حصري لنايل موتورز-اشحن تكييف عربيتك بإيدك...بالصور

**khaled_sabry** · 29-04-2014 03:17 AM

ياريت حد يقولى مكان اقدر اشترى منه الفريون و العده يكون قريب من عين شمس او فى مدينه نصر
لإنى دايخ على حد بيبيع الحجات دى و مش لاقى

**man1968** · 05-05-2014 02:04 AM

المشاركة الأصلية كتبت بواسطة sonaeg

مممممممم مع احترامي لسيادتك انا ماعرفش تفرق ازاي بينهم بس من تجربة زميلي برده اللي معاه لانوس كان برده الضغط موجود في فترة ولا المواسير بتسخن او بتسقع وكانت المشكلة ف الاكسبنشن فالف لانه هو اللي بيبخر الفريون من الصورة السائلة فبيسقع المواسير اللي بعده. بس الصراحة مش قادر اجزم ف موضوع حضرتك.

شكرا على الاهتمام والرد اعتقد ان فى فالف عندى باظ اما الاكسبنشن او الكنترول

**sonaeg** · 05-05-2014 12:48 PM

المشاركة الأصلية كتبت بواسطة man1968

شكرا على الاهتمام والرد اعتقد ان فى فالف عندى باظ اما الاكسبنشن او الكنترول

الشكر لله وربنا يوفقك للخير باذن الله

**احمد واحد** · 10-05-2014 08:43 PM

المشاركة الأصلية كتبت بواسطة exact

1- بص ياباشا...فيه محلات كده بتبيع قطع غيار تلاجات وغسالات فالحاجة دي منهم واحتمال انك ممكن تلاقيهم في محلات العدة الكبيرة
2- الفريون بيتعرف من عدسة ازاز موجودة في مجفف التكييف هتلاقيه حاجة عاملة زي الازازة المونيوم كده وماسورتين داخلين له من فوق والعدسة مابينهم اما بتشغل التكييف لو الفريون ناقص بتلاقي العدسة دي مليانه فقاقيع هوا واما بيكون مليان مش بتبان

وربنا يخلي نايل موتورز للكل وعاوزين تشجيع بقى

وانا شاكر لاهتمامك

ان شاء الله الباقي هيكون سهل بس هتأخر يوم او اتنين عشان اكتبه واضح كدة وانا حاولت خفض التكاليف جدا عشان منجيبش عدد نرميها بعد كده

أهم حاجة يا شباب ان يكون نظام التكييف سليـــم وميكونش فيه تسريب يعني منقص غير حاجة بسيطة انما لو النظام فاضي تماما يفضل صنايعي عشان هنعوز حاجات وعدد خسارة اننا نشتريها

**hagagatc** · 15-05-2014 03:53 PM

موضوع جميل بارك الله فيك السوال هنا العده دي اجبها منين
وهل انا لو الشحنه فرغت مني عشان كان في تسريب من البلف
هل لازم اضيف زيت كمان ( بيطير مع الفريون) زيت الكمبريسور

**albasha** · 29-05-2014 08:56 AM

المشاركة الأصلية كتبت بواسطة hagagatc

موضوع جميل بارك الله فيك السوال هنا العده دي اجبها منين
وهل انا لو الشحنه فرغت مني عشان كان في تسريب من البلف
هل لازم اضيف زيت كمان ( بيطير مع الفريون) زيت الكمبريسور

الأول طبعاً هتحل مشكلة التسريب
ثانياً بتعمل فاكيوم ( تفريغ الدائره من الهواء ) وبعدين تسحب الزيت داخل الدائره حوالي 50 سم ( لإن الدائره مفرغه من الضغط فسيتم سحب الزيت )
ثم يعاد عملية التفريغ لمدة 30 دقيقه وبعد ذلك تبدأ عملية الشحن

**khaled_sabry** · 02-06-2014 09:08 PM

انا جربت الموضوع بس لاحظت حاجه
لما قيست الضغط على السلانسيه كان فوق ال 120 تقريبا و كنت كل لما ازود بنزين الضغط يقل (و ده شئ منطقى )
فالمفروض انى اظبط ضغط الفريون مع rpm قد ايه ؟؟؟
لإن انا دلوقتى لما جربت الموضوع سربت فريون كتير و انا بوصل الخراطيم فى الاول و لما شحنت برضه كتير بس معرفشى هل شحنت بالمقدار اللى فقد و لا لسه ناقص عندى

**abasabnfernas** · 10-06-2014 01:19 AM

ملحوظة
الضغوط فى الفريون 12 تختلف عن الضغوط فى فريون 134 و كلاهما يعتمد على حرارة الجو

**khaled_sabry** · 17-06-2014 02:52 PM

المشاركة الأصلية كتبت بواسطة abasabnfernas

ملحوظة
الضغوط فى الفريون 12 تختلف عن الضغوط فى فريون 134 و كلاهما يعتمد على حرارة الجو

كمل جميلك بقى و قولنا المفروض نظبط 134 على كام ؟؟

**tamer_amen** · 17-06-2014 02:54 PM

يا جماعه ارجوكم ساعدونى التكييف عندى هيجننى كورسا 2005

روحت لاتنين فنيين مختلفين يكبسوا مفيش حاجه وبعملوا شفط وبعدين يشحنه يشتغل كويس و بعدين يضعف

لحد امبارح عملت نفس القصه و انا ماشى انهارده على الدائرى مشوار طويل فى نص الطريق التكيف ضعف والهواء ضعف بعد ما نزلت من عليه قولت اجرب افصل التكييف واشغله الهواء رجع كويش تانى وبدا يبرد

حد يقلى اعمل