| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: هل انت مستعد لتنفيذ هذه الفكرة؟؟

المصوتون
414. أنت لم تصوت في هذا الإستطلاع
  • نعم

    336 81.16%
  • لا

    13 3.14%
  • لا ولكن استفدت معلومات من الموضوع

    68 16.43%
إستطلاع متعدد الإختيارات.
صفحة 1 من 30 1 2 3 4 5 6 11 ... الأخيرةالأخيرة
النتائج 1 إلى 10 من 297

  1. #1

    الصورة الرمزية exact

    رقم العضوية : 10617

    تاريخ التسجيل : 13May2008

    المشاركات : 2,422

    النوع : ذكر

    الاقامة : محافظة الغربية

    السيارة: NileMotors

    السيارة[2]: Suzuki SWIFT 1994 Japan

    دراجة بخارية: Phoenix

    الحالة : exact غير متواجد حالياً

    Thumbs up حصري لنايل موتورز-اشحن تكييف عربيتك بإيدك...بالصور - Facebook Twitter whatsapp انشر الموضوع فى :

    hasad">

    بسم الله





    بعد كتر كلام الزملاء عن موضوع شحن الفريون بنفسهم وبعدين لقيت برودة التكييف مش قد كده...قررت اني اضحي واكون اول المجربين في الموضوع ده...



    أرجو ملاحظة ان الموضوع ده كان فيه مخاطرات كتير وخد مني مجهود جامد سواء شغل او اعداد او كتابة لذا ارجو عند نقله للفائدة ان يكتب منقول ويحط لينك الموضوع هنا...ويا سلام لو تدعوا لي اي دعوة حلوة تدعوا بيها لنفسكم حتى ولو جزاك الله خيرا

    توكلت على الله ورحت جبت اللوازم





    وقبل ما نبتدي الحكاية حابب اني أأكد ان الموضوع ده تجربة شخصية وكل واحد يتأكد من نظام التبريد عنده وعلى مسئوليتة الشخصية





    ونرجع لمرجوعنا ونبتدي...أول حاجة قعدت دورت على النت و عالمنتدى على مواضيع مشابهة...فلقيت ان الحكاية بتبدأ من انك اولا لازم تحدد نوع الفريون اللي موجود في التكييف...وبعد بحث لقيت انك عندك نوعين غالبا همه اللي مستعملين فالعربيات...





    اولهم واقدمهم فريون 12 وبيرمزوا له بحرف R-12 وده اقدم واقوى بنسبة بسيطة في تبريده ويعيبه اضراره بالبيئة ولذا تم ايقافه في اوروبا وامريكا وعملوا له بديل من ممزوج عدة غازات مضغوطة... ويعيبه ايضا انه له قابلية للاشتعال...مما يجعله غير مناسب للسيارات....ولكن وقتها مكنش فيه بديل فكان هو السائد من زمان وحتى في معظم التلاجات المنزلية ومعظم السيارات قبل 2000 بس ده ميمنعش ان فيه انظمة في موديلات التسعينات فيها 134





    تانيهم فريون 134 وده بيرمزوا له ب R134 وده هو اللي موجود حاليا في كل الموديلات الحديثة وده طبعا العكس...غير ضار وغير مشتعل





    وطبعا مينفعش اطلاقا انك تخلط 134 و12 بأي شكل ولكن يمكن تحويل انظمة فريون 12 ل 134 بطرق لا يتسع المكان لشرحها





    طيب...حلو الكلام...نيجي للمهم نعرفه ازاي....لو تكييفك مكنش اتلعب فيه...يبقى عندنا بعض الوسايل...اولا لو انت موديل مابعد 2000 يبقى غالبا 134...بس برضه لازم تتأكد...وده عن طريق انك تحاول تبص على الكومبريسور بتاع المكيف وهتلاقي طبعا ورقة الشركة المصنعه وهتدور علي Refrigerant Type وهتلاقي مكتوب زي ما قلنا...







