نقاش حول تركيب فرش للكراسى الجلد وحمايتها من الشمس

**Mshawky** · 21-05-2010 02:27 PM

السلام عليكم ورحمه الله وبركاته

انا جه فى بالى الموضوع ده وبالاخص كان فى عضو من فتره قايل برضه ان الكراسى عنده شققت من الشمس وكلام من ده فانا فكرت نقترح مع بعض فى موضوع حمايه الفرش الجلد بالاخص من الشمس مع العلم ان الصيف داخل ان لم يكن دخل بالفعل والشمس هتاكل اجدع عربيه واقفه فى الشارع

فانا عن نفسى مثلا رافض فكره الفرش للعربيه لانى مروحش ادفع فلوس فى عربيه هاى لاين وتكون فرش جلد كمان وفى الاخر اغطيه بفرش عادى او حتى فرش سبور مش منطق برضه متمتعش بفرش العربيه

وقولت برضه اجيب القاعده اللى بتتحط على الكراسى ديه حسيت انى هركب تاكسى او ميكروباص مش منظر عربيه ملاكى حديثه ابدا

انا مش عارف الصراحه نزبط الحوار ده ازاى مع العلم ان الكراسى عندى الحمد لله مافيهاش حاجه وبحط عاكس الشمس فى العربيه من جوا مبيدخلش شمس بس برضه نامن الجو شويه لان الصيف شكله راقد فى الدره وجاى بتقله

معلش طولت عليكم ومنتظر اقتراحات الرجاله كلها

**Ahmed Samy** · 21-05-2010 02:39 PM

يا أما تركب العوازل الشمسية على القزاز و تكعلك 2000 - 3000 بندق

يا إما تشتري غطا و تغطيها كل يوم بالليل أو بعد ماتنزل الشغل

يا إما تشتري مواد حماية الجلود و تستعملها بكثافة

لو يسيبونا نفيم !!

**John_Samy_1** · 21-05-2010 02:41 PM

متابع بإهتمام, أنا كمان خيف من عملية فك الكراسي . خيف يبوظ فيها حاجة خصوصا عندي فيه تعديل مستوى الارتفاع.

**hobaz** · 21-05-2010 02:44 PM

متابع معاك ياباشا....

**Ahmed Samy** · 21-05-2010 02:47 PM

المشاركة الأصلية كتبت بواسطة john_samy_1

متابع بإهتمام, أنا كمان خيف من عملية فك الكراسي . خيف يبوظ فيها حاجة خصوصا عندي فيه تعديل مستوى الارتفاع.

لا ماتقلقش من دي

انا فكيت الكراسي بتاعتي و رجعتها ووجدة الرفع دي وحدة باكم عادية خالص

بس برضه يجيلك نفس تغطي الجلد ولو بجلد تاني ؟؟؟

**yasserelsayad** · 21-05-2010 02:49 PM

المشاركة الأصلية كتبت بواسطة john_samy_1

متابع بإهتمام, أنا كمان خيف من عملية فك الكراسي . خيف يبوظ فيها حاجة خصوصا عندي فيه تعديل مستوى الارتفاع.

على فكرة موضوع فك الكرسى سهل جدا انا ابن عمى فك الكراسى عشان عمل فرش جلد فى ارضية العربية عشان عنده اطفال فيبهدلوا الدنيا ومفيش اى مشكلة حصلت .. السيراتو باردوا فيها تعديل مستوى الارتفاع

**NoRmAl** · 21-05-2010 03:21 PM

أنا فكيت الكراسى وركبتها تانى علشان عملت فرش فى الارض ومفيش أى مشاكل حصلت
أنا كمان دايما العربيه متغطيه طالما مش نازل بيها
يعنى الوقت الوحيد الى بتبقى معرضه فيه للشمس هو وأنا راكبها أو مستيانى أروح بيها تانى
الغطا أنا شايفه لا غنا غنه
مش بس بيخافظ على الفرش والتابلوه وخلافه
لكن كمان الطلاء
فى الشارع كله محدش بيغطى العربيه غيرى وكل ألوان العربيات التانيه أيحت كده وأنا عربيتى "بتكلم على القديمه" كان لونها والله زيرو

**John_Samy_1** · 21-05-2010 03:25 PM

المشاركة الأصلية كتبت بواسطة NoRmAl

أنا فكيت الكراسى وركبتها تانى علشان عملت فرش فى الارض ومفيش أى مشاكل حصلت
أنا كمان دايما العربيه متغطيه طالما مش نازل بيها
يعنى الوقت الوحيد الى بتبقى معرضه فيه للشمس هو وأنا راكبها أو مستيانى أروح بيها تانى
الغطا أنا شايفه لا غنا غنه
مش بس بيخافظ على الفرش والتابلوه وخلافه
لكن كمان الطلاء
فى الشارع كله محدش بيغطى العربيه غيرى وكل ألوان العربيات التانيه أيحت كده وأنا عربيتى "بتكلم على القديمه" كان لونها والله زيرو

فعلا عندك حق. حضرتك تعرف منين اجيب غطا محترم أنا جبت واحد وأتقالب فأنا ناوي اجيب واحد وربطه بقفل

**amr mokhtar** · 21-05-2010 03:34 PM

أعتقد افضل حاجة إستعمال مواد تنضيف خاصة بالجلد
زى armorall و فيه أنواع تانية نضيفة جدآ
المواد دى بتحافظ على الجلد من الجفاف و تمنع تشققه

-

الموضوع: نقاش حول تركيب فرش للكراسى الجلد وحمايتها من الشمس

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استمتع بضوء الشمس بدون حرارة واحمي نفسك وعائلتك من اشعة الشمس الضارة

الجلد بتاع الدركسيون إتاكل من الشمس

وداعا لتشقق الجلد والبهتان لا تخاف من الشمس بعد اليوم

هل يوجد فرش للكراسى بالأيرباج

بالصور فرش جلد للكراسى ؟

الكلمات الدلالية لهذا الموضوع

المفضلات

المفضلات

ضوابط المشاركة