الموضوع: د / أحمد السعيد ... استشارى دولى فى الرضاعة الطبيعية

د / احمد
بعد التحيه والشكر لمجهودك مع الاعضاء
يوجد لدى سؤال
ابنى عمره 4 شهور ومن يوم مولده والبراز عنده دائما غير متماسك
واحيانا بيجيله امساك لمدة 3 ايام وفى اليوم الرابع بديله لبوسه جلسرين والحمد لله بيعمل وبرده غير متماسك
يعنى بكون متوقع ان بعد الامساك يكون البراز متماسك ولكن لا يوجد تغيير فى طبيعته
اريد تفسيير لهذه الحاله ؟
وشكرا


..

المشاركة الأصلية كتبت بواسطة نور القمر

دكتور احمد عايزة اعودها على لبن صناعي الى جانب الرضاعة الطبيعية لاني هنزل شغلي
تنصح بانهي نوع ؟؟

الله المستعان

سبحان الله !! هو فيه حد بيكون عنده الطبيعى و يفكر فى الصناعى ؟؟ (نسميها الشمة الاولى!!!!!!)



و بعدين ......


فى الاخر هقولك اضرار الرضعة الصناعى و الاكل قبل 6 اشهر


المهم هتعملى ايه:

هتقومى بشفط و تعصير اللبن من صدرك و اى حد هيعطيهولها زى ما هقوللك


اولا : الشفط


إذا كان عليك الابتعاد عن طفلك، سواء أكان ذلك لساعات قليلة أو خلال يوم كامل، ربما ترغبين مسبقاً بشفط حليب الثدي وحفظه. بهذه الطريقة، يستطيع طفلك الحصول على فوائد حليب الأم حتى لو قام شخص آخر بإطعامه أثناء غيابك.


يعدّ شفط الحليب أيضاً طريقة رائعة في إراحتك من الاحتقان الذي يصيب الثديين ويزيد مخزون الحليب لديك. كما يساهم في إطالة عملية الرضاعة الطبيعية

كيف يتمّ شفط الحليب؟


يمكنك الشفط باليد. هذه وسيلة قليلة التكلفة لأنها لا تتطلب تجهيزات وتختصر عليك الوقت وسرعان ما تعتادين عليها. لذلك، تجد بعض النساء أن الشفط اليدوي أكثر فعالية من استخدام مضخة الشفط.
*اغسلي يديك قبل أن تبدئي
* ثم ضعي إبهامك على مسافة 2.50 إلى 3.50 سنتيمترات من الحلمة وأصابعك إلى تحت بحيث تصنعين شكلاً مطابقاً لحرف c حول الهالة المحيطة بالحلمة، واضغطي إبهامك وإصبعك معاً وفي وقت واحد، مع دفع يدك إلى الخلف باتجاه جدار الصدر، ثم قومى بعملية ضغط وسحب الحليب الى الاسفل و لكن توقفى قبل الوصول الى الحلمه
*وتابعي هذه العملية بحركة دائرية حول هالة حلمتك. لو جعلت إبهامك والإصبع قريبين كثيراً من الحلمة، فسوف تؤلمك عملية الضغط فضلاً عن أنها ستكون غير مجدية.

كيف يتمّ تخزين الحليب؟

قومى بتجميع الحليب فى اى وعاء زجاجى (فنجان او كوب) و الزجاج علشان الدسم مش بيلزق فيه و اللبن بيقعد فى الكوب الزجاجى بره التلاجة لمدة 4 ساعات و فى باب التلاجه يوم كامل (24 ساعة)

كيف يتمّ اعطاء الحليب للطفل ؟

سيقوم الشخص القائم برعايه الطفل باعطاء الحليب الى الطفل مباشرة (اللى متروك بره التلاجه) بواسطه فنجان او سرنجه او قطارة او ملعقه

و لا يكون ابدا بالبزازه (لان الطفل لو عرف طريقها و سرعة انسكاب الحليب منها بيغضب على الرضاعة من الام فضلا عن انها مصدر من مصادر التلوث مهما قمت بتنظيفها)

و اللبن كان فى التلاجه يطلع من التلاجة و يترك فتره لتكون حرارته مثل حرارة الغرفه او يوضع اناء اللبن فى حمام ماء فاتر لازاله البروده منه و يعطى بنفس الطريقه السابقه

و على فكرة فى امهات كتير موظفات بتعمل الموضوع ده و مبسوطين خالص و الموضوع طبعا بره مصر منتشر زى سلام عليكم و منتشر ايجار شفاطات كهربائيه لهذ الغرض

