الموضوع: بندقية الصيد

المشاركة الأصلية كتبت بواسطة A7MED_PHARMA

ربنا يخليكوا ياشباب
أنا تخيلت إن الموضوع مش هيهم حد

البندقية دي رمسيس 2
مداها 100 متر

والمنظار أنا جبته لوحده ...منظار ألماني 4×15 متحرك العدسة


البندقية أنا كنت شاريها بـ550 جنيه
والمنظار بــ300 جنيه

أنا جبت البندقية دي مصري ..علشان الإيطالي إلي كان موجود كان غالي عليا ساعتها

ازيك يا باشا انا كان عندى جنان بنادق الرش و ممكن اضيف شوية معلومات بعد اذن حضرتك لانك سخنتنى على البندقية انا تعاملن مع بنادق الرش من اكتر من 26 سنة تقريبا بس البندقية الرمسيس غليت كدة لية انا كنت شارى الرمسيس نمرة1 ب 38 جنية بس و نمرة 2 كانت بحوالى 80 جنية بس وقتها ما كنتش موجودة بكثرة بص بقى التنظيف الى انت عملتة تمام التمام بس لو عاوز نظافة كاملة و تعديل فى قوة البندقية اقولك تعمل اية بعد ما فكيت الجسم الخشبى و بقيت ماسك الجزء الحديد حتلاقى ورا مكان خرم ادخل بة مسمار كبير و لفة بالراحة علشان تفك السوستة بس خلى بالك ممكن تنطر فى وجهك جاكد لما حتفك الكعب خرج السوستة و زيتها وممكن تحط عليها شحم و تشحم الكباس علشان ما يشققش ويعطى الدفعة الكاملة للهواء هو نفس فكرو الماستر العمومى بتاع الفرامل لو عاوز تعديل اشترى سوستة اكبر من المقاس الاصلى بس بنفس القطر طبعا لو ما لقتش ممكن تجيب نفس السوستة الى عندك ودة اسهل و بعدين تقطع منها 4 سنتيمتر و تركبها مع السوستة الاصلية و ذلك ازيادة الضغط و مدى اندفاع الرش من البندقية و اخيرا ممكن تضع زيت فى الماسورة و تعمر و تضرب 10 مرات هواء من غير رش و بذلك تنظف الششخانات من الاتربة و تسرع خروج الرشة من البندفية و على فكرة حتلاقى الماسورة بتطلع دخام عادى جدا و صوتها يبقى اهدأ من الاول اما بالنسبة للصيد بقى يا باشا اختيار نوع و ماركة الرش بيفرق اخسن الانواع ال مارس مان و دة مصرى العلبة لونها احمر الاصابة فى الطائر شية مميتة وبتعمل فتحة فى الدخول بالجسم شبة مدمرة و بتكسر العظم لو عصفورة و الانواع السكة عين الشمس الرشة ضعيفة و الانواع الممتازة بس غالية شويتين ويبلى و ال جامو و على فكرة الرشة ال جامو مبططة من الامام ممتازة فى النشان زى السهم فى الاتزان ولكنها مش كوبسة فى صيد الطيور الكبيرة نسبيا من اليمام وانت طالع و احسن ماركة بنادق ال ديانا و ال psa و ال gamo و الديانا و ال بى اس اية ممكن تصل الى 2000 جنية و النوع الممتاز ايضا ال نوريكا و برضو غالية انا طولت عليك بس انت رجعتنى لايام الشقاوة و الصيد