلفت معاك فيه رايك و اعتقد ده مفيهوش حاجة يعني
بس انا اتدايقت جدا من طريقة كلامك
عامه ان كنت حسيت اني تعديت عليك كشخص فبعتذر عن شدة الاسلوب
بصراحه ومحدش يزعل منى والى مش عاجبه كلامى ميعلقش عليه
أنا شايف أن شيوخ الفضائيات دول لا هم علماء ولا يحزنون
وكلمه كبيره أوى أننا نقول عليهم علماء الامه
الامه دى هتروح فى داهيه يوم معلمائها يبقوا مرتادى القنوات والبرامج الفضائيه
خيبه أيه دى
العالم مكانه جامعته ومسجده ومنبره
ومن اراد التعمق فى الدين يروح جامع أو يستمع الى درس والازهر ملىء بالحلقات يوميا
لكن تقلى عالم جليل أسمعه من قناه فضائيه وأنا قاعد على الكنبه
أقلك أستنى يوم القيامه
العلماء الحقيقيون يا ساده لا تراهم عدسات الكميرات ولا توجد صورهم فى الجرائد والمجلات
الى منكم كبير شويه فى السن مع أنى شخصيا مش كبير فى السن
كان يشوف علماء زمان كان والدى بيستناهم يخرجوا من غرفهم المخصصه للعباده فى الجامع بالساعات
مش قاعدين بيصورا برامج
لنا الله
وقلت ألى ردى مش على هوا يريح نفسه ويريحنى وميعلقش على كلامى
كلامى يمثل وجهه نظرى وإن كانت لك وجه نظر مناظره أفرد لها رد منفصل دون التعليق على كلامى
بص ياباشا أنا متفق معاك طبعا إن العلم مابيتاخدش غير من المسجد وإن فيه بعض الناس ماعرفنهاش غير من التلفزيون من غير ذكر أسماء
لكن العلماء الحقيقيين أمثال الشيخ أبوإسحق ومحمد حسان وغيرهم فدول معروفيين من زمان بإلقائهم للعلم في المساجد ، أنا شخصيا حضرت للشيخ محمد حسان مرة في مسجد العزيز بالله. وكنت بحضر للشيخ محمود المصري في مسجد في شيراتون زمان ، ده غير الشرائط بتاعت الشيخ يعقوب اللي متسجلة من المساجد. بس للأسف هم اتمنعوا من إلقاء الخطابة في المسجد ولم يجدوا إلا طريق الفضائيات.
ولعلمك فيه ناس منهم رفضوا بتاتا الطلوع على الفضائيات ولكن شيوخنا ألحوا عليهم لأنهم سوف ينفعون هذه الأمة. ولو عايز تعرف قد ايه الشيخ مخلص ولا لأ ، شوف تأثير كلامه عليك.
أقسم بالله العظيم أنا لما بشوف الشيخ محمد حسان بمجرد النظر إلى وجهه بحس بالندم والأسف على ذنوبي أحسبه من الصالحين ولا أزكي على الله أحدا.
وبارك الله فيك
+111111111111111111
اسلوب كلام حضرتك ده اللى يكره اى واحد فى الكلام اصلا
انا مختلف فى فكره واحد من عوام الناس حتى لو له علم غزير انا مختلف معاه
و المفروض انى لو رحت قلتله انت مش بتفهم حاجه انه يبقى صبور و يسمع
بس الروح الغريبه من من يدعون للدين و يدعون بتخلى الواحد قرفان يتكلم اصلا
يا سيدى ما فيش حد مش بيكره اليهود بس اللى بيتعمل ده اسمه غباء اعلامى لما الوجوه اللى بتطلع وجوه تدعى لحرب و تدعى لمقاتله فى الوقت اللى الكل بيقاتل فيه المسلمين و المسلمين ليسوا فخرا للبشريه فى وقتنا الراهن يبقى المفروض نزيد العالم عداء ولا نحاول ان احنا نقدم للبشريه ديه اى نوع من الحضاره التى تستطيع اقناع الناس ان الاسلام ينتج حضاره بدل التفرق و التخلف اللى احنا عايشين فيه
هو ماينفعش ندعى للاسلام بالحسنى؟ ماينفعش اللى يدعى للاسلام ده يكون مبتسم و يورينا رحمه ربنا بدل مايورينا ناس بتنقتل و هو مبسوط و بعدين تقولى اعداء ربنا
من اللى اعرفه عن الله سبحانه و تعالى و الاسلام ان هو الرحمن الرحيم و ان احنا مش بنقتل بدون تمييز و حتى لو عايز تقتل بدون تمييز ماينفعش انك تقول قدام العالم ان ده صح
و اسلوبك فى النقاش غير مقبول بصراحه عشان انت ليس لك اى صفه لتحكم ماذا اعرف و مالا اعرف و ليس لك اى صفه انك تقول بتقاوح او مش بتقاوح و الكلام ده لحضرتك و لأى حد بيفكر بنفس الطريقه
و هقتبس نفس جملتك
"ولا انت اصلا فاهم يعني ايه اللى انت بتقوله
حسبي الله في كل جاهل ينتسب للاسلام "
عشان اللى بيتكلم بالاسلوب ده اهم اسباب نفور الناس عن الدين
و بأعتذر لو اسلوبى كان شديد فى الكلام او ان كنت حسيت اني تعديت عليك كشخص
و هتوحشونى --
مع احترامي لجميع الاعضاء انقلو اخر سطرين من توقيعي
علي الاقل علشان تاخدو الثواب
أنا شايف إن الفيديو بتاع الشيخ يعقوب قاسى ...