هل اعطاء ابنك رضعة واحدة صناعىتضر؟


طبعا غير انها تقلل من لبنالام وانها احيانا تحتوى على ملوثات نتكلم عن الضرر الذى توقعه هذه الرضعة علىامعاء الطفل.
* ان امعاءالجنين عامة معقمة وخالية من الميكروبات فاذا ولد ولادةطبيعية فان اول بكتريا تدخل جسمه هى بكتريا من الام وهذا مفيد للطفل لان الام تحتوىفى لبنها على اجسام مضادة تحمى من هذه الميكروبات.
وامعاء الاطفال الذين يرضعونرضاعة طبيعية تختلف فى مكوناتها عمن يرضعون رضاعة صناعية.
* فأمعاء من يرضعونرضاعة طبيعية الوسط فيها حمضى يساعد على نمو البكتريا النافعة وقتل البكترياالضارةph 5.1-5.4
* والوسط فيمن يرضعونرضاعة صناعىph 5.9-7.3 مما يؤدى الى وجود الكثير من بكترياالتعفن.
* اما الاطفال الذين يحصلون على رضعة صناعى فى اليوم فتتحول امعاؤهممن الامعاء التى تحتوى على البكتريا النافعة الى امعاء تحتوى على البكتريا الضارةتماما مثل من يرضعون صناعى.
* وبفحص امعاءالمواليد وجد انها تكون غير ناضجة وضعيفة من ناحية المناعة وذلك لوجود فراغات بينالخلايا تحتاج الى شهور لتغلق ولو اخذ الطفل شىء غير لبنالام يعبر منها البروتيناتكبيرة الحجم و الميكروبات
وقد وجد ان اغلاق هذه الفراغات يكون اسرع فيمن يرضعونطبيعى.وتأخر الاغلاق يؤدى الى خطر الاصابة بالتهاب الامعاءالخطير لحديثى الولادةوامراض الاسهال والحساسية.
* ويوجد فى لبن الام احد الاجسام المضادة الذى لا يوجدطبعا فى الحليب الصناعى يكون غطاء واقى للامعاء يحميها من اختراق الجراثيملها
وهذه الاجسام المضادة تحارب البكتريا المرضية وتحافظ على البكترياالنافعة.
ونفس تاثيرات الحليب الصناعى هى تاثيرات البدء فى اطعام الطفل اى طعامقبل اتمام 6 شهور
* واذا لم تعطى الام ابنها رضعة صناعى اخرى تستغرق الامعاء 2-4 اسابيعلتعود لحالتها الاولى

هي شهادة حضرتك دي تغنيك عن الماجستير ؟

المشاركة الأصلية كتبت بواسطة magomago

د / احمد

بعد التحيه والشكر لمجهودك مع الاعضاء
يوجد لدى سؤال
ابنى عمره 4 شهور ومن يوم مولده والبراز عنده دائما غير متماسك
واحيانا بيجيله امساك لمدة 3 ايام وفى اليوم الرابع بديله لبوسه جلسرين والحمد لله بيعمل وبرده غير متماسك
يعنى بكون متوقع ان بعد الامساك يكون البراز متماسك ولكن لا يوجد تغيير فى طبيعته
اريد تفسيير لهذه الحاله ؟
وشكرا

..

بص حضرتك
اولا الاخراج فى الطفل اللى بيرضع طبيعى اول 6 شهور ( طبعا رضاعة فقط بدون اى اضافات و بدون الماء) بيكون مرتين كل يوم او مره كل 5-6 ايام و ده بيختلف طبعا على حسب طبيعة الطفل و الطبيعى لو مره كل 5 ايام بيكون اول البراز ناشف و الباقى طرى يعنى مش محجر

طيب الطفل اللى بياكل او يشرب بدرى عن كده الطبيعة بتتغير و الاخراج ممكن يتلخبط

و الطفل اللى عنده انتفاخ و غازات فى بطنه ( و غالبا بيرضع بطريقه خطأ ) بيكون عنده تأخير فى الاخراج لانه بيحزق فيقوم بدفع الغازات بدلا من البراز

فالموضوع اصلا ان الناس فاهمه ان الامساك هو تأخير الاخراج و ده غلط ل
و لبوس الجلسرين بيعود الطفل على الغاء حركة امعاء الطفل اللتى تقوم بدفع البراز و لذلك فهو اختراع سىء و لابد من استخدامه فى اضيق الحدود يعنى بعد 6 ايام لو الطفل معملش
وطبعا استخدامه بيخلى البراز طرى

المشاركة الأصلية كتبت بواسطة zakiali

هي شهادة حضرتك دي تغنيك عن الماجستير ؟

الشهاده دى لسه مش معترف بيها رسميا فى مصر ولا تقوم مقام الماجستير بمعنى ان انا لو خلصت دراستى و اخذت الشهاده دى مينفعش ارخص عياده فى تخصص الرضاعة الطبيعيه و بس

و انما اغلب اللى حاصلين عليها معاهم تخصص اطفال او نساء و توليد (سواء دبلوم او ماجستير )

و طبعا الموضوع بره مصر فرق السما من الارض
و يقدر قيمة استشارة الرضاعة الطبيعيه حسب لائحة الاخلاقيات الخاصة بالشهاده انها لا تزيد عن 120 دولار!!

و طبعا الشهاده مطلوبه بعينها فى الدول العربيه و الاجنبيه

و دا لينك للتعريف بالشهاده
ط¥ط³طھط´ط§ط±ظٹ ط¯ظˆظ„ظٹ ظپظٹ ط§ظ„ط±ط¶ط§ط¹ط© ط§ظ„ط·ط¨ظٹط¹ظٹط©

ودا كمان

Creed and Mission

يعني حضرتك أخدت الشهادة دي الأول ولا أخدت الماجستير الأول ولا لسه معملتش ماجستر ؟ انا اسف علي أسألتي الكتيره اصلي نائب أطفال زي حضرتك ورسالة الماجستير بتاعتي عن الرضاعة الطبيعية برده