طلب تسعير مازدا 323 موديل 82 1300 سى سى

برجاء من اصحاب الخبرة تسعير السيارة حيث ان احد الاصدقاء يرغب بشدة فى شرائها ولا اريد ان اظلمه.
وجزاكم الله خيرا وجعلها الله فى ميزان الحسنات يوم القيامه



1- ماركة السيارة : مازدا 1300 سى سى
2- الموديل/السنة: 323 /1982
3- عدد الكيلومترات: 176000( مرفوعة 10 سنوات)
4- نوع ناقل الحركة: مانيوال 4 سرعات
5- لون السيارة: ازرق فاتح
6- الكماليات: راديو + مينى ديسك يابانى
7- حالة الصاج او الخوارج: رشة وش نضافة خوارج فقط
8- حالة الدواخل : فابريكة وجميع العدادات ولمبات البيان تعمل
9- حالة الصالون : جيد
10- الحالة العامة او التقييم العام للسيارة: ممتازة (لا يوجد بها تقريبا اى اعطال من اى نوع)
11- حالة البطارية: معقولة
12- حالة الكاوتش : مستعمل حوالى 5000 كم
13- الرخصة سارية لمدة سنة
14- ثانى يد
15- حالة الموتور : ممتازة اسافر بها على الطريق الصحراوى من اسوان الى سوهاج (450 كم) بسرعة حوالى 130 كم/ساعة

لو حالتها زى ما بتقول كده تساوى 25000 جنيه والله اعلم

للامانه العربيه حسب حالتها وبعد التغييراللى حصل لاسعار السيارات بصفه عامه فهى حسب حالتها تتراوح مابين 13 الى 16 الف جنيه كحد اقصى

طيب ايه التنقاض الغريب ده طيب هيا سعرها فى السوق فى وقتنا الحالى كام ؟ لأن 25 من 13 فرق كبير يعنى

انا شاكر جدا جدا للاهتمام ولكن فعلا هناك تفاوت كبير فى السعر
على فكرة انا سألت واحد صديق كان عنده نفس العربية وبادل بواحدة دوجان مكيفه من حوالى 6 شهور ودفع فرق 10 الاف جنيه وقالى البدل ما تقدرش تحدد السعر اللى اتباعت بيه بالضبط ولكن عربيتك انا عارفها وتساوى حوالى 24 الف جنيه.
واكون شاكر لو اصحاب الخبرة فى التثمين افادونا برأيهم.

اقتباس:

---

المشاركة الأصلية كتبت بواسطة hobyana47

للامانه العربيه حسب حالتها وبعد التغييراللى حصل لاسعار السيارات بصفه عامه فهى حسب حالتها تتراوح مابين 13 الى 16 الف جنيه كحد اقصى

---

يا راجل حرام عليك ده يادوب تمن 128 تعبانه والعربية دى بشهادة الميكانيكية اللى بتعامل معاهم افضل بكتير من عربيات جديدة مثل اللانوس ده اللى حالتها وحشه منها بيتباع ب 18000 و 19000 جنيه وكفايه انك تجيب بيها 120 كأنك مش ماشى خالص ثابته وممتازة على الطريق بعكس كتير من العربيات الجديدة

ده فعلا اللى حصل معايا اول مرة اسافر فيها كانت على الطريق الصحراوى وبصيت على عداد السرعة وكان المؤشر على 125 ومع ثبات العربية ووسع الطريق الصحراوى وصوت الموتور شكيت ان عداد السرعة بايظ ودى لا يمكن تكون سرعة تزيد عن 70-80 ولكن فوجئت بيافطة مكتوب عليها ادفو بعد حوالى ساعة وتأكدت ان العداد مظبوط لان المسافة كانت من بداية اسوان الصحراوى وحتى ادفو فى حدود 115 كم.

واحد صاحبى لسه شارى 323 مو 83 وموتور لسه متعمر 1500 سي سي وجنط سبور وعايزه شغل سمكره ورش من بره ودواخل فابريكه من الاخر عايزه باكو ونص بالكتير وتبقى عروسه ومش عامله حوادث وجابها ب 17 الف
ده اللى اعرفه عنها

اقتباس:

---

المشاركة الأصلية كتبت بواسطة mazagngi2010

واحد صاحبى لسه شارى 323 مو 83 وموتور لسه متعمر 1500 سي سي وجنط سبور وعايزه شغل سمكره ورش من بره ودواخل فابريكه من الاخر عايزه باكو ونص بالكتير وتبقى عروسه ومش عامله حوادث وجابها ب 17 الف
ده اللى اعرفه عنها

