أسئله في العمرة

**aid904** · 21-05-2010 09:21 PM

الحمد لله أنتهت العمرة بتاعت عربيتي(جولف2 ) يوم الاربعاء وأستلمتها الخميس وسافرت بيها الجمعه
والحمد لله السحب أتحسن ومفيش دخنه من خرطوم الفايظ
بس أنا عندي شويه أسئله لان الميكانيكي اللي عمرلي الموتور (كان بيشتغل فى أمريكا طول عمرة في شركه سيارات) قاللي حاجات غريبه أوي مثلا
1- قاللى أنه مش لازم التليين على الواقف ياخد صفحتين بنزين كفايه 5-6 ساعات تشغبل
2- بالنسبه للسرعه قاللى عادي خالص بس متعديش ال90-100 (المشهور أنه معديش 70 )
3- لاحظت أنه في التليين كنا راكبين تلاته في العربيه وانه بيجيب ال50 على التاني واعتقد أن دة قرص جامد على الموتور بس هو قاللي لا الخطر الحقيقي أن تمشي سرعه أقل من سرعه النقله لان دة بيهد الموتور
4- قاللى أستخدم موبيل الابيض سألته في التليين بس قاللى لا ممكن على طول (برغم أني أعرف أن ممكن يكون التليين بزيت تقيل حتي ال1000 ك بس بعد كدة نغير على زيت أعلى زي شل الاصفر أو موبيل xhp هو قاللى براحتك بس مش لازم
5- هو رفض تغيير البوجيهات بعد العمر ة (بصراحه كانوا جداد معملوش 500ك كمان مكنش عليهم زيت ( بس انا سمعت أنهم لازم يتغيروا بعد العمرة)
6- مركبش خرطوم الفايظ في العمه وقاللي أبقى أركبهولك بعد ال1000 ك وعموما هو مش مهم أوي يتركب ممكن تسيبه
7- قولتله صوت الموتور عالى قاللى أنه معليه وبعد ال1000 هيوطيه بس قاللي مش هتلاقى فرق كبير في الصوت بعد التليين.
8- كل اللى أتفقنا فيه أننا غيرنا الزيت والفلتر.
بصراحه الراجل دة أراؤة كانت صادمه ليا كنت متوقع أنه يقوللي حاسب من السرعه حاسب من التحميل غير بوجيهات غير دة وغير دة بس مقلش حاجه قولتله طب بعد التليين الموتور هيحتاج يتقرط عليه في التربيط قالى لا

عموما أنا قلقان جدا ولما سافرت كنت بين ال60 والـ80 مع العلم الراجل دة في أسكندريه نصحني بيه ناس ثقه حتى بتاع قطع الغيار شكرلى فيه وقالى أنه خبرة كبيرة وانه فاهم بيعمل أيه
ممكن حد يفيدني هو الراجل دة فاهم أوي ولا مش فاهم خالص

**bayooo** · 21-05-2010 10:24 PM

هو موتور حضرتك 2000 ولا 1300 ولا 1800

بص هو الموتور امفروض بعد العمرة يكون زي الجديد بالظبط.....يعني عمر حضرتك سمعت ان حد اشترى عربية جديدة وقال اما اسيبها شغالة علشان تلين هما بيستعملوها عادي بس مش بيقرصوا عليها اوي يعني

الكلام اللي هاقولهولك انا دارسه في الكلية

ان احنا بنلين الموتور بعد مايتعمر علشان السيلينج اللي مابين راس الموتور ووش السيلند,ووش السيلندر والبلوك اللي فيها البساتم مش اصلييين

تاني حاجة ان في حاجه اسمها عزم رباط المسمار ,,يعني بنحسب حسابات كتيرة على اساسها بنربط المسامير بتاعت وش السيلندر بالعزم المحسوب لو زيادة هايبقى وحش وهاتسرب ولو ناقص طبعا هايبقي وحش وهاتسرب(على فكرة الموضوع ده بيفرق جدا)

