الموضوع: هل سمعت عن منحة الإنتخابات؟

المشاركة الأصلية كتبت بواسطة dode2002

اضحك كركر اوعي تفكر ----- اوعي

هههههههههههه

على فكره اللي مستخسر على مصر الديموقراطيه عشان شوية ناس بيبيعوا صوتهم لا يقرأوا التاريخ لان مصر كان فيها فترة ديموقراطيه من أولائل العشرينات حتى نهاية الاربعينات يعني إحنا إطبق عندنا نظام شبه ديموقراطي برلماني منتخب و كانت تجربة ناجحه جدااا بقيادة الوفد و النحاس باشا ربنا يرحمه حتى اجهضتها الثورة !
و على فكره ناس كتير كانت بتقبض من مرشح الوطني و تصوت لمرشح الإخوان

و بعدين خدوا كوريا مثال أهو شعب واحد و عرق و احد و لغه واحده سنة 52 إتقسمت جنوبية و شماليه
الجنوبية بقت من أرقى الامم حضارة و تقدم و قوة إقتصادية لا يستهان بها بعد ما تركت الدكتاتورية و إتجهت للديموقراطية بلد ينعم فيها الفرد باعلى معدلات الدخل
كوريا الشمالية بلد متخلفه عايشه في العصور و الوسطى بلد الرجل الواحد و الإعلام الواحد و الجرنان الواحد بلد بيحصل فيها مجاعات لغاية دلوقتي عايشه على المساعادات و إبتزاز الدول المجاورة فاشله بكل تاكيد

انا لا اهرول لديموقراطية غربية علمانية و لكن ماينفعش حد يقول إننا في kg1 ديموقراطية على راي نظيف لازم نخلي الشعب يحكم على التجربة عملي قبل ما تحكموا عليها بالفشل بالكيبورد

المشاركة الأصلية كتبت بواسطة factorialx

على فكره اللي مستخسر على مصر الديموقراطيه عشان شوية ناس بيبيعوا صوتهم لا يقرأوا التاريخ لان مصر كان فيها فترة ديموقراطيه من أولائل العشرينات حتى نهاية الاربعينات يعني إحنا إطبق عندنا نظام شبه ديموقراطي برلماني منتخب و كانت تجربة ناجحه جدااا بقيادة الوفد و النحاس باشا ربنا يرحمه حتى اجهضتها الثورة !

تجربة ديموقراطية ناجحة تحت الاحتلال الإنجليزي؟!!!!!!..نجحت في إيه بالضبط..في إنهم يعملوا برلمان ويعقدوا فيه وكل شوية يشكلوا وزارة وبعدين يحلوها وبعدين يعملوا واحدة تانية...مش هي دي فترة مظاهرات الطلبة وكوبري عباس ومحمود فهمي النقراشي وإبراهيم عبد الهادي..هل ده التاريخ اللي حضرتك تقصده وللا تاريخ تاني

المشاركة الأصلية كتبت بواسطة factorialx

و على فكره ناس كتير كانت بتقبض من مرشح الوطني و تصوت لمرشح الإخوان

اللي بيعمل كده منقدرش نقول عليه ناصح وذكي..في الحقيقة اللي بيعمل كده عنده استعداد إنه يمد إيده ويبيع فعليا..لو هو صاحب موقف ميسمحش لنفسه يقف في طابور يمد إيده وياخد المية جنيه نصين قبل وبعد الصندوق..وهل أنتظر أنا من مثل صاحب هذا الموقف أن يحدد مصيري ومصير بلده

المشاركة الأصلية كتبت بواسطة factorialx

و بعدين خدوا كوريا مثال أهو شعب واحد و عرق و احد و لغه واحده سنة 52 إتقسمت جنوبية و شماليه
الجنوبية بقت من أرقى الامم حضارة و تقدم و قوة إقتصادية لا يستهان بها بعد ما تركت الدكتاتورية و إتجهت للديموقراطية بلد ينعم فيها الفرد باعلى معدلات الدخل
كوريا الشمالية بلد متخلفه عايشه في العصور و الوسطى بلد الرجل الواحد و الإعلام الواحد و الجرنان الواحد بلد بيحصل فيها مجاعات لغاية دلوقتي عايشه على المساعادات و إبتزاز الدول المجاورة فاشله بكل تاكيد

كوريا الجنوبية أقوى اقتصاديا أم الصين؟؟!!

