الموضوع: اللي عنده نيو أكسنت يتفضل يقول رأيه فيها

المشاركة الأصلية كتبت بواسطة sefano

السلام عليكم
بص ياريس ,, انا بطلت اروح للصيانة من بعد صيانة 30 الف حسيت انى بدفع فلوس فى الهوا واللى شجعنى انى اعمل كده ابن عمى معاه فيرنا فيفا ومابيروحش الصيانة من اصله ,, وكل اللى غيرته فى العربية الزيت والفرامل ولسه مغير الكاوتش على 74 الف لانى دلوقتى وصلت ل 77 الف .
والمشكلة اللى كانت حصلت معايا ودى ظهرت معايا بدرى كانت السنتر والكلاكس اتحرق من الغسيل وظبطت السنتر وغيرت الكلاكس وطبعا كل ده بره التوكيل
والمشكلة اللى ظهرت معايا دلوقتى هى ان دراع النور علق بقى بيدى عالى على طول وان شاء الله ناوى اغيره فى التوكيل واخر مره كنت بظبط زوايا الراجل قالى ان المقص اليمن فيه نص سنتيمتر وده نتيجة السواقه والطرق المكسره وكمان لانى بعامل العربية معامله سيئة الصراحه ههههههههه والله لدرجة انى قولت لو معايا عربية صينى كانت ممكن تتفكك منى وانا ماشى

يارب اكون افادتك وماطولتش عليك

يعنى مغيرتش تيل فرامل و لا سيور و لا اى حاجة ؟؟؟؟؟؟؟؟؟؟

المشاركة الأصلية كتبت بواسطة ezzatfox

يعنى مغيرتش تيل فرامل و لا سيور و لا اى حاجة ؟؟؟؟؟؟؟؟؟؟

أنا فى النيو أكسنت بتاعتى غيرت السيور و البوجيهات على 77ألف و على كلام الميكانيكى بتاعى "خبير فى الكورى" أن السيور ممكن تقعد ل90ألف بس للأمان بنسبة 200% غيرتها على 77ألف.