    فيه طريقة تانية بس مش متأكد منها زي الورقة...هي انك تبص على بلوف الشحن هتلاقى بتاع فريون 12 اتخن من بلف العجل حاجة بسيطة وبيكون رفيع ومقلوظ من بره ال 134 بلفه اعرض بشويتين من بلف العجل وغالبا مش متاكد متقلوظ من جوة...حلو الكلام؟؟؟ واللي فالصور




    هنا بلف12












    ودي رسمة ال 134 وهي قريبة جدا من الحقيقة











    من كتالوج الصيانة ومن البحث على النت عرفت ان الضغط المثالي بيبقى 27psi وده لمعظم العربيات.... والشحن بيتم من ناحية الضغط المنخفض....ايه الضغط المنخفض دي؟؟ شوف ياسيدي انت عندك ماسورتين فريون داخلين من حوض الموتور في صدر العربية...هتحط ايدك عليهم والمكيف شغال هتلاقي واحدة فيهم ساقعة شويتين وعليها بلف الشحن...ممكن طريقة تانية وهي اني شفت في الكورولا غطا البلف البلاستيك مكتوب عليه H و L طبعا High وLow...اللي يهمنا ال Low بس برضه نتأكد بحكاية حرارتها....ودي بتكون الماسورة اللي جايبة الفريون من التلاجة جوة الصالون للكومبريسور عشان يضغطه للسربنتينة اللي قدام في صدر العربية ويتبرد فيها بالمروحة وبكده يكون دخلنا في مرحلة الضغط المرتفع











    وعلى فكرة انا عندي التكييف فابريكة (شفتو التضحية) بس ما عدا ان غطيان البلوف ضايعة









    طيب اعتقد كده النظري انتهى نبدأ في العملي..وانبه ان فريوني 12








    .بس قبل اي حاجة حابب احذر من ان الفريون سائل تبريد يعني اي تسريب قوي ييجي عالجلد ممكن يعمل لسعة برد ودي اشد من لسعة النار فنخلي بالنا...ونخلي بالنا برضه انه بيهيج العين جامد والنصيحة خلينا في مكان مفتوح قدر الامكان عشان لو لا قدر الله حصل تسريب نبقى في السليم






    نعاين العدة





    أول حاجة علبة الفريون...ودي زي ماقلنا قبل كده حسب نظام العربية 12 او 134 وحاليا ال 12 اغلبه صيني او مصري واللي اتقال لي ان المصري احسن... جبت نوع اسمه اخوان رزق وده ب 22 جنيه ووزنها في حدود 400 جرام... مع العلم ان السويفت لو فاضية تماما بتاخد حوالي نص كيلو...











    الفريون 134 على حد علمي احسن حاجة الامريكي والمكسيكي







    علبة الفريون زي ماحنا شايفين ملهاش بخاخة ولها صمام عبارة عن خرم فيه حتة بلاستيك سدة فتحة العلبة عن طريق سوستة بتزقها لبره ومتقلوظ من بره وهنعرف حالا ليه











    وبالتالي عشان نطلع الفريون لازم نضغط عالبلاستكة دي ودي وظيفة ابرة او بلف الشحن ب2 جنيه هم الاتنين مع بعض











    وده زي ماحنا شايفينه عبارة عن مسمار وصامولة...الصامولة دي بنربطها جامد في القلاووظ بتاع صمام علبة الفريون ولو ربطناها للأخر هنلاقي ان قلاووظ الصمام جاب نص الصامولة من جوة ونصه فاضي...











    ولو شفنا الجزء اللي عامل زي المسمار ده عبارة عن مسمار مجوف فيه في طرفه ابره (اللي عاليمين دي)والابرة فيها خرم منفد على التجويف اللي جوه المسمار ...وبالتالي احنا لو ربطنا المسمار فالصامولة بحيث ان الابرة لناحية جوه هنلاقي ان كل اما المسمار يتلف سنة هيدخل لجوة والابرة تضغط على البلاستكة وتفتح علبة الفريون والفريون يعدي من خلال الابرة لبره...والعكس صحيح اما تفك المسمار الابرة تطلع لبرة والصمام يقفل...وهكذا













