دين إيه يا حاج شنوري؟!..ده الراجل معترض على فكرة وجود خالق أساسا
عرض للطباعة
بص يا نوكيا
الوجوديين و الملاحدة اللي أنت قرأت لهم وفتنوك (مش حقول أقنعوك وحتعرف ليه لو قدر لنا ربنا إننا نكمل)
الناس دي طعنت في وجود الخالق علشان تهد البنيان الكبير اللي مبني على الإيمان به
يعني
هناك خالق وهناك قصة خلق والخالق له وحي والوحي يحمل الرسالة فيتلقاها الرسول و يبلغها للناس
هي دي فكرة كل أصحاب الديانات السماوية
يعني
خالق - وحي - رسالة - رسول
فالملحد بيطعن في أول مرحلة علشان يهد الأخيرة , لإنه غالبا عنده مشكلة نفسية من المتدينين والأديان علشان فيها شرائع خنقاه شوية وشايف إنه المفروض يكون حر , أو أتولد في دين ملعوب فيه ويتنافى مع العقل
طيب ما تيجي نمشيها بالعكس
تعالى نثبت فساد أو صحة ما آتانا به الرسول
لو طلع حق يبقى رسالته حق يبقى تلقاها من وحي حق يبقى الإله حق
تيجي نغوص في الرحلة دي والا معندكش إستعداد ؟؟
أنا مؤمن بللي اسمه دين بس أنا هحاول أكون محايد في كلامي ومش متحيز الالديان السماوية.
ومنطق التطور برده زيهم, ممكن يكون غلط تماما؟ ده اسلملك تراهن على غلطها عشان مفيش نظرية يتيمة طلعت من فكرنا ثبت صحتها المطلقة. ولا حتى الرياضة المجردة. يعني مثلا احنا اللي قلنا إن الجمع هو إن 2+2=4. فعشان كده الحسابات اللي بنبنيها على الأساس ده صح انما لما بنجربها في الحياه بتفشل ونقول اصل فيه عوامل مخدناش بالنا منها. فـمينفعش اعتمد على الفكر بتاعنا عشان زي ما أنت قلت "العديد من الأفكار سادت لحقب عديدة و ثبت أنها خاطئة من مرور الزمن" بل خليني اقولك كل الأفكار (أنا بأتكلم عن النظريات العلمية والفلسفية ونسيب الدين على جنب عشان أنا مؤمن بيه)
ويبقى سؤال. لماذا؟ ماسبب وجدنا؟ وده اهم سؤال. لأن الكيف سهل نشوفله نظرية.
ولو احنا وجدنا لا سبب له حقيقي إلا مجرد شوية زرات وظروف مناسبة في توقيت مناسب يبقى احنا مالناش هدف. احنا مجرد زي الصخر اللي في الفضاء بس احنا بنتكلم وعندنا حاجة اسمها عقل مخليانا نغير في طريقة تطورنا وتعايشنا. طب ليه نحترم بعد. ليه لما بتعمل شيء كويس بتحس إن ده صح أو بشعور من الارتياح؟ ديه مش فطرة عشان مش كل الكائنات بتعمل كده. يعني متقوليش كل الكانت بتحاول تيحافز على وجودها. اصل ده حلو اننا نطور طريقة التناسل مش نحترم ونحب بعض.
احنا لينا هدف أعظم. فتش ودور عليه ومتقبلش أي نظرية تقولك مالناش هدف. عشان كل شيء مهدف. ومادمت نشيط ونفسك تعرف الحقيقة دور عليها في النظريات وجرب برده الاديان وبلذات مايطلق عليه الالدين السماوية. انما متستسهلش وماتدورش أصلا. ومفيش دين يدعو للرحمة والحب بيقول أنا صح والباقي غلط. المبدأ ده مش موجود خالص وإلا يبقى احنا رجعنا لنظرية إلا هدف. كل الالدين هدفها معرفة الخالق والإجابة عن الهدف. بس متخليش حد يشحنك ضد الالدين ويقولك هي بتقول كده. ده مفيش قانون واحد البشرية عملته والناس تقبلته إلا لو له أساس ديني سماوي مش فكر انساني مجرد. كل الالدين اللي الناس قبلتها واستريحتلها تدعو للحب والتسامح. والأهم بتجاوب عن سؤال الهدف وبتقول احنا هدفنا إيه. اللي البشر بيعمله في بعض ده هو خروج عن اديانهم وفطرتهم. اخطاء وعدم التزام. لو اليهود التزموا بدينهم مش هيؤذوا أي إنسان وكذلك أي إنسان مؤمن بدين سماوي. مفيش دين دعي الي الكراهية. احنا اللي مش ملتزمين والأسوأ إن فيه البعض بيقول اصل الدين بيقول كده. لأ مفيش دين قال اكره حد. فـجرب ادي للكتب ديه فرصة وشوف هي فعلا بتقول كده ولا احنا اللي بنطبق غلط و بنتستر ورا الدين عشان قيمة الناس بتحترمها.
