فى المرسيدس و البى ام مانع انعكاس ضوء
بس برقم
عرض للطباعة
فى المرسيدس و البى ام مانع انعكاس ضوء
بس برقم
سلام عليكم
تمام جدا ردكم مفيد اقدر اقول منه ان النتيجه بتقول :
ان الأوبل عزله عالي
واني المفروض اراجع على الكارتيرات وتقفيل الصالون وكاوتش الباب وده اللى هعمله واقولكم النتيجه ان شاء الله
بالنسبه للكاوتش بتاع العربيه هو يفرق ازاي هيا العربيه راكب فيها جنط 16 سبور
بالنسبه للضوء انا هشوف ازاى يكون فيه حاجه تتحط على الازاز الامامي يمكن يكون فيه
وحبيت اخد رايكم فى كام حاجه كدا انا لفيت فى المنتدي ولقيت ماشاء الله ناس عامله تعديلات جميله ومفيده عجبني منها الحاجات دي وحبيت اشاركم الرأي فيها
اضافة تحكم فى الصوت للديكسيون " دي مفيده جدا هل لها اي مشاكل وبتتعمل فين طبعا فى القاهرة "
تغير شكل العدادت انا لقيت عند جو اكسسيسوري حاجات حلوه وفيه اشكال عدادت للأوبل عنده
تغير الكشافات الأماميه "دي صورتها
تركيب بوجيهات راديوم وتغير السلك بتاعها للسك السبور اللى لونه احمر ده
في حاجات تانيه انا شوفتها بس مش عارف هيا تنفع للعربيه اصلا وهل هي مفيده ولا لا
السوبر تشارجر ده قريت عنه عندكم بيقول انه بيرفع اداء المكنه بس اقل من التربو فى الأداء والتكلفة
ده ايه نظام ياريت لو حد يعرف عنه اكتر يفيدني فيه
وايه رايكم فى تغير المساعدين العربيه بتخبط جامد فى المطبات وكدا هل تغير المساعدين وتركيب مساعدين سبور هيظبط
انا قريت موضوع بيتكلم هنل عنهم بس المشكله فى النقاش ان كل الناس فاهمه ايه ده وانا معرفش عن المساعدين غير انهم السوست اللى تحت دول بس ياريت لو حد يعرف حل كويس يظبط ثبات العربيه على السريع ويخفف من المطبات يقولي نوعه ومكان بيعه
بالنسبه لتغير كرسي السواق انا كلمت واحد قبل كدا شتمني وقالي ده الاوبل الكرسي بتاعها جميل وغالي ومش عارف ايه
ما علينا هو الكرسي السبور ده بيفرق ايه عن الكرسي بتاع الأوبل غير الشكل
وهل فيه انظمه للABS اقوي من بعض ولا كلهم زي بعض الراجل بتاع قطع الغيار بيقول
ان في جهاز ABS ب500 جنيه وواحد ب1500 جنيه واللى راكب عندي ابو 500
شاكرين لكم حسن تعاونكم معنا ^_^
سلام عليكم
الكاوتش لو ناشف هيمل صوت , النقشة بتأثر فى الصوت , لو الكاوتش اللى راكب على نفس المحور نقشات مختلفة هيعمل صوت
الاول شوف الصوت دة من العجل ولا صوت موتور
المالتى فانكشن بتغير الطارة والكاسيت بس مش عارف فية توصيلات تانية بتعملها ولا العربية مجهزة ولا اية
سيبك من حوار السوبر تشارجر هتفتح على نفسك فتحة وقليل اللى بيعرف يظبطة وهيبهدل الموتور
ترزيع العفشة ممكن يكون من الجنط ال 16
اللى اعرفة فى نوعين من ال abs قصة اقوى ولا مش اقوى بقى معرفش
الحاجة مادام شغالة كويس بلاش لعب فيها وسيبك من كلام التجار عايزين يبيعوا
فيه تعديلات منطقية و اخرى هنا فى مصر تبهدل عربية زى التربو و السوبر تشارجر و ده لو رحت لواحد هيقلك قبل الأكل و لا بعد الأكل فاكره سوبر برو الفيتامين