المشاركة الأصلية كتبت بواسطة بحري

تجربة ديموقراطية ناجحة تحت الاحتلال الإنجليزي؟!!!!!!..نجحت في إيه بالضبط..في إنهم يعملوا برلمان ويعقدوا فيه وكل شوية يشكلوا وزارة وبعدين يحلوها وبعدين يعملوا واحدة تانية...مش هي دي فترة مظاهرات الطلبة وكوبري عباس ومحمود فهمي النقراشي وإبراهيم عبد الهادي..هل ده التاريخ اللي حضرتك تقصده وللا تاريخ تاني

التاريخ إن النحاس باشا وقف ضد الإنجليز وقفات مشرفه جدا لقد رفض تعيين الإنجليز وزيرا و كل اللي بتتكلم عليه دليل حراك مجتمعي واعي و ناس بتتظاهرة و و برلمانات بتتحل و تنتخب

و بعدين عشان مندخلش في مواضيع فرعيه الإحتلال الإنجليز كان أمرا واقعا مفروضا علينا ماينفعش تقولي إنها تجربة ديموقراطية تعبانه عشان كان في إحتلال طيب ما إحنا عاملين إيه من غير إحتلال أهو

الثورة قامت بوجود الإحتلال الإنجليزي بإشارة من الملك فاروق كانت شوارع القاهرة ستغرق في أنهار من الدماء لو طلب دعم الإنجليز هل هذا ينفي أو يثبت شرعية الثورة (بغض النظر عن شرعيتها الإجتماعية )

وفي 5 فبراير 1942 أرسل الزعيم مصطفي النحاس احتجاجا إلي السفير البريطاني في خطابه المشهور استنكر فيه تدخل الإنجليز في شئون مصر جاء فيه ( لقد كلفت بمهمة تأليف الوزاة وقبلت هذا التكليف الذي صدر من جلالة الملك ، بما له من الحقوق الدستورية وليكن مفهوما أن الأساس الذي قبلت عليه هذه المهمة هو أنه لا المعاهدة البريطانية المصرية ولا مركز مصر كدولة مستقلة ذات سيادة يسمحان للحليفة بالتدخل في شئون مصر الداخلية وبخاصة في تأليف الوزارات أو تغييرها ) .

اللي بيعمل كده منقدرش نقول عليه ناصح وذكي..في الحقيقة اللي بيعمل كده عنده استعداد إنه يمد إيده ويبيع فعليا..لو هو صاحب موقف ميسمحش لنفسه يقف في طابور يمد إيده وياخد المية جنيه نصين قبل وبعد الصندوق..وهل أنتظر أنا من مثل صاحب هذا الموقف أن يحدد مصيري ومصير بلده

خلونا نتفق إن ده سلوك فردي و مش كل المصريين كده حتى اللي عايشين في عاشوائيات

كوريا الجنوبية أقوى اقتصاديا أم الصين؟؟!!

مقارنة غير صحيحه
لان الصين مواردها لا تعد و لا تحصى من أول الفحم الحجري لغاية القوى البشرية الرهيبه و بعدين الصين لغاية السبعينات كانت تعيش في جهل و فوضى و تخلف و كان ماوسي تونج من اسباب ذلك و بعديها بدات الصين في اصلاحات حتى ظهرت كقوة إقتصادية و متنساش مظاهرات الطلبه الدامية في ساحة تيانمن للماطلبه بالديموقراطية

كوريا بقى عندها إيه بالنسبه للصين اليابان عندها إيه بالنسبه للصين
كوريا و اليابان حتى يفتقدوا الأراضي مناطقهم أغلبها وعرة و جبال