واخيرا الكلام ده مكانه مش في المنتدى هنا فيه قواعد زي ماالأستاذ Yoko اشار ليها كلنا بنحترمها.
أنا شكلي سرحت أنا كنت ناوي أكتب اصلا جملتين بس :ma:
يا جماعة بلاش تدوهم الفرصة يصدقوا نفسوهم
النوعية دى مفتقدة الحس و الايمان ودول من اهم العوامل فى اى دين
اعبد الله كائنك تراه فان لم تكن تراه فهو يراك
مين فينا مجاش عليه يوم ودعا ربنا بحاجة الا وتحققت
مين فينا مشفش عربية متخرشمة و كل اللى فيها طلع سليم الا وقال ستر ربنا
مين فينا موقعش فى مصيبة الا ولقى ناس واقفة جمبيه لله موش مستنين اى مصلحة بعدها وقال الحمد لله
لو كلام نوكيا صح كان زمان الدنيا انتهت من زمان اوى
بس حكمت ربنا يكون فى الخير و الشر علشان ربنا خلق لكل انسان عقل يميز بيه ويشوف هيحسن استخداموا ولا لأ
و ادانا ادلة على وجوده فى كتبه السماوية اللى واضح ان نوكيا موش فتحها اصلان مع انوا لو بيفكر بمبداء المعرفة من غير تحيز يبقى كان لازم يقرا كل حاجة موش يقرا الحاجة اللى يحس بيها انو متميز ومختلف وتحت داءرة الاضواء
ربنا يهديك و يزيل الغشاوة من على عينيك
و لو موش مصدقنى اعمل بحث عن الاعجاز العلمى فى القرأن وشوف ان دا موش ينفع يكون كلام انسان لأن القران فيه حقائق علمية اتصرف عليها ملاين علشان يعرفوها فى زمنا دا و فى الاخر لقوها مكتوبة من الاف السنين فى القران
انت بتفكرنى بموقف طريف لو تسمحولى احكيه
فى السيتنات لما اميركا و روسيا وصلو القمر اميركا طورت قلم جاف علشان يقدر يكتب على القمر وطبعا لانعدام الجازبية على سطح القمر و اتكلف حوالى مليون دولار او اتنين موش فاكر تحديداً وطبعا كان مبلغ ضخم فى الستينات
فى نفس الوقت اللى الروس قراروا يكتبو على سطح القمر بقلم رصاص
يا رب تكون فهمت قصدى
اوقات الحقيقة بتكون قدمنا بس احيانا غرورنا و كبريائنا بيمنعنا نعترف بيها
الله ينور عليك.............انا قريته من الاول وفهمت هو داخل الموضوع ليه(للجدال مش اكتر) وعلشان كده سألته وهرب من السؤال لرغبته في جذب الانتباه وأستكمال مسلسل الجدال مش أكتر وممكن تلاقيه في الاخر عايش شخصية في المنتدي لا تمت بصلة للحقيقة ......ربنا يهدي الجميع.
ربنا ينور علينا كلنا يا otefa و اتمنى ربنا يهديه
ويجعلنا حاجة او سبب فى هدايتوا
هناك نوعية من البشر تشعر بقدر كبير من الدونية وتحتاج دائما إلى أي سبب يضعهم في الواجهة وأن يكونوا محط أنظار الناس حتى لو كانت هذه الأنظار تحتقرهم ولكن هذا يشبع في أنفسهم شهوة الشهرة
ويروى أن أحدهم بال في بئر زمزم يوما ولما هم به الناس وسألوه أمجنون أنت؟!! ماذا تفعل؟..
قال: أحببت أن أُذكر ولو باللعن...