    اعتقد لحد هنا حلو الكلام جدا





    نكمل كمان يوم او اتنين عشان تعبت





    ==========================================




    نكمل الفيلم





    عندنا بعد كده مجموعة الخراطيم اللي هتوصل لنا الهلمة دي ببعضها وده الواحد عامل له 7 جنيه





    وده شكل الخرطوم












    وزي ماحنا شايفين ده عبارة عن خرطوم كاوتش له صامولتين بيتربط بيهم في البلوف مع مراعاة ان الناحيتين مش زي بعض





    وده احد الاطراف











    وده الطرف التاني











    وده عامل زي الطرف الأولاني بالظبط بس فيه فرق يتمثل في وجود إبرة في منتصف فتحة الخرطوم ودي ليه؟؟؟ لأنه الطرف ده اللي بيتربط في العربية والابرة دي اما بتربط الصامولة في بلف العربية بتضغط على الابرة اللي في بلف العربية وتفتحه...تمام زي ابرة بلف كاوتش العربية.......تمام؟؟





    لحد هنا كويس؟؟





    وممكن بالحاجة دي نعمل عملية الشحن وانا شحنت بكده.. بس عاوزه حرص شديد جدا... واحتمال كبير انك لو مش واخد بالك تطير النفسين اللي موجودين في التكييف وتبقى خربت....فمعلش الاضمن اننا نصرف حاجة بسيطة كمان 30 جنيه!!!..بتوع ايه دول....هنجيب بدل الخرطوم اتنين... ونجيب عداد شحن ب 23 جنيه ونشحن كمحترفين





    تبقى كده اتكلفت كام 22 فريون + 2 بلف + 14 خراطيم +23 عداد = 61 جنيه والعده تفضل عندك تستعملها انت واصحابك ولو ممكن بكرة تفلون (من عند بتوع الادوات الصحية ولوازم السباكة) بجوز جنيهات عشان لو حاجة سربت...ماهو كله صيني





    طيب ايه العداد ده بيشتغل ازاي؟؟












    زي ماحنا شايفينه هو عبارة عن محبس ملحق بيه عداد وله مدخلين واحد من الجنب وواحد من تحت (المتغطيين بالغطيان الزرق) وهو بيتركب فالنص بين علبة الفريون والعربية ولازم يكون احد اطرافه متوصل بالخرطوم ناحية العربية والطرف التاني متوصل بالخرطوم اللي راكب في علبة الفريون...طيب نعرفه ازاي؟؟





    حاجة سهله خالص...احنا هنقفل المحبس كويس...ونحط حته قماش نضيفة عالفتحة عشان الرطوبة وننفخ جامد فالفتحة وعنينا عالعداد وهنا انا نفخت في الفتحة التحتانية لقيته بيتحرك حاجة بسيطة...(متفكروهاش كتير انا بالعافية جبت 5)...وغالبا معظم العدادات بيكون هو اللي تحت...







    وفيه نوعيات تانيه....منها نوع عداد مجوز...فيها عدادين وله 3 خراطيم (طقم كامل) بييجي ب 55 جنيه كله على بعضه وده نفس الطريقة بالمللي وبنستعمل غالبا فردة واحدة والمفروض نوصل التانية في جهة الضغط العالي من دورة الفريون..واللي عاوزني اشرحه له بعدين









    ودي صورة مجمعة للعدة كلها وطبعا نضيف عليها مفاتيح مناسبة 10 او 12 على حسب حجم الصواميل لزوم الربط











    ===هنعوز برضه لوفة وشوية صابون سائل وكمان جركنين مليانين ميه ويفضل لو خرطوم ميه مش مفتوح قوي








    الكلام المفيد





    دلوقت احنا اتعرفنا عالعدة...ننزل للعربية ونبدأ الشغل





    نبتدي بتجميع عناصر الشحن





    نوصل الخرطوم اللي هيركب العربية في الفتحة التحتانية للعداد ونلاحظ الابرة تكون في الناحية اللي هتتربط فالعربية ...زي الصورة كده











    بعد كدة نركب الخرطوم اللي هيبقى ناحية العلبة











    وقبل ما تسألوا الوان الخراطيم دي مش فارقة في حاجة...بس الاستاندارد...ان يبقى الخرطوم اللي ناحية العربية ازرق واللي فعلبة الفريون اصفر(ده اللي عاوز زي ما الكتاب بيقول... بس زي ما قلت كله نفس الشغل)





