البيكانتو ... لحد لسه بيتعلم ..!

**sara2001** · 21-05-2010 11:23 PM

المشاركة الأصلية كتبت بواسطة merna

انا لسه بتعلم سواقة جديد

وكنت بفكر اجيب حاجة هاتش باك
وحسيت انى البيكانتو اكتر حاجة عجبتنى وارتحتلها نفسيا

بس بما انى جديدة

فانا محتاجة اعرف كذا حاجة .. لانى معلوماتى فى العربيات زى معلوماتى عن الهندى بالظبط

اول حاجة ... عايزة اعرف سعرها دلوقتى عامل كام بالظبط فى مصر لو هجيبها مانيوال وهاف اوبشنز ؟؟؟
تانى حاجة ... بما انى جديدة فى السواقة فاكيد العربية هتتخبط منى كتير .. فكنت عايزة اعرف ايه اسعار قطع الغيار .. معقولة ولا غالية ... وياريت امثلة للاسعار عشان ابقى فاهمة ؟؟؟؟
تالت حاجة .... انا شايفة الناس كلها كاتبه انى العربية بتطيير وعربية خفيفة ... يعنى ايه ؟؟؟؟
رابع حاجة ..... هو سؤال عبيط شوية .... بس هو انهى احلى الاورانج بتاعها ولا الاحمر ؟؟؟

بجد ياريت تردوا عليا ... وياريت الكلام يكون بسيط وفى مستوى السائق المبتدىء ... ربنا يكفيكم شر الجهل

عادي اتعلمي على البيكانتو مريحه في السواقه
انا لسه بتعلم عليها وهي جديده
بس لازم تتعلمي الأول في مدرسه على عربيه مجهزه للتعليم وبعدين كملي على عربيتك
وموضوع التأمين ده مهم جدا
هيخليك مطمنه وتخبطي براحتك

و بإذن الله ما تخبطيش ولا حاجه

**merna** · 22-05-2010 03:09 AM

المشاركة الأصلية كتبت بواسطة a.saad

السعر حوالى 60000
للهاف والكاملة 63000
وممكن تفاصلى فى 500 مثلا

تمام اوى .. ميرسى
بس انا سمعت اسعار اعلى من كده خالص .. بس يمكن عشان شافونى لسه بلف وبسأل فمقالوش اسعار نهائية
كويس انى حضرتك قولتلى
وميرسىىى اوى على الاهتمام والرد

**merna** · 22-05-2010 03:14 AM

المشاركة الأصلية كتبت بواسطة m.abdeen

شدي حيلك واتعلمي في اماكن فاضية وياريت تتعلمي على عربية قديمة وبعدين خشي على البيكانتو

مانا فعلا اتعلمت شوية فى اماكن فاضية على عربية قديمة بس لسه حاسه انى مش فاهمة حاجة وبخاف وانا طالعة اول طلعة بالعربية

**merna** · 22-05-2010 03:18 AM

المشاركة الأصلية كتبت بواسطة nab!l

احمر مارلبورو طبعا

انا عاجبنى الاحمر بتاعها جدا
بس بشوف منه كتير فى الشوارع
عشان كده فكرت فى الاورانج بس مشوفتش ولا واحده اورانج فى الحقيقة
كلهم فى كتالوجات عشان كده كنت بسال شكل العربية الاورانج فى الحقيقة حلو ولا مش حلوة ..

**merna** · 22-05-2010 03:23 AM

المشاركة الأصلية كتبت بواسطة mshawky

انا مش معاكى خالص فى عربيه زيرو تتعلمى فيها خساره وهتتبهدل وهتخسرى فيها جامد والعربيه جميله وناعمه وهتغرك عكس عربيه 128 مثلا لو جريتى بيها او بتتعلمى عليها مفيش خوف

فنصيحه اتقنى السواقه وهى مش صعبه خالص ويكون عندك ثقه فى نفسك كافيه انك تسوقى زيرو وفى الزحمه بدون خوف وهتلاقى نفسك بتحافظى على عربيتك من غير ماحد يقولك وربنا معاكى ان شاء الله

انا فكرت فى الاول فى كده فعلا
انى اجيب واحده مستعمل اتعلم عليها وبعدين اغيرها
بس حسيت انى هدخل فى مواويل تصليح وكل شوية عند الميكانيكى .. وطبعا انا هيتضحك عليا جامد لانى مش بفهم فى العربيات .... وكمان بعدين هتطلع عينى عشان اعرف ابيعها

فقولت خلينى فى واحده زيرو .. عالاقل هضمن انى العربية هتكون كويسة

بس انا عامة ناوية منزلش بيها كده من الاول على طول
هاخد فترة هنزل بس متاخر اتعلم والشوارع فاضية وحد يعلمنى ... وربنا يستر بقى
وميرسى على رد حضرتك

**merna** · 22-05-2010 03:30 AM

المشاركة الأصلية كتبت بواسطة aromr

دلوقتي البنوك عاملة عروض لقرض السيارة من غير حظر بيع والعربية تبقي باسمك
اللي بيفرق بنك عن التاني هو معدل الفايدة

