إلحق - لكل مالكى السيراتو - ضغط الكاوتش

**aymanelshazli** · 21-05-2010 02:21 AM

السلام عليكم
رحت بالصدفة لبتاع كاوتش (صدفة) وكشفلى على العجل واكتشفت ان كل العجل على ضغط 50
مع انه المفروض يكون على ضغط 30
تم ضبطة على 30 ومن ساعتها حاسس ان العربية افضل
بتاع الكاوتش قال ان لو الضغط اكتر من اللازم ده بيأثر بالسلب على العفشة
الغريب انى سالت اصحابى اللى معاهم سيراتو وراحو لبتوع الكاوتش واكتشفوا ان عجلهم بردوا مضبوط على 50
؟؟؟؟؟؟؟؟؟؟؟؟؟

**alzwawy** · 21-05-2010 02:23 AM

ايوه يا مان العربيات الجديده بتبقي جايه من المصنع كده المفروض اول ما بتيجي بتظبطها علي 32 مش 30

**moha4tec** · 21-05-2010 11:23 AM

الطبيعى ان العربيه اول متشتريها من المعرض تشيك على الضغط سواء كان منخفض او مرتفع
هما دائما بيحطوا ضغط عالى عشان متريحش لما تركن فتره كبيره فى التخزين
لكن الوضع مختلف مع السيراتو انها ملحقتش تتخزن ,عشان كده ضغطها عالى
انصحكم تروح تظبط الضغط على :
1-32 زى المصنع ما بيقول و مكتوب على القايم الشمال اللى جنب السواق على قايم الباب الشمال و تملاها نيتروجين
2- 30 نيتروجين هتريح شويه اكتر و هتبقا انعم بس مع الوقت الطويل هتبوظ الكاوتش و ممكن تزود الاستهلاك فى البنزين بنسبه بسيطه.

النيتروجين
النيتروجين
النيتروجين
النيتروجين
بيطرى الكوتش
بيحافظ على الضغط فى جميع مختلف درجات الحراره صبح ليل صيف و شتا
النيتروجين بيخلى الكاوتش ياخذ شكل النقره او المطب و ده بيحافظ على العفشه و الجنط و الكاوتش
النيتروجين تشيك على الضغط كل شهر

عموما ضغط الكاوتش تشيك عند حد مظبط و عداد ديجبتال فى كالتكس او غيرها بردجستون او اى حد تثق فيه
كل شهر ترفع العربيه فى اى بنزينه و تنضف كاوتش من الحصى مهم اوى عشان اى عربيه ممكن تعوم لوفيها شوية حصى كبير فى الملفات و سرعات عاليه حتى الالمانى او الامريكى و كمان الحصى ممكن يعمل صوت طقه او تكه و انت ماشى خصلت معايا
وربنا يوفقك و يكرمك و يجعلها قدم السعد عليك و تستخدمها فى الخير ان شاء الله
و السلام ختام

**د.محمود صلاح** · 21-05-2010 02:07 PM

المشاركة الأصلية كتبت بواسطة moha4tec

النيتروجين بيخلى الكاوتش ياخذ شكل النقره او المطب و ده بيحافظ على العفشه و الجنط و الكاوتش

وما الفرق بين الهواء العادي والنيتروجين في هذه النقطة ؟

**M.Osman** · 21-05-2010 02:48 PM

المشاركة الأصلية كتبت بواسطة د.محمود صلاح

وما الفرق بين الهواء العادي والنيتروجين في هذه النقطة ؟

انا برضه مستني التفسير العلمي للنقطة الغريبة دي !!

**moha4tec** · 21-05-2010 03:48 PM

للاسف مفيش تفسير علمى انا غلط فى النقطه دى و خلط بين حاجه تانيه,و المعلومه دى من مراكز ملى النيتروجين فانا صدقتهم و كان قصدى الافاده مش اكتر.و لكن كلامكوا صح الله ينور.
و بعدين انتوا محدش ضاف معلومه تفيدنى و تفيد الناس اكتر من التفسير فقط يا ريت تزودو معلوماتى عن الكاوتش و احسن انواعه
يا ريت اللى يرد يقول شوية معلومات مفيده و ينتقد براحته معنديش اى مشكله لو هتعلم اكتر و اعرف اكتر هكون شاكر جدا لاى حد يزود معلوماتى بطريقه موضوعيه و شرح وافى و يقولى ان انا غلطان عشان كذا و كذا او للاسباب الاتيه:1- 2- .......
و متشكر انكوا صلحتوا معلوماتى و متابعتكوا المفيده
و السلام ختام