دا تليفونى
0123311360
لو حد عايز استشاره انا فى الخدمه
من 1- 3 عصرا
دا تليفونى
0123311360
لو حد عايز استشاره انا فى الخدمه
من 1- 3 عصرا
اثر الرضاعة الصناعية على نفسية الطفل
نشتكى الان من الامراض النفسية وانتشار الإكتئاب وانعدام البر وانتشار المخاوف المرضية؟ ثبت بالابحاث العلمية انه مع لبن الام يفرز هرمون الاوكسيتوسن الذى يسمى هرمون السعادة وهرمون الثقة وثبت بتجربة اجريت على مجموعتين من الناس مجموعة اخذت الهرمون والاخرى لا.وجد ان الذين اخذوا الهرمون كانوا مراعين لشعور البشر . واستنتج العلماء من ذلك ان هذا الهرمون يجعل الانسان يهتم بمشاعر الاخرين ويحاول ارضاؤهم.
وثبت ان هذا الهرمون يقلل المخاوف المرضية ويزيد فرصة الانسان فى التعاملات السوية مع الاخرين ويقلل التوتر والقلق.
وثبت ان الالبان الصناعية تحتوى على كمية من المنجنيز اكثر 10 مرات من لبن الام مما يقلل من المواد الكيماوية الموجودة فى المخ المسئولة عن التخطيط واعتدال المزاج وان نقصها يؤدى الى السلوك العدوانى.
فهل الدموية التى انتشرت فى العالم من اسبابها انحسار الرضاعة الطبيعية؟
وثبت ان هذا الهرمون هو السبب فى الارتباط النفسى بين الام والطفل الذى ارضعته وهذا مفهوم فهل الجيل الذى ربته الزجاجات سيكون عنده بر؟
لقد قال كثير من خبراء تربية الاطفال ان شخصية الطفل تتكون فى اول عامين من ولادته فهل الطفل الذى رضع الحنان سيكون مثل الذى كانت الزجاجة امه؟
جزاك الله خيرا يا دكتور أحمد وبارك الله لك ونفع بك
بصراحة موضوع فوق الممتاز ولكن لي استفسار وهو ان ابني حاليا عنده سنة وكام يوم وحتي الأن اللي طلعه ثلاثة أسنان فوق والرابعه بدأت تظهر واتنين تحت وحاليا نعطيه جرعة كالسيوم بقاله فترة حوالي شهرين يا تري ايه الحل وايه اللي أعمله حاليا خاصة انه لسه مش بيمشي لوحده ولكن بيركن علي اي حاجه ويمشي زي بيسند علي الحيطة ومثلا .
فقط يأخد كالسيوم و فيتامين د لحد اما يخلص الضروس و الانياب
و بالمناسبه اعلى تركيز كالسيوم فى السوق و سعره بسيط جدا (hi cal syrup) هاى كال و جرعته 5 سم بالفم يوميا
و اعلى تركيز فيتامين د هو (vidrop drops) و جرعته من 5. الى 1 قطاره بالفم يوميا
و يفضل البدأ فى الكالسيوم و فيتامين( د ) من سن 6 شهور و حتى سنتين
و المواظبه على الكالسيوم و فيتامين د هيجيب نتيجه كمان شهر على الاقل
ازيك دكتور احمد
بنتي عندها شهر ونص تقريبا
وديما عندها امساك ومش بتعمل حمام غير بلبوسة جلسرين
انا جربت اسيبها 3 أيام لقيتها مش بتعمل
المفروض اديها لبوس كل كام يوم ؟؟
وايه السبب اصلا في الامساك وهل له علاج ؟؟
بصى حضرتك
اولا الاخراج فى الطفل اللى بيرضع طبيعى اول 6 شهور ( طبعا رضاعة فقط بدون اى اضافات و بدون الماء) بيكون مرتين كل يوم او مره كل 5-6 ايام و ده بيختلف طبعا على حسب طبيعة الطفل و الطبيعى لو مره كل 5 ايام بيكون اول البراز ناشف و الباقى طرى يعنى مش محجر
طيب الطفل اللى بياكل او يشرب بدرى عن كده الطبيعة بتتغير و الاخراج ممكن يتلخبط
و الطفل اللى عنده انتفاخ و غازات فى بطنه ( و غالبا بيرضع بطريقه خطأ ) بيكون عنده تأخير فى الاخراج لانه بيحزق فيقوم بدفع الغازات بدلا من البراز
فالموضوع اصلا ان الناس فاهمه ان الامساك هو تأخير الاخراج و ده غلط
و طبعا اكيد بنت حضرتك منتفخه و دا اللى بيخليها ال 3 ايام ممغصة و مش قاعده على بعضها
و لبوس الجلسرين بيعود الطفل على الغاء حركة امعاء الطفل اللتى تقوم بدفع البراز و لذلك فهو اختراع سىء و لابد من استخدامه فى اضيق الحدود يعنى بعد 6 ايام لو الطفل معملش
و على فكره للأسف 99 % من الامهات بترضع بطريقه غلط فبتخلى الطفل رقبته ملووحه فبيمص الهوا و هو بيرضع و ايضا مش بيبقى ممسوك كويس و لا ماسك الثدى بطريقه مضبوطه فتلاقيه بيرضع 4 دقائق و يسيب و هو فى الواقع اتقرف من الوضع السىء و التذنيب وقت الرضاعة
شكرا يا دكتور على النصائح
موضوع الرضاعة منكرش ان لما بتصحى بالليل بكروتها
بس حريصة على موضوع التجشأ والحمد لله مش بيجيلها مغص كتير يمكن هم 4 5 مرات من ساعة ما اتولدت
هل الرضيع بيتأثر بالام يعني لو الام عندها مشكلة الامساك بيتأثر بيها بسبب الحليب اللي بيرضعه منها ولو الام طبيعية بيتأثر بيها ؟
بارك الله فيك