الموضوع: د / أحمد السعيد ... استشارى دولى فى الرضاعة الطبيعية

المشاركة الأصلية كتبت بواسطة د.محمود صلاح

اسمح لي ان أقتبس من مشاركاتك المفيدة في موقع طب مصر مع ذكر الإسم وجزاك الله خيراً على المجهود والمعلومات الدقيقة

دا شرف ليه يا دكتور محمود و حضرتك تؤمر و بارك الله فيك

و موقع طب مصر جميل انا مشترك فيه بس بدخل قليل جدا

يحدث إنطباع فى فم الطفل لشكل حلمة ثدى الام ويحدث تشتيت للطفل عند ادخال حلمة اخرى فى فمه سواء طبيعة أو صناعية

ان الطفل الذى يرضع اى شىء بالبزازة يجد حلمتها كبيرة

و الرضاعة منها أسهل من الرضاعة من الأم و بالتالى يغضب على الرضاعة من الأم

n الطفل فى اول 6 اشهر من عمره يكون غير مهيأ فسيولوجيا لتقبل الطعام للآتى:

• لا يستطيع البلع انما يستطيع الرضاعة و المص فقط
• لايستطيع المضغ لعدم وجود أسنان
• العصارات الهاضمة للطعام لاتكون قد تم تكوينها بعد

n لذلك فان المحاولة مع الطفل باعطائه الطعام مبكرا قبل 6 أشهر تعرض الطفل للآتى:

n المغص المتكرر نتيجة عسر الهضم

n يرتبط الطعام عند الطفل بحدوث المغص مما يؤدى الى رفضه للطعام مستقبلا (الطفل يكره الاكل )

n ان لبن الام وحده كافى لزيادة وزن الطفل فى هذه الفترة ويتم تقييم ذلك بمتابعة وزن الطفل و مقارنته بالوزن المثالى لعمر الطفل

n ان الدراسات الحديثة اثبتت ان اعطاء الطعام للطفل قبل اتمامه 6 اشهر يعرضه للاصابة بالحساسية سواء الجلد او الصدر والاصابة بالنزلات المعوية و التهابات الأذن و جعل مناعة الطفل ضعيفة و عرضة للكثير من الامراض مقارنة بالطفل الذى لم يتم اطعامه فى هذه الفترة

n - ان الدراسات الحديثة اثبتت ان ادخال الألبان الحيوانية أو منتجات الألبان قبل بلوغ العام الاول من عمر الطفل يعرض الطفل الى سوء الهضم و اضطرابات فى القولون و النزلات المعوية والحساسية بأنواعها

n ان ادخال الأغذية التكميلية قبل موعدها يضعف انتاج اللبن و يؤثر سلبيا على نمو الطفل

المشاركة الأصلية كتبت بواسطة نور القمر

دكتور احمد ودكتور محمود ارجو التكرم بالرد على سؤالي وجزاكما الله خير
سألت حضرتك من فترة على الامساك عند بنتي (7شهور)
وكان رد حضرتك عادي انها تقعد كذا يوم بدون اخراج
السؤال المرة دي مختلف شوية
هي قعدت فترة طويلة التبرز عندها منتظم يوميا بدون مشاكل
لكن حاليا بتقعد حوالي 4 ايام بدون اخراج وعند التبرز يكون بألم وبكاء وحزق جامد
وفي الحالة دي لبوسة الجلسرين غير مجدية معاها لانها بتخرجها تاني بسرعة بدون فايدة
انا مش عايزاها توصل للمرحلة دي
اعمل ايه ؟؟

لبوس الجلسرين عموما مش حل و لابد من استعماله عند الضرورة

و انما الحل فى علاج الاسباب المؤديه للامساك و ذلك بالآتى و الله الموفق

* الحرص على اطعام الطفل 3 وجبات متنوعة ( راجعى الوجبات المقترحة للطفل من 7 شهور ل سنه ____ فى نفس الموضوع )

* اعطاء قدر مناسب من الخضروات المتنوعة و خصوصا الكوسة

* اعطاء عصير برتقال او عنب كملين طبيعى يوميا

*اعطاء كميه من الردة مع فول مهروس بدون قشر مع ملعقة زيت زيتون ( و هى وجبه ملينه و مفيدة جدا جدا )

* التأكد من علاج الانتفاخ لانه سبب فى تأخير الاخراج و الامساك

*عدم الاكثار من النشويات ( البطاطس و البطاطا او السريلاك )



* اذا لم تفلح النصائح السابقة يتم اعطاء (جاستريج شراب ..... 5 مللى كل 12 ساعة لمدة 5 ايام و هو منظم لحركة الامعاء )


* اذا لم يفلح ما سبق يعطى نقط بيكولاكس 10 نقط بالفم يوميا لحين عمل تحليل براز و عرضها على الطبيب لتقييم الحالة

المشاركة الأصلية كتبت بواسطة نور القمر

شكرا يا دكتور
انا مشيت على الكورس الغذائي الملين لمدة 5 أيام واي طعام اعرف انه ملين بضيفه ومفيش فايدة
وبقالي 3 ايام ماشية على جاست ريج ومفيش فايدة
واديتها مرة واحدة بيكولاكس عشان ترتاح مجبش نتيجة مع ان الجرعة دي مع الكبار مجدية جدا
انا هصبر يومين كمان على الجاست ريج واعملها تحليل البراز
حضرتك تتوقع ايه المشكلة اللي ممكن يظهرها التحليل؟

مش عارف ليه مسألتش حضرتك من الاول

ايه هو الامساك ....

فالامساك هو تأخر البراز فى الخروج لدرجة ان يكون ناشف جدا ( محجر ) مما يعرض لاصابة قناة الاخراج الى التشققات و الجروح
يعنى الطفل لو بيتبرز كل 4 ايام و البراز مش محجر فليس هذا بامساك

و لكن طبيعى مع الاخراج ان يكون فيه حزق و الم و خصوصا لو فيه انتفاخ و غازات فى البطن بتأخر الاخراج و وجود هواء فى الامعاء يعمل على تيبس البراز و تعرضة لان يكون جاف بدرجة اكبر

اذا كان فيه انتفاخ يرجى علاجة اولا قبل اى شىء ( سايمثيكون شراب 2 مللى 3 مرات)

و الجاستريج بينظم حركة الامعاء للحفاظ على الحركة الطبيعية للاخراج بصورة طبيعية حسب طبيعة كل طفل ( فلو طبيعتها كل 3 ايام فلن يقلل المدة ) و تأثيرة على الاقل بعد 5 ايام

اما بيكولاكس فتاثيرة هيبان كمان يوم او اتنين و ممكن يكون اسهال لانه بيأخد دورة البراز فى الامعاء حتى الاخراج فعندما يصل الى الامعاء الغليظة هيشتغل

و التحليل ممكن يكون فيه اميبا او جيارديا و دى بتكون من اسباب تعفن البراز و تخمرة و بالتالى غازات فى القولون و تاخير فى الاخراج