مشكلة في التيبو عايز مساعدة

**ppc3581** · 21-05-2010 04:19 PM

بقالي 5 ايام مدورتش العربية . لقيت البطارية نايمة كلمت الميكانيكي وجابلي عربية تانية وواصل بطاريتها ببطارية عربيتي وشغل العربية . ذي الفل
والعربية دايرة لقيت ميه نزله من تحتها وريتها للميكانيكي قالي ديه من طبات الميه بتاعت العربية وعايزة تتغير لانها كدة دايبه وقالي ان سعرها مش غالي حوالي 5 جم وقالي ممكن نعملها عمولة بس اغلى شوية وحتكون محملة وام 5جم مش وحشة ممكن تقعد كام سنة وقالي متخرجش بالعربية الا بعد التظبيط علشان متسخنش منك وتجيب وش سلندر .
الكلام دة كلة تمام ولا ايه وانا مليش خبرة في الموضوع دة .... ياريت اي حد عندة خبرة يساعدني وشكرا

**heshamzaky** · 22-05-2010 03:12 AM

معلش انا مش فاهم يعنى اية صبات المية بتنزل مية منين بالظبط

**galilio_mad** · 22-05-2010 04:29 PM

وارد طبعا ان الميه تكون من الطبب بتاعة البلوك

بس هل هو متأكد انها الطبب و لا لسه حيشوف ؟؟

هى المية بتنزل منين بالظبط , يمين و لا شمال و لا من ورا الموتور ؟؟

و حاول ما تتحركش بالعربية ولا تدورها اصلا لان نقص المية فعلا ممكن يسبب مشكلة فى وش السلندر
وممكن الموتور يقفش لا قدر الله