انا مقسط مع بنك على 6.5% بدون حظر بيع ولا نسخة مفتاح والعربية باسمي ومترخصة 3 سنين

وده لانه عرض خاصة بشركتي
ممكن تشوفي شركتك او اي حد قريبك في شركة ممكن يلاقي عرض تمويل بنفس الشروط

مبروووك مقدما

واتمنى انك تبقي احسن من الانسات الي بيسوقوا ومورينا النجوم في عز الضهر

من الواضح انى الانسات اللى بيسوقوا عاملين مشكلة وازمة فى حياتك ... عامة كويس اهم هيزيدوا واحده ههههههه عشان المشاكل تزيد كمان وكمان

بس ممكن اعرف حضرتك واخد القرض تبع بنك ايه ؟؟؟؟

**merna** · 22-05-2010 03:39 AM

المشاركة الأصلية كتبت بواسطة alzwawy

بصي انا معاكي تتعلمي في عربيه جديده او قديمه عادي علشان انا اتعلمت فعلا في السيراتو و هي زيرو بس انا كان عندي فكره عن السواقه و كنت اتعلمت في مركز الاول و بعدين قعدت فتره مسوقتش ف نسيت و بعدين تعليم المراكز ده اي كلام و عمره ما فاد ب حاجه ف احسن حاجه انك تتعلمي علي عربيتك بس ابوس ايدك و النبي تسوقي الاول في اماكن فاضيه و النبي و النبي انا كنت هلبس كتير بسبب الستات علشان مش بيعرفو يسوقو و الله بيودوني في داهيه و بيكسرو من غير اشارات و حالتهم تهبانه يا رب تكوني غيرهم
احنا عندنا واحده معاها بيكانتو في الشارع كانت عاوزه تلف ب العرض جوه شارع 3 متر و الله كنت قاعد هعيط و بتركن العربيه في نص الشارع ب الاسبوع علشان مش بتعرف تركن و حالتها تعبانه و الله ببقي هتجنن منها و النبي اتعلمي في حته فاضيه الاول

ههههههههههههههههههههههههه ههههههههههههههههههههههههه ههههههههههههههههههههههههه ه
ههههههههههههههههههههههههه ههههههههههههههههههههههههه ههههههههههههههههههههههههه ه

بجد حاسه انى هلاقى الناس عندى فى الشارع هيدخلوا عالنت يشتكوا بعد كده
انا اصلا موضوع الركن ده .. حساه مستحيل انى اتعلمه
بس بجد عشان انا حسيت بالمعاناة من كلامك
ناوية فعلا اتعلم كويس قبل ماابتدى اخرج بيها فعلا لوحدى

بس بالنسبة للانسة اللى غندكم وبتركنها فى نص الشارع
الحل الوحيد انكوا يااما تعلموها وتكسبوا فيها ثواب ,... يااما كل يوم بقى تستناها وهى مروحة واعمل نفسك ابن البواب واركنلها العربية انت وخلاص

**merna** · 22-05-2010 03:43 AM

المشاركة الأصلية كتبت بواسطة sara2001

عادي اتعلمي على البيكانتو مريحه في السواقه
انا لسه بتعلم عليها وهي جديده
بس لازم تتعلمي الأول في مدرسه على عربيه مجهزه للتعليم وبعدين كملي على عربيتك
وموضوع التأمين ده مهم جدا
هيخليك مطمنه وتخبطي براحتك

و بإذن الله ما تخبطيش ولا حاجه

مانا هروح مدرسة سواقة فعلا

ومعلش لانى زى ماقولتلكم ابيض فى موضوع العربيات ده

هو انا لما هأمن عليها

امته شركة التامين بتدخل ؟؟؟امته بتدفعلى تصليحاتها ؟؟؟ لما تبقى فى بعد الشر مشكلة كبيرة فيها ؟؟ ولا اى حاجة تحصل للعربية شركة التامين هتبقى مسئولة ؟؟؟؟

**merna** · 22-05-2010 03:48 AM

معلش بس لو فيها تعب ..
ممكن اعرف ايه احسن شركة تأمين ؟؟؟ ولا دى هيختارهالى البنك ؟؟؟؟
وكمان ايه بالظبط الاستفادة اللى هاخدها من شركة التأمين ؟؟؟ انا اسمع انها ملهاش دعوة غير بعد الشر فى حالة الحوادث بس ... مش كده ؟؟؟؟

وكمان ممكن حد بليز يرد عليا بخصوص قطع الغيار ومعدل اسعارها ؟؟

معلش انا عارفه انى بسال كتير
وغالبا اسئلتى غبية
بس الجهل وحش بجد ههههه وخصوصا لما تبقى رايح تشترى عربية وباين انك مش فاهمة حاجة فى اى حاجة

فانا قولت اجى هنا اذاكر الاول
واروح بعدين اترسم عليهم واحسسهم انى لهلوبة وكده وفاهمة فى كل حاجة وعفريته