عربيتى ماروتى 2007 ، وبغير زيت وفلتر بأنتظام ، وبحط بنزين 92
العربية كانت زى الفل وصوتها ناعم جداً وأنا محافظ عليها والحمد لله
مرة واحدة لقيت صوت الموتور بقى عالى جداً مش عارف ليه ؟
تفتكروا أيه السبب ؟
عرض للطباعة
عربيتى ماروتى 2007 ، وبغير زيت وفلتر بأنتظام ، وبحط بنزين 92
العربية كانت زى الفل وصوتها ناعم جداً وأنا محافظ عليها والحمد لله
مرة واحدة لقيت صوت الموتور بقى عالى جداً مش عارف ليه ؟
تفتكروا أيه السبب ؟
متابع معاك ياباشا........
آخر مره غيرتلها زيت كانت امتى؟
هل غيرت نوعية الزيت او المحطه اللي بتتعامل معاها؟
ممكن تكون غيرته في محطة مش كويسة والزيت عندهم مضروب
العربية عايزة ظبط كهرباء روح للميكانيكي يظبط لك الكهرباء
ازيك يا استاذ خالد .. اخبار حضرتك ايه ؟؟
اتمنى يكون كله تمام
بالنسبه للعربيه فهى احتمالات
الأول مستبعد بتاع الزيت .. عشان حضرتك مهتم و بتكشف دايما بس ممكن يكون مغشوش برده محدش بقى ضامن حاجه
التانى ان الكهربا عاليه ,, وديها لميكانيكى شاطر مش هتاخد ف ايده دقيقتين و هيكون وطالك الكهربا
التالت : ممكن تكون ناسى الشفاط ؟؟ :)
ابقى طمنا بقى :)
اوصف لنا علو الصوت عامل ازاى يعنى مثلا تكتكة وللا تخبيط وللا الموتور بيزعق وللا صوت زى صوت بيز الكاسيت من الشكمان وللا نفس الصوت العادى لكن بفوليوم اعلى ، يعنى حال تدينا وصف لصوت الموتور علشان نقدر نوجهك صح
ياريت يا استاذ خالد تردلنا على سؤال الباشمهندس سبعاوى عشان يفيدنا بتوسع فى الموضوع ده جزاه الله خير
والله يكرمك يا ابو جى جى انا والله فتره امتحانات ومزاكره و بهدله .. فتره و هانتظم تانى هنا ان شاء الله