الموضوع: إيه الجيل اللي مش بيفرق بين حرفي الـ "ز" و الـ "ذ" ده!!!!

المشاركة الأصلية كتبت بواسطة abo_hosni

اذيك؟

انت عايذ حاجة؟

أزكر ربنا

ذكريا

موضوع استفذني جداَ

معرض ذياد

عربيتي ذي عربيتك بالظبط
=====================
=====================

دي عينة من الكلام اللي بتنرفز لما أشوف حد كاتبه

ياريته في المنتديات و بس، لأ ده وصل الإعلانات في الصحف و في الشوارع و أحياناً بعض المقالات.

و بناء عليه أعتقد بوجود جيل كامل لا يعرف الفرق بين ز و ذ
و بالذات كثرة استخدام حرف ذ في أماكن المفروض يكون فيها حرف ز. يعني "ذكريا" ده استبدل ال "ذ" بحرف ال "ز" (بالمناسبة عند الحديث عن الاستبدال فإن حرف الباء يسبق الشئ المتروك و دي قصة تانية و 99.9% الناس بتعكس بينهم)

طيب ليه تكتب كده مع أن ال ذ أبعد في الكيبورد و أصعب. :n_no[1]:

أنا عارف أن نطق الحرفين واحد في العامية لكن أنا باكون متضايق لما أقرأهم بالشكل الجديد ده

حد تاني متضايق؟

يا سيدى الفاضل - شوف الاول مذيعين التليفزيون والاذاعه اللى ما بيفرقوش بين الام الشمسيه والقمريه

بصراحه - شويه عيال ما عرفش ابهاتهم ولا محاسيبهم مين - لموهم وطلقوهم فى الفضائيات ومحطات ال اف اف - رقاعه واستظراف وتقل دم ما لوش حل - وزعلان على النطق- ربنا يستر وما نتكلمش صينى قريب