الموضوع: تقييم خط انترنت من اتصالات

المشاركة الأصلية كتبت بواسطة أبو حمزة

تقييم رائع
بخصوص التساؤل اللي في الجزء المقتبس، وجود أسماء في الفونبوك بيتيح لك إرسال sms للي موجودين فيها عن طريق الكومبيوتر مع ملاحظة إنها رسائل ليست مجانية

أيوة أنا فاهم كده بس كنت بستعجب ايه الفايدة من وجوده ؟
طبعا احنا بننقل نقل مسطرة من الشركات الغربية من غير أي تطوير مناسب لسوقنا أو ظروفنا و اسأل مجرب أقولك شعر في النقطة دي

المشاركة الأصلية كتبت بواسطة m7nsh

موضوع منظم و متعوب فيه الصراحه .. الف مبروك عليك
بس عندى سؤال .. دلوقتى حضرتك بتدفع 150 شهريا , السرعه كام بقى فى افضل حالاتها لو التغطيه عندك تمام و زى الفل ( فى القاهره مثلا زى ماحضرتك قلت ؟؟ )
كمان انت متحدد بكام جيجا فى الشهر ولا ده انلمتد ؟؟
و شكرا مقدما

هوه متحدد ب 6 جيجا في الشهر بعد كده بتقل السرعة ل 64كيلو بايت و حتى لما السرعة بتنزل الحياة جميلة برضه و أحسن من خطوط التلفون الأرضي

المشاركة الأصلية كتبت بواسطة sherif anton

موضوع منظم ورائع بس فيه سؤال هام

هل تستطيع من خلال ال usb modem اتصالات انك تدخل على برنامج skype وتعمل شات بالصوت و الصوره ؟؟؟

أعتقد الأجابة لا :n_no[1]: ... وهذه تعتبر مشكلة لكل من يريد ان يكون على اتصال بأقاربه و أصدقائه بالخارج :b4_564:

عندك حق , أنا جربته من على الموبايل كنت مركب خط النت فيه و كلمت ابن عمي في اسماعيلية و الصوت كان واضح و كمعقول جدا ....بس أنا مجربتش من الكمبيوتر و لا جربت الفيديو
هجرب و أقولك .....

المشاركة الأصلية كتبت بواسطة egyzizo

طيب حضرتك وانت بتشترى كانت الاختيارات كانت ايه بالنسبة لباقات اتصالات وأسعارها وكونها مفتوحة أو محددة؟؟

باقات اتصالات :

أولا الفاتورة :
اشتراك شهري 20 جنيه و تاخد 100 ميجا و كل ميجا بعد كده ب 0.2 جنيه
اشتراك شهري 99 جنيه و تاخد 1.5 جيجا و كل ميجا بعد كده ب 0.2
اشتراك 49 جنيه و تاخد 500 ميجا و 50 رسالة و بعد كده الميجا ب 0.25 جنيه و فيه مواقع مجانية بلا حدود
التلاتة دول تاخد السرعة كاملة لحد ما توصل 1 جيجا بعد كده السرعة هتقل ل 64 كيلو

اباقات غير المحدودة :
اشتراك 149 جنيه
اشتراك 299
بعد 6 جيجا في الشهر السرعة هتقل ل 64 كيلو


باقات الكرت المدفوع مسبقا :
الباقة اليومية ب 3 جنيه يوميا و تاخد 20 ميجا و بعد كده 0.3 جنيه لكل ميجا

المشاركة الأصلية كتبت بواسطة أحمد كمال

احب اضيف ليه الاستهلاك مش بيتجمع

الاستهلاك ده بيتجمع بالبرنامج يعني مش بيجيب الاستهلاك من الشركة

و نتيجة لذلك لو كذا جهاز كل جهاز بيبقى بعداده

و موضوع ممتاز :)

تحياتي :)

لو الشركة عملت لكل مستخدم مساحة على السيرفر و طورت البرنامج و ربطت البرنامج بمساحة المسخدم هنقدر نستفيد من خدمات كتير جدا و هيكون دعاية قوية جدا للشركة و كمان دي حاجة سهلة جدا ممكن أي مبرمج متوسط المستوى يعملها ...
و كمان هتقدر حضرتك تعرف استخدامك على أي جهاز في أي وقت بشكل اجمالي و كمان هتقدر تخزن بياناتك على السيرفر و تضمن عدم ضياعها

طبعا سيادتك عارف ان الكلام ده مش مكلف خالص للشركة لأن عندها سيرفرات و مساحات تخزينية ضخمة جدا غير مستغلة همه هيصرفوا حاجات بسيطة على مجموعة مبرمجين عشان يظبطوا البرنامج و يزودوا خدماته و هتلاقي عندك حاجة محترمة زي Nokia OVI

المشاركة الأصلية كتبت بواسطة أحمد كمال

طيب ما تبعت رسالة مجانية ل 555 من البرنامج بتاع الخط و ادعي لي

؟؟

المشاركة الأصلية كتبت بواسطة أحمد كمال

طيب ما تبعت رسالة مجانية ل 555 من البرنامج بتاع الخط و ادعي لي

هوه ده الكلام
تمام كده يا باشا
بس ليه محدش من الشركة و لا موقعها حتى بيقول على الحاجات دي

المشاركة الأصلية كتبت بواسطة أحمد كمال

انا من الشركة ..... يبقى ازاي محدش بيقول؟؟؟؟ :ob_mak1[1]:

قصدي الأمور مش واضحه غير لما الواحد يسأل
مش زي لما الواحد يشتري خط بيلاقي معاه كتالوج كده عربي \ انجليزي فيه كل الأرقام المهمة و بيانات الأسعار و حاجات كده

طيب كان فيه من فترة أبديت للبرنامج على موقع الشركة بس دلوقتي مش لاقيه
ايه لازمته و بيعمل ايه ؟

أنا نزلته من فترة و ملقيتشي فرق لو عندك فكرة عنه ياريت تقولنا ايه حكاية الأبديت ده


شكرا