تقييم خط انترنت من اتصالات
أعضاء المنتدى الكرام اسمحولي أشارككم تجربتي مع خط اتصالات ....
البداية : مع وجود خط دي اس ال من تي داتا في القاهرة و خط تاني من شركة لينك في المنيا الاتنين بسرعة 256 كيلو , و كنت سعيد جدا بخط القاهرة و سرعته ممتازة و مفيش تقطيع و لا حاجة بس المنيا بقى يا ريس بطيء جدا بس مقطعش أبدا مني و لا السيرفر وقع بس مشكلته الأساسية بطيء بشكل غريب جدا كمان انسى تكلم الشركة و حد يبل ريقك ( مع انها شركة ابن عمتي ) بس الدعم الفني مع انهم فاهمين كويس بس على ماتوصلهم تكره كل حاجة ليها علاقة بالكمبيوتر و تتمنى البشرية ترجع تاني لعصر العداد الصيني ............
طبعا الحمدلله مجربتش الدعم الفني في القاهرة خالص على مدع سنتين و نص ...... و معنديش أي فكرة عن مدى تجاوبهم مع العملاء بس من تجربة المنيا قدرت آخد فكرة هيعملوا فيا ايه .....
المهم يا شباب لقيت نفسي بدفع 190 جنيه شهريا لخطين انترنت بسرعات بطيئة بالنسبة للمبلغ المدفوع ... كمان في المصنع النت بتقطع و بطيئة عشان خطوط هوائية ....
قلت يا واد جمد قلبك و خش على التكنولوجيا المتقدمة و الجيل أبو أربعة إلا ربع و هات خط نت يو اس بي
بعد مقارنة سريعة جدا لفيت فيها على فودافون و موبينيل و اتصالات اخترت اتصالات ........
.السعر 99 جنيه للمودم و الشريحة ببلاش
الإشتراك الشهري 149 جنيه
دي صورة الكارت اللي بيكون الخط راكب فيها ( زي بتاعة الخطوط العادية )
http://dc255.4shared.com/img/2951770...0100510797.jpg
http://dc255.4shared.com/img/2951770...0100510796.jpg
المودم بتيجي في علبة شيك و جميلة و مليانة كتاولوجات ( 4 ) انجليزي مش عربي ( مع ان الشركة اسمها اتصالات مصر و شغالة في بلد عربي ..... )
http://dc261.4shared.com/img/2951545...0100510791.jpg
المودم نفسها من كذا زاوية :
http://dc261.4shared.com/img/2951555...0100510792.jpg
http://dc255.4shared.com/img/2951767...0100510793.jpg
http://dc255.4shared.com/img/2951770...0100510794.jpg
الجميل بقى إن فيها مكان عشان تركب فيه كرت ميموري مايكرو يعني معاك مودم و فلاشة في وقت واحد و ركبت فيها كارت 4 جيجا بس مش عارف هيه آخرها كام ممكن لما ال 8 أو ال 16 يرخصوا شوية أبدل بواحد فيهم
http://dc255.4shared.com/img/2951770...0100510795.jpg
أول ما تشتري الخط و المودم على ما تروح تلاقيه اشتغل ( البياع هيقولك بياخد وقت على ما الخط يشتغل حوالي 4 ساعات مش فاكر قوي بس حاجة كده ) ...
مجرد ما تركب المودم في جهاز الكمبيوتر هتلاقي لمبتين بينوروا على حسب التغطية في المنطقة اللي سيادتك موجود فيها ( في مدينة نصر و مطاي في المنيا أزرق عشان ال 3 جي , و في المنيا المصنع أصفر عشان الجيل التاني بتاع ال EDGE )
كمان أول مرة هتركب المودم هيطلب منك تحميل البرنامج بتاعه و بعد ما يخلص هيشتغل بالشكل ده :
و هيه الشاشة الرئيسية للبرنامج اللي كل مرة تركب المودم هتطلعلك
http://dc201.4shared.com/img/2952372...program001.png
لو بصيت كويس في الركن الشمال تحت هتلاقي نوع و قوة الباند اللي شغالة و لاقطها المودم , و جنبها سرعة ال upload & download
في نص الشاشة موجود زرار ال connect & disconnect
فوق بقى هتلاقي القوائم و الشاشات اللي هتحتاج تتنقل بينها
شاشة Statistics
فيها البيانات كلها الخاصة بالاتصال بالانترنت من زمن الاتصال ( لآخر مرة طبعا ) , و سرعات و كميات التحميل في الاتجاهين , و متوسط التحميل اليومي و الشهري و السنوي ....
بس خلي بالك من حاجة مهمة دي البيانات بتاعة الجهاز ده بس , يعني لو عندك جهاز في البيت و جهاز في الشغل البرنامج بيخزن على كل جهاز لوحده مش بيجمع الاتنين على بعض و ده كان المفروض الشركة تعمله مش محتاجة اختراع يعني عشان اعرف استهلاكي الكلي بس مش هتفرق لو انت مش مركز قوي ... و ممكن سيادتك لو عايز تجمع بنفسك ...
http://dc245.4shared.com/img/2952372...program002.png
شاشة ....
