الموضوع: مشكلة فى الفيتيس

هى العربية ايه؟
اتاكد من مستوى زيت الفتيس ميكنش زيادة لو مفيش نتيجة فى طريقة لعمل rigging (ظبط اطوال) لوصلات عصاية الفتيس من جوة الصالون و من عند الفتيس (بس انا عارفها للانوس فقط)
لو لانوس صوت الطقطقة بيروح لما ترش wd40 على محور دوران ذراع التعشيق الى راكب على الفتيس ( الى هو لما تدوس الدبرياج حتلاقى ذراع بيتحرك على الفتيس)
الاحتمال الاخير ان الحاجات الجديدة لسة بتطبع

روح لميكانيكي فاهم وامين

المشاركة الأصلية كتبت بواسطة ahmadaly1999

هى العربية ايه؟
اتاكد من مستوى زيت الفتيس ميكنش زيادة لو مفيش نتيجة فى طريقة لعمل rigging (ظبط اطوال) لوصلات عصاية الفتيس من جوة الصالون و من عند الفتيس (بس انا عارفها للانوس فقط)
لو لانوس صوت الطقطقة بيروح لما ترش wd40 على محور دوران ذراع التعشيق الى راكب على الفتيس ( الى هو لما تدوس الدبرياج حتلاقى ذراع بيتحرك على الفتيس)
الاحتمال الاخير ان الحاجات الجديدة لسة بتطبع

العربية لانوس 2003 فول اوبشن وعامله 94000 ياريت الطريقة علشان انا تعبان اوووووووووووووووووووووى من الفتيس بتاعى وشكرا مقدما ياباشا

طالما لانوس فمن الاسباب المحتملة ان يكون زى ما قولتلك الزيت زيادة فلازم تتاكد من الزيت تكشف عليه المفروض و العربية مستوية الراجل يفك طبة الكشف على مستوى الزيت فيبقى الزيت يادوب على نفس مستوى فتحة الطبة فلو فى زيادة الراجل حيسبهم ينزلوا من الفتحة و بعدين حيقفل الطبة و تجرب ( يفضل و العربية باردة )
لو لسة برضه المشكلة زى ما هية يبقى حتعمل كشف التاكد من اطوال الوصلات
الفكرة كالاتى :
ان المفروض و العربية دايرة و واقفة ( على السلانسيه ) تقدر تغير جميع الغيارات بسهولة
لو فيه صعوبة يبقى اتاكد من الظبط :
1- بطل العربية
2- حاول يكون معاك عدد 2 حاجة اسطوانية قطرهم 5 مم ( نص سم ) ( ممكن بنط )
3- افتح الكابوت
4- حاول تتعرف على امتداد وصلات ازرع التحكم فى الفتيس عن طريق واحد يقعد فى العربية و هى مبطلة و يقعد ينقل و انت حاول تراقب الحركة و تشوف اى حاجة مش طبيعية ( زى حاجة مبوشة جامد حاجة معصلجة حاجة غريبة عامله اعاقة زى وساخة جامدة او جزىء صلب غريب محشور فى الوصلات )
5- اثناء الاختبار حاول تتعرف على الاتى ( امتداد الوصلة الى جاية من العربية من جوة - و الزراع اللامع الى داخل على الفتيس من خلال علبة راكبة على الجيربوكس و الذراع ده راكب عليه و صلة مفصلية ) ( يعنى سيبك من الكلكعة الى فى نص السكة المهم الذراع الى داخل فى الجيربوكس)
6- لو كل حاجة باينة طبيعى يبقى حنتاكد من الاطوال مظبوطة كالاتى :

1- فيه المفروض امتداد العصاية الى موازية للارض و واصلة ما بين عصا الفتيس الى جوة العربية و باقى الوصلات الى جوة الماتور امتداد العصاية دى و هى طالعة من جوة الصالون و داخلة الماتور عليها كلامب ( افيز ) بمسمار فكهم ( الكلام ده جوة حوض الماتور )
2- كده انت حررت العصاية من جوة عن بقيت الوصلات الى فى الماتور
3- باقى ان انت تحط البنوز الى معاك الى قطرها 5 مم
4- فيه طبة صغيرة على يمين الذراع اللامع الى داخل على الجير بوكس فكها
5- حاول تلف الذراع لغاية ما تقدر تدخل البنز الى معاك افقيا فى الفتحة الى مكان الطبة الى انت شلتها ( واحد من الاتنين الى قطرهم 5 مم )
6- جوة العربية
7- فك بوت عصاية الفتيس و ارفعه لفوق ( هو داخل كابس من قاعدته )
8- مور الفتيس
9- هات العصايا شمال شوية
10- حاول تدخل البنز التانى راسيا فى الاخرام
11- على الوضع ده ارجع ركب الافيز تانى
12- بكده انت ضامن الاطوال المثالية لعصا الفتيس بالوصلات لغاية الجيربوكس
13- طلع البنوز
14- ركب الطبه
15- ركب بوت الفتيس كبس

جرب
و ان شاء الله خير

المشاركة الأصلية كتبت بواسطة batviser

الله يفتح عليك ...هى دى الطريقه الصح لضبط عصا الفتيس ... و دى الطريقه الى مكتوبه فى السيرفس مانيوال بتاع العربيه ....

الف شكر لحضرتك (انا فعلا قراتها من الكتاب) و يا رب تجيب نتيجة معاه او يطلع الموضوع بسيط و على قد مستوى الزيت

شكرا ياباشا على المجهود لكن كل اللى انت قولته انا عملته عند احد المكانيكية غير الميكانيكى بتاعى وهو ده اللى قلى ان فيه مسمار فى الجزء اللى خارج من داخل السيارة الى الموتور ( بيقولوا عليها المرجيحة ) المسمار منحول من الوسط بيقولى هو ده اللى عامل الخلل فى العصا وعلى العموم انا مشكور لك جزيلا ربنا يجعله فى ميزان حسناتك ............