فعلشان كده بنسيب العربية تلين شويه وماتحرقش كتير لغاية لما السيلينج يفرش ويطبع على وش السيلندر والبلوك

وعلشان كدة برضو العربيات الجديدة اللي كل حاجه فيها مظبوطة من نحية عزم الرباط بتاع المسامير والسيلينج اللي معمول عليه الحسابات بتاعت عزم الرباط بتاخدها وبتجري بيها عادي من ما تتلين

وربنا يباركلك في العربية وعقبالي انا كمان

**khaled_sabry** · 22-05-2010 12:39 AM

الف الف مبروك و عقبال الحج كده (علشان تبقى حج و عمره )
هو العلى العموم ممكن الراجل ده يكون بيهم ..بس متعود على العربيات النضيفه بتاعت الزيرو مش عربياتنا

**ghaith_peogeut** · 22-05-2010 04:24 AM

يا اخي العزيز يبالغ الكثير من الميكانيكيين في عملية تليين المحرك بعد اجراء العمرة الكاملة بالرغم من كون التلييين الحقيقي هو بيكون عند المشي بالسيارة وبسرعه تقل عن ال 90 وينصح خبراء المحركات برفع سرعة السيارة عن ال 90 لعدة مرات ولفترات قصيرة جدا والاستقرار على سرع ما دون ال 90 كم \ساعه ....وبالنسبة للزيت فلا ينصح اطلاقا باستعمال زيت ذو لزوجة عالية عند التليين وانما استعمال الزيت الذي بيوصي بيه صانع السيارة وهو نفس الزيت اللي يستعمل في القيادة العادية ...وبالنسبة لخرطوم الفائض فيفضل تركيبه بعد ال 1000 كم حتى يكون ضامن عدم وجود ابخرة زيت كثيفة وذلك بعد ما تكون الرنكات قد احكمت على السلندر ...وتبديل البوجيهات يكون فقط اذا كانت تالفة وليس بالشرط الملزم ......وتحياتي للميكانيكي لانه فعلا فاهم

مهندس غيث
العراق

**aid904** · 22-05-2010 09:11 AM

هو موتور حضرتك 2000 ولا 1300 ولا 1800

بص هو الموتور امفروض بعد العمرة يكون زي الجديد بالظبط.....يعني عمر حضرتك سمعت ان حد اشترى عربية جديدة وقال اما اسيبها شغالة علشان تلين هما بيستعملوها عادي بس مش بيقرصوا عليها اوي يعني

الكلام اللي هاقولهولك انا دارسه في الكلية

ان احنا بنلين الموتور بعد مايتعمر علشان السيلينج اللي مابين راس الموتور ووش السيلند,ووش السيلندر والبلوك اللي فيها البساتم مش اصلييين

تاني حاجة ان في حاجه اسمها عزم رباط المسمار ,,يعني بنحسب حسابات كتيرة على اساسها بنربط المسامير بتاعت وش السيلندر بالعزم المحسوب لو زيادة هايبقى وحش وهاتسرب ولو ناقص طبعا هايبقي وحش وهاتسرب(على فكرة الموضوع ده بيفرق جدا)

فعلشان كده بنسيب العربية تلين شويه وماتحرقش كتير لغاية لما السيلينج يفرش ويطبع على وش السيلندر والبلوك

وعلشان كدة برضو العربيات الجديدة اللي كل حاجه فيها مظبوطة من نحية عزم الرباط بتاع المسامير والسيلينج اللي معمول عليه الحسابات بتاعت عزم الرباط بتاخدها وبتجري بيها عادي من ما تتلين

وربنا يباركلك في العربية وعقبالي انا كمان

أخي العزيز bayoo جزاك الله خير على ردك السريع أنا فهمت من كلام حضرتك أن الراجل فاهم والحمد لله

الف الف مبروك و عقبال الحج كده (علشان تبقى حج و عمره )
هو العلى العموم ممكن الراجل ده يكون بيهم ..بس متعود على العربيات النضيفه بتاعت الزيرو مش عربياتنا

هاها... الله يبارك فيك يا خالد.... بس متهيألى الحج والعمرة مش محتاجين تليين بعدهم ولا لازم !!!!!!!!!