شاشة ارسال و استقبال الرسائل , ممكن تبعت رسائل و تستقبل رسائل من البرنامج بس هتكون بالرقم بتاع المودم مش برقم موبايلك , بس ما ينفعش تعمل تلفونات بالصوت من الخط ده ... برضه مش فاهم ليه كده كان ممكن يسيبوه مفتوح داتا و تلفون بس أهه نعمل ايه بقى ....
http://dc261.4shared.com/img/2952372...program003.png
شاشة ال Phonebook
طبعا دليل التلفونات لو انت مخزن أرقام على الكارت أو عايز تخزن على البرنامج براحتك .... بس برضه ليه اذا كان مقدرش أكلم حد ؟
http://dc246.4shared.com/img/2952372...program004.png
دول كده الشاشات بتاعة البرنامج ................... بسيطة و سهلة في التعامل معاها
تعالى نشوف قوائم البرنامج ايه و فيها ايه :
قائمة File
مفيهاش حاجة غير غلق البرنامج
http://dc252.4shared.com/img/2952383...program005.png
قائمة Operation
http://dc265.4shared.com/img/2952383...program006.png
جواها شوية لينكات للصفحات اللي فوق :
connection
بتوديك للصفحة الرئيسية بتاعة البرنامج
statistics
للصفحة بتاعة البيانات بتاعة التحميل و متوسط الاستخدام
.... messages
توديك صفحة الرسائل
phonebook
توديك صفحة دليل التلفونات
بعد كده قائمة Tools
و دي بقى فيها :
Pin operation
عشان تدخل البين بتاع الخط و تغيره تعدله مش عارف ليه بس ممكن حد يكون عارف
http://dc266.4shared.com/img/2952383...program007.png
Choose device
دي عشان تختار الجهاز ... يمكن عشان انت ممكن تكون مركب الخط في المودم أو موبيلك و موصله بالكابل أو يكون عندك مودم تاني و مركب عليه نفس الخط .... جرب و قولنا
http://dc234.4shared.com/img/2952386...program009.png
Diagnostics
بيانات عن البرنامج و المودم نفسها
http://dc249.4shared.com/img/2952388...program010.png
Options
دي بقى مليانة ... عيش و ظبط يا باشا
أول حاجة عشان تختار لو عايز البرنامج يشتغل أول ما تشغل الجهاز و كمان لو انت عايزه أول ما يفتح ينزل تحت
http://dc249.4shared.com/img/2952392...program011.png
بعدها .... message
اختيارات للرسائل و مكان تخزينها على الجهاز و رنة الرسائل لما حد يبعتلك رسالة
http://dc236.4shared.com/img/2952392...program012.png
Profile managment
لو كان فيه حد غيرك بيستخدم الجهاز و طبعا خط النت هتعمل لكل واحد مستخدم خاص بيه
http://dc260.4shared.com/img/2952394...program013.png
Network
مش عارف بتاعة ايه
http://dc266.4shared.com/img/2952398...program014.png
آخر قائمة Help
http://dc244.4shared.com/img/2952386...program008.png
و فيها اختيارات :
أول واحد بيفتح برنامج الميل بتاعك عشان تبعة ميل للشركة و الميل بتاعهم هوه :
CCtechnical.support@etisalat.com
الاختيار التاني بيقول المساعدة من على النت بس بيفتحلك ملف شرح للبرنامج !!!!!!!!!!!!!!!!!!! شركة عجيبة الصراحة
رابط الملف : usermanual_en-us.pdf
آخر حاجة في القائمة عن الشركة و هيه شوية بيانات عن البرنامج و ملحقاته .
http://dc242.4shared.com/img/2952808...program015.png
أنا مشترك دلوقتي من حوالي 5 أو 6 شهور , و جربت الخط ده على الموبايل في مصر و المنيا و على الطريق بينهم . و كمان جربته على جهازي في المكانين
نتيجة تجربتي اتصالات في مصر خطيرة و سريعة جدا و ممتازة عمرها ما فصلت أبدا
في المنيا ( مطاي ) السرعة كويسة و جيل تالت بس أقل من مصر
في المنيا الجديدة ( المصنع ) السرعة كانت وحشة جدا لحد شهر فات اتحسنت و بقت أسرع بس جيل تاني و بالمقارنة مع موبينيل و فودافون موجودين مع زمايلي في المصنع لا تقارن سريعة جدا بالنسبة ليهم و مش بتقطع أبدا ....
دي نتيجة اختبار السرعة النهاردة في المصنع
http://dc198.4shared.com/img/2951576...ya-factory.png
لما أروح هرفع اختبار السرعة في البيت و ان شاء الله أول ما أنزل مصر هعمل الاختبار و أرفعه عشان تكون المقارنة مفيدة
كلمة أخيرة :::::::::::::::
أنا راضي جدا عن اختياري و سعيد جدا بيه , رغم وجود عيوب ميصحش شركة بحجم و مستوى اتصالات تقبل وجودها و هيه تتلخص في ضعف البرنامج و مستواه الضعيف من كل النواحي زي الجرافيكس بتاعته ( كان ممكن يتعمل أشيك و أحلى كتير ) كمان مفيش مساعدة عربي ( ملف البرنامج انجليزي ) يمكن عشان لو حد احتاج حاجة أسهله يكلم الشركة ببلاش من الخط ....كمان مش قادر أفهم ليه البرنامج ميجمعش الاستهلاك كله ( طبعا كل خط هيحتاج مساحة على السيرفر عشان يخزن فيها بس دي هتكون صغيرة جدا ) و دي كانت هتعمل دعاية جامدة جدا للشركة مع تكلفة بسيطة جدا ...
معلش طولت عليكم بس حبيت أشارككم تجربة يمكن تكون مفيدة لحد منكم محتار بين عروض النت الموجودة
شكرا عل قراءة موضوعي المتواضع ................