عندى مشكلة فى سيارتى الجديدة

**wahmsarab** · 21-05-2010 01:13 AM

الحمد لله استلمت سيارتى منذ أربعة أيام أوتوماتيك saloon EX ولكنى لاحظت أمر غريب جداَ عندما أصل باسرعة إلى 80 كم يبدأ مؤشر ال RPM فى الارتفاع بعد 3000 ثم يزداد ليصل إلى 4500 عند ال 100 كم ويرتفع صوت الموتور كأن الغيار الاخير لم يتم بعد و قد حاولت أكثر من مرة لتخفيف قدمى من على دواسة البنزين لمحاولة جعلها تقوم بالغيار و لكن بدون فائدة, فما هى المشكلة؟

**aimank** · 21-05-2010 01:55 AM

شوف لمبة الاوفر درايف فى التابلوه لونها اصفر وموجودة فى اخر الصف الى بيوضح لك حركة الفتيس المفروض فى الوضع العادى انك متشغلهوش و الزرار بتاعه فى الفتيس تحت السوستة لو منورة دوس على الزرار حطفى وجرب و قولى

**khela** · 21-05-2010 08:19 AM

بلاش توصل عدد لفات الموتور الى 4500 والعربية لسة جديدة المفروض انك لسة بتليين ولو عندك مشكلة روح التوكيل فورا

**nab!l** · 21-05-2010 10:04 AM

المشاركة الأصلية كتبت بواسطة aimank

شوف لمبة الاوفر درايف فى التابلوه لونها اصفر وموجودة فى اخر الصف الى بيوضح لك حركة الفتيس المفروض فى الوضع العادى انك متشغلهوش و الزرار بتاعه فى الفتيس تحت السوستة لو منورة دوس على الزرار حطفى وجرب و قولى

فعلا
ملهاش سبب الا كده

**د.محمود صلاح** · 21-05-2010 01:50 PM

الاوفر درايف يجب ان يكون مطفياً فى التابلوه od

**Mostafa_ENG911** · 21-05-2010 03:44 PM

إن شاء الله يكون الموضوع بسيط ...أنا كان لي رأي قد يكون هو السبب:
ممكن عشان العربية لسة في أول ألف كيلو أي لسة الزيت الموتور الموجود زيت التليين وده زيت خفيف و بالتالي يكون في التحميل العالي كفاءة التزييت بتقل أي حركة الأجزاء الميكانيكية أصعب و بالتالي يتطلب سرعة دوران أعلي للموتور عشان يطلع نفس الباور المطلوبة لهذه السرعة من سرعة دوران موتور تم تليينه...هذا و الله أعلم!!!