يا اخي العزيز يبالغ الكثير من الميكانيكيين في عملية تليين المحرك بعد اجراء العمرة الكاملة بالرغم من كون التلييين الحقيقي هو بيكون عند المشي بالسيارة وبسرعه تقل عن ال 90 وينصح خبراء المحركات برفع سرعة السيارة عن ال 90 لعدة مرات ولفترات قصيرة جدا والاستقرار على سرع ما دون ال 90 كم \ساعه ....وبالنسبة للزيت فلا ينصح اطلاقا باستعمال زيت ذو لزوجة عالية عند التليين وانما استعمال الزيت الذي بيوصي بيه صانع السيارة وهو نفس الزيت اللي يستعمل في القيادة العادية ...وبالنسبة لخرطوم الفائض فيفضل تركيبه بعد ال 1000 كم حتى يكون ضامن عدم وجود ابخرة زيت كثيفة وذلك بعد ما تكون الرنكات قد احكمت على السلندر ...وتبديل البوجيهات يكون فقط اذا كانت تالفة وليس بالشرط الملزم ......وتحياتي للميكانيكي لانه فعلا فاهم

مهندس غيث
العراق

أخي مهندس غيس سعدت بردك جدا وجزاك الله خيرا لانك طمنتني وتحياتي لاخوتنا في العراق

**ahmed2y** · 22-05-2010 10:12 AM

طبعا انا مش دارس قوى زى الاخوة الى ردو عاليك بس من التجارب الراجل دا شكلة فاهم لانى لما كنت عملت طقم شنبر للعربية 405 والى عملهالى راجل شغال فى التوكيل طول عمرة وفهمان الصراحة قولتلة على موضوع التلين دة قالى دا المشى ليها احسن فاظن كدة الكلام مظبوط

**aYaBooY** · 22-05-2010 12:00 PM

موضوع التليين و موضوع المشي بالعربية على طول
بعد تدوير في الموضوع عرفت شوية حاجات
في العربيات القديمة الميكانيكية كانوا بيدخلوا مكونات الموتور حشر و بتكون ماسكة جامد قوي في بعضها علشان كدة كان بيحتاجوا العربية تدور على الواقف فترة طويلة علشان المكونات تاكل بعضها و تليين من هنا جه اسم التليين
طيب الموضوع التاني الاخ الميكانيكي بيكون معاه مقاسات كل قطعة المقاس المظبوط بس و بيلين على الواقف شوية علشان يتاكد ان كل حاجة في الموتور دايرة كويس و دورة المياه كويسة و بتبرد بانتظام
و بيخليك تمشي بالعربية اول الف كم و يغير زيت علشان النظافة
موضوع الصوت بعد ما يظبط تكيهات تاني بعد التليين بتحس ان موضوع الصوت قل شوية بس الفعلي بتحس ان صوت الموتور انتظم مش وطى او على
يلا ربنا يسترها معاك و مع الجميع و عقبال عربيتي لما تليين ان شاء الله

**bayooo** · 22-05-2010 12:29 PM

حضرتك انا كنت عاوز اسفسر عن سعة الموتور بتاعك

2000 ولا 1800 ولا 1300

وكلفك كام ,علشان شاكلي داخل في موضوع العمرة دا قريب

**aid904** · 22-05-2010 06:25 PM

طبعا انا مش دارس قوى زى الاخوة الى ردو عاليك بس من التجارب الراجل دا شكلة فاهم لانى لما كنت عملت طقم شنبر للعربية 405 والى عملهالى راجل شغال فى التوكيل طول عمرة وفهمان الصراحة قولتلة على موضوع التلين دة قالى دا المشى ليها احسن فاظن كدة الكلام مظبوط