الديموقراطية خلت كوريا تحقق المعجزة الإقتصادية و هي بلد مواردها بالنسبه للصين و لا حاجه

لو علقت هطرد او الناس الى فى اخر شارعنا هيخدونى ومش هشوف البيت تاى
لا تعليق

أستاذ factorialx
أولا أنا عاوز أقولك إنني تربيت في بيت وفدي حتى النخاع وجدي رحمه الله كان عضوا في مجلس الأمة ثم مجلس الشعب عن حزب الوفد لفترة طويلة وأكثر صور تجدها في بيت جدي إلى اليوم صور الوفدين مثل سعد والنحاس ولا أبالغ إذا قلت أن جدي رحمه الله كان يقيم الدنيا ولا يقعدها إذا سمع من ينتقص من حزب الوفد أو قادته..وما زال أقاربي وأنسبائي إلى الآن أعضاء متعصبون في الحزب وأيام الانتخابات الرئاسية الأخيرة كنت حطق من جنابي من قرايبي اللي ماشيين في الحملة الانتخابية بتاعة نعمان جمعة وبيشاركوا في المسرحية الهزلية دي
أحببت أن أذكر ذلك لا تفاخرا بطبيعة الحال -فأنا مقتنع بفشل المشروع الوفدي القديم والجديد- وإنما فقط لأخبرك بأنني قرأت و سمعت عن الوفد ومن الوفديين أكثر مما تتخيل

المشاركة الأصلية كتبت بواسطة factorialx

التاريخ إن النحاس باشا وقف ضد الإنجليز وقفات مشرفه جدا لقد رفض تعيين الإنجليز وزيرا و كل اللي بتتكلم عليه دليل حراك مجتمعي واعي و ناس بتتظاهرة و و برلمانات بتتحل و تنتخب

أولا..ما زلت متعجبا من طريقة قرائتك للتاريخ...بافتراض أن النحاس كان شخصية استثنائية فهذا يؤكد كلامي السابق أن الموضوع قيادات وطنية صادقة وليست إفرازات صناديق يمكن التلاعب بها..ولا أدل على ذلك من أقران النحاس ورفقاء المرحلة
ثانيا..النحاس اعتمد أسلوب سعد في المفاوضات كحل وحيد وفي النهاية وصل إلى نفس النتيجة "من أجلكم وافقت على معاهدة 36 ومن أجلكم اليوم أعلن إلغاءها" وتمت إقالته شخصيا ولم يعد إلى الوزارة والمحصلة صفر...البلاد المحتلة والحقوق لا ترجع لأصحابها بالتفاوض مع المحتل الغاصب أو بالبيانات والاستنكارات ..وغير ذلك مجرد تضييع وقت وتغرير بالشعوب ليس إلا ...كما يفعل الآن أبو مازن في سيره على خطا عرفات
ثالثا من قام بالمظاهرات هم الشعب المحتقن والمكروب من حال البلد وتم التعامل معهم بدموية بالغة تحت رعاية الملك والإنجليز فلا أدري أين هي الديموقراطية..لو عدت للقول بأن الديموقراطية (هي النحاس وتجربته) فكم تساوي هذه التجربة في عمر البلد وأحوالها

المشاركة الأصلية كتبت بواسطة factorialx

و بعدين عشان مندخلش في مواضيع فرعيه الإحتلال الإنجليز كان أمرا واقعا مفروضا علينا ماينفعش تقولي إنها تجربة ديموقراطية تعبانه عشان كان في إحتلال طيب ما إحنا عاملين إيه من غير إحتلال أهو

من قال أن الاحتلال الإنجليزي موضوع فرعي..هل يمكن لأحد أن يقييم التجربة السياسية والديموقراطية بمعزل عن هذا المعطى المهم والبالغ الأثر...وبالنسبة لوضعنا النهاردة فهو زي الزفت والطين والقطران مفيش كلام..بس مش معنى ده إن وضعنا أثناء الاحتلال كان الهنا والمنى والدنيا والأحلام...يعني هو إحنا مفروض علينا إما الإنجليز والملك والوفد والسعديين زمان أو الحزب الوطني ووارثي ثورة يوليو دلوقتي..مفيش حلول تانية؟؟!!!