---

على فكرة شوفت ليها اعلانات فى مواقع بيع و شراء و لقيت سعرها فى حدود الـ16 إلى 20 طبعا من غير الفصال إلى لاحظته أن ممتلكين السياره بيلعلوا سعرها بطريقه عجيبه لو مش عايزين يبيعوا لمجرد التكبير منها فقط لكن يا جماعة بصوا الموديل و بصوا على الرد المقتبس خير دليل انا فى الاول كنت مستعجبه جدا من فرق الاسعار فى اول ردين لكن وضحت الرؤيه بعد الرد المقتبس

يعنى نقول 20 زى ما قال الاستاذ شريف فى اللينك ده


http://www.nilemotors.net/Nile/99835-a-281.html

لو حضرتك عايز تبيع سيارتك افضل ليك لا تعرضها لانك للاسف بتهينها
لان لو حضرتك جاد فى البيع افضل لك تذهب مشوار صغير الى سوق السيارت لو عربيتك نظيفة صدقنى هتتخطف وبالسعر اللى هيرضيك
لكن هتعضرها هتجد اللى يفطسها اليك زى العضو اللى قال سعرها مابين 13 و17 افتكرت انه بيسعر سيارة 127 فيورا مش كمان فيات 128
ممكن كلامى يضايق بعد الاعضاء لكن ده راى وممكن يختلف مع باقى الاعضاء
شكرا لجميع الاعضاء

المازدا الـ323 الهاتش باك سعرها من 15000 و حتى 18000 .
و السيدان منها من 18000 و حتى 22000 جنيه .

و للتوضيح انا كان قدامى عربية هاتش باك موتور 1500 و تكييف و زجاج كهرباء و كراسى متجددة جلد و جنوط سبور و كاسيت بايونير اسطوانات فابريكة دواخل و كان صاحبها بيتكلم على 18000 بس كان شكله ناوي يخلص على 17000 .
و اخرى سيدان 1300 كاسيت cd و زجاج كهرباء امامى فقط و فابريكة دواخل و الصالون فابريكة فعلا و كان معاه الكاسيت الاصلى و كان بيتكلم فى 22000

العربيه دى سعرها العادل هيكون بين 17 - 20 الف ..

[QUOTE=mohamed_sabry;3872689758]المازدا الـ323 الهاتش باك سعرها من 15000 و حتى 18000 .
و السيدان منها من 18000 و حتى 22000 جنيه .

شكرا جزيلا لجميع الاعضاء المشاركين والمهتمين وانا تقريبا اقتنعت انها من 18-22 حسب الحالة واقتنعت ايضا ان لازم حد يشوفها علشان اعرف كام بالضبط مابين الرقمين 18 و 22
وشكرا مرة اخرى على الاهتمام والمشاركة

هدوا أعصابكم شوية يا جماعة الراجل بيسعر عربيته يعنى مش مشكلة يعنى و صلوا على النبى كدة
بالنسبه للسعر ولا تزودوا أوى و كأنها قطعة أثار كل المدة مازادت سعرها يزيد لأن الواقع مابين البايع والشارى جمله (يفتح الله) غير كدة إلى بيشترى عارف كويس هوا رايح يجيب أية و سعرها أية لأنه بيدور دى سعرها أية و دى سعرها أية و أكيد شاف مليون واحدة قبلها فبالتالى مش هتتباع و تظلموا الراجل ولا تقللوها أوى و تبخسوا للراجل حاجته رغم أن فيه ناس بتقلل عشان تبيع و تشترى أو تتخلص من السياره بس نتكلم فى المعقول و الطبيعى

اقتباس:

---

المشاركة الأصلية كتبت بواسطة mohamed_sabry

المازدا الـ323 الهاتش باك سعرها من 15000 و حتى 18000 .
و السيدان منها من 18000 و حتى 22000 جنيه .

و للتوضيح انا كان قدامى عربية هاتش باك موتور 1500 و تكييف و زجاج كهرباء و كراسى متجددة جلد و جنوط سبور و كاسيت بايونير اسطوانات فابريكة دواخل و كان صاحبها بيتكلم على 18000 بس كان شكله ناوي يخلص على 17000 .
و اخرى سيدان 1300 كاسيت cd و زجاج كهرباء امامى فقط و فابريكة دواخل و الصالون فابريكة فعلا و كان معاه الكاسيت الاصلى و كان بيتكلم فى 22000

---

و بصراحه أنا ملقتش أنسب من الأستاذ محمد صبرى إلى هيحل الموضوع كله و شكله راجل متابع السوق كويس وفاهم و دى الأسعار والله إلى كنت ناوى أقولها

و ربنا يوفق صاحب الموضوع و يكرمه بالى أحسن منها