طيب الحمد لله

موضوع التليين و موضوع المشي بالعربية على طول
بعد تدوير في الموضوع عرفت شوية حاجات
في العربيات القديمة الميكانيكية كانوا بيدخلوا مكونات الموتور حشر و بتكون ماسكة جامد قوي في بعضها علشان كدة كان بيحتاجوا العربية تدور على الواقف فترة طويلة علشان المكونات تاكل بعضها و تليين من هنا جه اسم التليين
طيب الموضوع التاني الاخ الميكانيكي بيكون معاه مقاسات كل قطعة المقاس المظبوط بس و بيلين على الواقف شوية علشان يتاكد ان كل حاجة في الموتور دايرة كويس و دورة المياه كويسة و بتبرد بانتظام
و بيخليك تمشي بالعربية اول الف كم و يغير زيت علشان النظافة
موضوع الصوت بعد ما يظبط تكيهات تاني بعد التليين بتحس ان موضوع الصوت قل شوية بس الفعلي بتحس ان صوت الموتور انتظم مش وطى او على
يلا ربنا يسترها معاك و مع الجميع و عقبال عربيتي لما تليين ان شاء الله

جزاك الله خير وان شاء الله تعمر عربيتك وتطمئن اصل الموضوع دة مقلق قوي

حضرتك انا كنت عاوز اسفسر عن سعة الموتور بتاعك

2000 ولا 1800 ولا 1300

وكلفك كام ,علشان شاكلي داخل في موضوع العمرة دا قريب

اسف اني نسيت ارد على سؤالك انا عربيتي جولف2 م 89 1300 وكلفتني حوالي 3000 جنيه يعني التسقيط أرخص بس أنا محبيتش أغير الموتور علشان لو حبيت أبيع ميقلش سعرها وعلشان الضرايب والترخيص وكدة يعني
السعر دة شامل تغييير أسطوانه دبرياج + طقم شمبر +طقم جوانات+طفم دليل صباب+طقم تاكيهات+طقم جلب بيل+سير تقسيمه +5طبه ميه +فلتر زيت دول بـ 1500 (ملحوظه أنا مفاصلتش لان العربيه أتعمرت في أسكندريه وأنا كنت في القاهرة في شغل وأشرف عليها واحد قريبي ) أما الخراطه فكلفت 500 جنيه شامل خراطه ولحام وكشط وش السلندر وعمل قمصان + زيت موتور برضه بدون فصال
أما بقى المبلغ الاكبر كان مصنعيه الميكانيكي لانه من قبل الشغل طلب 1000 جنيه ولما سألت قالولى هو غالى جدا بس شغله ممتاز وهو عارف قيمه شغله المهم فاصلت انا معاة وللأسف لم أفلح في تنزيل المبلغ الا 100 جنيه فقط بصراحه ان الجميع قاللي متفاصلش لانه مفيش فايدة ولانه مبيحبش الفصال عموما لما نشوف النتيجه النهائيه بعد التليين أقدر أحكم الحكم النهائي عليه

**samirayad** · 22-05-2010 07:04 PM

الخيره فيما أختاره الله

والحمد لله الراجل فاهم

بس أبقى ركب خرطوم الفائظ فيما بعد وأستعمل زيت محترم زى موبيل xhp مثلا

الموضوع: أسئله في العمرة

LinkBack

أدوات الموضوع

عرض

أسئله في العمرة - انشر الموضوع فى :

-

-

-

المواضيع المتشابهه

أسئله عن كيا ريو الجديده (ضرورى)

أسئله حول ال ابيزا 1994 clx

تعديل الفرامل - أسئله

أسئله لخبراء الفانتازيا

أسئله خاصة بكاوتش اللانوس

الكلمات الدلالية لهذا الموضوع

المفضلات

المفضلات

ضوابط المشاركة