المشاركة الأصلية كتبت بواسطة factorialx

الثورة قامت بوجود الإحتلال الإنجليزي بإشارة من الملك فاروق كانت شوارع القاهرة ستغرق في أنهار من الدماء لو طلب دعم الإنجليز هل هذا ينفي أو يثبت شرعية الثورة (بغض النظر عن شرعيتها الإجتماعية )

وده يؤكد كلامي السابق أيضا...الحلول الناجحة للواقع الاستثنائي دائما حلول استثنائية..الحلول النظرية المثالية المكتوبة بعناية في الكتب لا نفع لها في الواقع...الملك خرج تحت ضغط الثورة..والإنجليز حسبوها صح..خرجوا وسابوا الثورة تعمل في البلد اللي مكانوش يحلموا بيه..وأدينا النهاردة عايشين في الخراب اللي عملته الثورة ولو كان الإنجليز قعدوا ممكن مكانوش عملوا عشر اللي عملته الثورة وخلفاؤها

المشاركة الأصلية كتبت بواسطة factorialx

مقارنة غير صحيحه
لان الصين مواردها لا تعد و لا تحصى من أول الفحم الحجري لغاية القوى البشرية الرهيبه و بعدين الصين لغاية السبعينات كانت تعيش في جهل و فوضى و تخلف و كان ماوسي تونج من اسباب ذلك و بعديها بدات الصين في اصلاحات حتى ظهرت كقوة إقتصادية و متنساش مظاهرات الطلبه الدامية في ساحة تيانمن للماطلبه بالديموقراطية

كوريا بقى عندها إيه بالنسبه للصين اليابان عندها إيه بالنسبه للصين
كوريا و اليابان حتى يفتقدوا الأراضي مناطقهم أغلبها وعرة و جبال

الديموقراطية خلت كوريا تحقق المعجزة الإقتصادية و هي بلد مواردها بالنسبه للصين و لا حاجه

معذرة يا صديقي..معلومات حضرتك عن كوريا إنه نمر اقتصادي..ورأيك إن سبب ده مع قلة الموارد هي إنها طبقت الديموقراطية
....طب وإسرائيل...إيه مواردها..خدت بالك من المثال...
أوضح كمان
كوريا الجنوبية صنيعة أمريكية منذ البداية الأولى للانفصال..وبرغم هذا حدث فيها التزوير والانقلاب العسكري الشهير...وحتى الآن كوريا الجنوبية هي التابع والخادم المطيع لأمريكا سواء في السياسات الاقتصادية أو الاجتماعية أو المواقف الدولية
ولماذا كوريا صنيعة لأمريكا؟!...الإجابة ..حتى تكون مخلب قط في جنوب شرق آسيا في مواجهة كوريا الشمالية صنيعة روسيا والصين حليفة روسيا وحتى تكون خادمة للمصالح الأمريكية في المنطقة..تماما كما هو الحال مع إسرائيل
كوريا منذ نشأتها قائمة تماما على الدعم المالي المباشر والعسكري والدولي الأمريكي..وهذا الدعم سنويا بالمليارات...تماما كما هو الحال مع الدولة اللقيطة التي في ظرف سنوات أصبحت من أهم مراكز التكنولوجيا وصناعة البرمجيات في العالم برغم كونها في وسط كاره ورافض تماما وشبه انعدام كامل للموارد

المشاركة الأصلية كتبت بواسطة elassar2010

لو علقت هطرد او الناس الى فى اخر شارعنا هيخدونى ومش هشوف البيت تاى
لا تعليق

ههههههه..هو إنت ساكن قريب من الميدان في دمنهور

المشاركة الأصلية كتبت بواسطة بحري

ههههههه..هو إنت ساكن قريب من الميدان في دمنهور

انا ساكن عندهم ابص من البلكونة القيهم فى وشى
يعنى لو عايزنى هينادوا عليا وانا انزلهم