التارة محتاجة تجهيزات فى الكاسيت و الضفيره
الفوانيس دى بقى مزاجات و الشكل لو مريح ليك اعمله دى مفيهاش ضرر
أنا بصراحه عجبنى اسم الموضوع .. الصوت و الضوء فى الأوبل :thumbsup:
حاسس ان انا فى الهرم
سلام عليكم
انا لقيت حل بالنسبه للضوء بتاع العربيات الزجاج الامامي عربيه تريلاه وقعت عليا طوبه صغيره عملت شرخ والشرخ كبر المهم غيرته
لما رحت اسئل عن الزجاج قالي فيه ازاز اسمه الجوكر تمنه 295 ده فيه طبقه علشان اللى جاي ادامك ميضرش عنيك وكدا
ركبته وهو فعلا كويس وقلل جامد شده الضوء اللى كان بيجي في وشي اانا حاليا مركب زنون فى الاربع عيون بتاعت الكشافات
وشغال فى استرداد حقي من الناس اللى كانت بتضرب النور فى عنيا
بمناسبه تعديله العربيه انا ركبت بوجيهات اربعه شمعه لقيتها حلوه اوي وفرقت فعلا فى سحب العربية مش عارف اركب السلوك
كمان ولا مش هتفرق وهل البوجيهات البلاتنيوم دي هتكون حرقها اكبر من البوش الاربعه شمعه ولا لا
وفي كمان حاجه شوفتها اسمها هيدر ده بيتحط عند نهايه المنفو بيعمل حاجه كدا زي احتراق كامل للوقود وبيزيد السحب
دي صورته
http://sphotos.ak.fbcdn.net/photos-a...393378_145.jpg
والمساعدين بتوع العربيه الميكانيكي قالي بيرشحو زيت وكدا هغيرهم
لقيت حاجات كتير بس فيه مساعدين غاز عجبوني وسوست كوني
هل دول لهم مشاكل مع الاوبل او مشاكل عموما انا مش هحبط العربيه زي ما هيا بس الثبات والتسارع اللى عايزه
سلام عليكم
موضوع البوجيهات ال 4 شمعه دا الصراحه مقدرش افيدك فيه بس انت بجد حسيت بفرق و الا تهيئات لان اي تعديل بتعمله في العربيه بيحسسك انها بقت تمام يعني انت لو مركب جنط 14 و كبرت ل 16 هتحس انك راكب بروش و انها لايمكن تتقلب فاهم قصدي
علي العموم من الواضح ان عربيتك 1600 علشان الفرامل اللي انت عايز تغيرها دي بتاعت ال 2000 سي سي علشان تقدر تحكم متور قوي زي دا لازم فرامل قويه و دا بيفيد الناس اللي بتجري زي انا كدا علشان كدا انا مغير الفرامل ورا عندي من قباقيب ل طنابير و انا كنت عامل موضوع عن تعديل الفرامل و الحوار كله بيتكلف تقريبا 500 جنيه بالمصنعيه
السوبر اتشارجر و التربو و الهيدرز و الكلام دا نصيحه فكك منه انما انت لو عايز عربيه اقوي يا اما تبيع العربيه و تجيب واحده اقوي من ناحيه الهورس باور يا اما تسقط متور 2000 انما الاشتغالات بتاعت السوبر و الكلام دا فكك منه العربيه هتتبهدل و مش هتطلع بالنتيجه المطلوبه و هتقرف منها في الاخر لان مفيش حد هنا ممكن يديك النتيجه اللي في دماغك
قولي بقي لقيت المساعدين و السوست الكوني بكام ؟ علشان انا عايز اغير علشان انا بردو مركب جنط 16 :049:
الفابريكه لا تعلى عليها و اى لعب فى العربيه بتنزل قيمتها و محدش عارف بكره ايه .. خللى عربيتك تحتفظ بمواصفتها احسن و لو عايز اعلى هات ال 2000 سى سى