امبارح نزلت من الشغل لقيت علامة رينو اللى قدام مسروقة "حسبنا الله ونعم الوكيل" ، ياريت اللى يعرف اجيب واحدة من فين وبكام يقولى وشكرا،،
عرض للطباعة
امبارح نزلت من الشغل لقيت علامة رينو اللى قدام مسروقة "حسبنا الله ونعم الوكيل" ، ياريت اللى يعرف اجيب واحدة من فين وبكام يقولى وشكرا،،
ربنا يخلف عليك خير ان شاء الله فداك
هو شغل خضرتك فين
نصيحه متجبش الاصلي
انا اتسرقت بتاعتي تلات مرات و في الاخر سايبها كده
هما الى بيسرقوها اغبية مش عرفين ان هى كده باظت و مينفعش تتركب تانى
حسبيى الله و نعم الوكيل فيهم
اصحاب المشاريع و التاكسيات معظمهم بيسرحوا العيال لسرقة علامات جميع ماركات العربيات لآنهم بيعلقوها علي عربيتهم و بيشتروها منهم بثمن بخس . حسبي الله و نعم الوكيل في كل اللي يتلف حاجه الغير عن عمد .
الصينى ب 20 وفى تركى 30 اعتقد التركى كويسه انا ركبتها عندى وشكلها كويس
انا من اسكندريه
بس لو حضرتك من القاهرة ممكن تجيبها من شركه المهندس ( له موضوع اعلانى هنا )
welcome to the club
ب 30 جنية بيتهيقلى عند المهندس طلعت
الأفضل تحط استيكر مقارب للحجم واللون الفضي ... انا ياما اتسرقت مني العلامات من العربية
بتوع التكتك و التكسى بيسرقها و بيعلقها عندهم
الموضوع دة حصل معايا من سنتين انا معايا رينو اوبتيما وفى جارى معاة لوجان حصل الموضوع معاة برضو عموما ممكن تيجبها من محل قطع غيار ينو فى شارع بورسعيد قبل كويرى غمرة والعنوان بالتفصيل لما تكون جاى من ميدان الجيش ومتجهة الى شارع بورسعيد اتجهة يمينا الى ناحية محطة مترو غمرة بس متتلعش الكوبرى المحل قبل مطلع الكوبرى على طول وحتلاقى علامة الرينو منورة وتمنا 25 جنية تقريبا
ربنا يعوض عليك
حسبنا الله ونعم الوكيل
الحمد لله أنها حاجه بسيطه وطبعا متجبش الاصلى خالص لانها معرضه للسرقه بصوره كبيره