بمعنى الراجل بيقول حتى لو اليهود سابوا فلسطين هيفضلوا أعدائنا ...
و إنهم كفار ... ( معنديش إعتراض على إنهم كفار ) ... خلى بالكم فى فرق بين مشرك و كافر ...
لكن هو بيتكلم بنوع تحريضي على قتالهم حتى لو سابوا فلسطين ...
إسلوب الحقيقة فعلا أنا شايفوا محرض بعض الشئ ..
أو الشيخ نفسه معرفش يوصل كلامه صح ... أو معرفش يوصل فكرته ..
لإن و إن جنحوا للسلم فأجنح لها ...
إفرض اليهود فترة جنحوا للسلم ؟؟ لأ هنروح نقتلهم بالعافية؟؟؟
إيه ذنب اليهود الأوروبى .. أو اليهودى الأمريكي المدنى إللى ملوش دعوة بأى حاجة بتحصل فى أي حته ..
أنا شايف إنه يقول كلام عن الإسرائيليين أكتر ... مش اليهود ... لأن دول فعلا الأعداء ..
و ممكن يشرح اليهود بيعملوا إيه بإسلوب يكون ذكي ...
لكن الإسلوب ده خلى اليهودي المدني إللى قاعد فى فرنسا و بيفكر يبص على الإسلام إنه يقول فعلا على الإسلام إنه دين الإرهاب ...
لأن فعلا أنا لو لقيت الدين السيخي بيقول على المسلمين أعدائهم للأبد حتى لو إيه هيصحى فيا الكراهية ..
لا مكان للإسلوب التشددي الخطير جدا فى التعليم و فى الدين حاليا ...
ده تشدد ... هيكره الناس فى الإسلام .... مش هيدخلهم فيه
حتى لو الدين بيقول حقائق عن اليهود .. إنهم مش هيرضوا عنك ... تكون إنت أحسن منهم بس تكون محرص ..
الإسلام لا يدعوا للكراهية و الإرهاب ..
الشيخ فعلا أخطأ كثيرا عندما تحدث بهذا الإسلوب ... أكيد بحسن نية ..
لكن لابد من الرقابة على النوع ده من القنوات
لم اجد فى اعتذاره ما يكفينى
هو بيقول " والله يا اخي انا مش شايف اني تعديت على شخصك"
الراجل بيحلف انه مش شايف تعدى و بعدين يقولى عامه ان كنت حسيت اني تعديت عليك كشخص فبعتذر عن شدة الاسلوب
ده كلام؟!!
و بعدين لجنه فض المنازعات شايفه انه صح و كمان فى طياط كلامهم انهم شايفين انى مش فاهم بقول ايه اصلا
و انا مستنى اشوف مين اقدر اشتكى فيهم لجنه فض المنازعات عشان الرد اللى ردوه عليا انا شايفه مجحف
انا اعرف ارد كويس طالما الالتزام مالوش قيمه
و برضه فى الاخر قلتله ماتزعلش لو كان كلامى ضايقه
شكرا يا نور
قال تعالى "وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ" 120 سورة البقرة