الموضوع: د / أحمد السعيد ... استشارى دولى فى الرضاعة الطبيعية

المشاركة الأصلية كتبت بواسطة د.أحمد السعيد

90 % من لبن الام عبارة عن ماء
و بالتالى لا يحتاج الطفل اول 6 شهور الى الماء مع الرضاعة و ذلك لان لبن الام يروى الطفل و لا يشعر معه بالعطش ....سبحان الله !!

مشكور يا دكتور

بس ليا سؤال فى موضوع الببرونه - هل الطفل لما يشرب بيها كراوية و ينسون والحاجات دى بتأثر على الرضاعة الطبيعية ؟
و كيف يمكن تفاديها ؟

المشاركة الأصلية كتبت بواسطة el prince

مشكور يا دكتور

بس ليا سؤال فى موضوع الببرونه - هل الطفل لما يشرب بيها كراوية و ينسون والحاجات دى بتأثر على الرضاعة الطبيعية ؟
و كيف يمكن تفاديها ؟

حلمة الببرونه مضرة و طريقة الرضاعة منها بتلخبط الطفل
المشروبات كالكراوية و الينسون مش قبل تمام ال 6 اشهر و يفضل بأى وسيلة غير الببرونه

المشاركة الأصلية كتبت بواسطة رانيا

السلام عليكم
ارجو الاستفسار دكتور احمد عن المده التى تظل فيها حساسيه جلد الرضيع من ادخال اكل مثل الزبادى مثلا او غيرها .. طفلى يعانى من ذلك واعرف اننى السبب لتسرعى فى اعطاءه تلك الوجبات وهو لم يكمل اربع شهور فظهرت حساسيه هى ارتكاريا تظظهر وتختفى وحدها واحيانا لا الاحظ وجودها.. ثم تعود مره اخرى .. هو بيرضعع طبيعى ..وبقالى خمس ايام موقفه طبعا اى حاجه جربتها معاه .. بس لسه الارتكاريا دى بتظهر كم يوم تستغرق حتى تنتهى؟
ارجو الرد سريعا لكرم اخلاقكم..
ف انا اشعر بالذنب تجاه رضيعى ..

الحساسية الجلدية ممكن يكون سببها الأكل قبل اتمام 6 اشهر و بالذات منتجات الالبان
و ممكن تكون بسبب آخر و بالذات فصل الربيع او بسبب مستحضرات او كيماويات للطفل مثل الزيوت و اللوشن .
اللى بيجدد هو شكل الحساسية طبعا


لو من الزبادى ممكن ممكن الموضوع يقعد من اسبوعين الى 4 اسابيع بصراحة !!!

و الف سلامة لطفل حضرتك

المشاركة الأصلية كتبت بواسطة رانيا

الف شكر لرد حضرتك . طيب يادكتور لو استمرت حتتى موعد تطعيم الاربع شهور اطعمه عادى ولا هيكون فى مشاكل ؟ايه راى حضرتك اطعمه عادى ولا انتظر ؟

أنا بفضل الطفل يتطعم و هو سليم تماما من اى اعراض حتى لو هيتاخر عن ميعاده شهر
و ذلك للتمييز بين الأعراض القديمة و الجديدة .

السلام عليكم يا دكتور
ابنى بيحط صوابعه كتييير فى بقه و بيتألم
عنده 4 شهور بيقولولى بيسنن
سألت الدكتور بتاعه قاللى لا مش دى علامات التسنين و اديله كالسيوم
ده تسنين و لا لا؟
ابوه جابله جيل اسمه medijel انا خايفه احطله منه عشان مش مكتوب عليه للأطفال او التسنين او كلام كده

معرفتش احطله العضاضه فى بقه (كبيره قوى)

محتاجه رأى حضرتك ضرورى

عايزة اعرف اديله انهى نوع كالسيوم؟ و اى جرعه