    بعد كده نركب الطرف التاني للخرطوم بتاع الفريون في مسمار البلف بتاع علبة الفريون(المسماراللي فيه الابرة...وهو مش متركب في علبة الفريون)











    أنا هنا فالصورة لافف عليه تفلون عشان سرب معايا (انها الصين يا ولدي)





    ونركز جدا فاللي جاي





    دلوقتي أول حاجة نقفل المحبس كويس و نربط بسرعة جدا الخرطوم اللي بيحرك العداد (الاصفر في الصورة السابقة).. في بلف العربية ابو ضغط منخفض(اللي عالماسورة الساقعة) ليه بسرعة؟؟عشان انت اول ما هتحط الخرطوم الابرة بتاعه هتضغط عالبلف بتاع التكييف تفتحه...فلازم السرعة منعا للفقد الفريون





    .وعلى طول هنلاقي العداد طلع قراءة...المفروض انها حسب عربيتي لو التكييف مشحون مظبوط متزيدش عن 27psi...





    بعد كده بسرعة جدا نفتح المحبس حبه صغيره جدا لمدة 3 ثواني نسمع صوت هسسسسسسسس عشان نخرج شوية فريون من الدورة فالخراطيم والحركة دي عشان نطرد الهوا من الخراطيم ونقفل المحبس كويس





    ندور العربية ونشغل التكييف على اقصى سرعة للمروحة ونفتح شباك عشان مش عاوزينه يفصل..





    نجيب علبة الفريون ونخللي بالنا جدا انها لازم تكون عدلة في وضع رأسي طوال عملية الشحن (الصمام لفوق) ونحاول منرجهاش





    وبعد كده احنا كنا رابطين الخرطوم التاني(الأحمر) في مسمار البلف ومجهزينه...بعد كده نمسك علبة الفريون بالشمال ومسمار البلف باليمين (او العكس) وندخلهم في بعض ...ونثبت المسمار..ونلف العلبة واحدة واحدة لحد ما هنحس انها فتحت وده عادة من قبل نص مشوار المسمار فالصامولة اللي عالعلبة...اوك؟؟









    يبقى كده الفريون بتاع العربية دخل وفريون العلبه دخل واللي حايشهم عن بعض المحبس...ونأكد تاني نخللي العلبة في وضع رأسي....نحضر الجركن بتاع المية....ونكب شوية ميه على سربنتينة التكيييف اللي جنب الردياتير بس نحاول قدر الامكان نبعد عن موتور المروحة..





    واحدة واحدة نبدأ نفتح المحبس بتاع العداد...وكده الفريون هيعدي من العلبه للدورة ونعرف كده اننا هنلاقي علبة الفريون تسقع...وكل شوية نفتح ونقفل عشان ناخد قراية العداد والمحبس مقفول...وفي هذه الاثناء حد معاك يكب ميه عالسربنتينة بتاع التكييف...وهكذا لحد ما نلاقي القراية وصلت ل 27 عندها لو بصينا فالعدسة بتاع العربية هنلاقيها غالبا رايقة ومفيش فيها اي فقاقيع نكب شوية ميه كمان عالسربنتينة ونسيبه شغال 5 دقايق وبعدين نطفي التكييف ونبطل العربية ومبروك ياباشا









    خلاص شحنا التكييف وقفلنا المحبس وظبطنا القراية...نيجي لحتة مهمة ازاي نفك المسائل...





    حكاية الفك دي كل خطواتها لازم تتم بسرعة البرق ولازم منتخضش لو حصل تسريب عشان نلحق نتصرف






    يعني اما نفك صامولة نفكها بسرعة جدا...اول مانبدأ باننا نفك بسرعة المسمار ابو ابرة اللي في علبة الفريون...بعد كده هنفك الصامولة اللي مربوطة في بلف العربية ودي بسرعة جدا...ولو سمعنا تسريب بعد ما شلنا الخرطوم نضغط عليها ببوز الخرطوم كأننا هنركبه عشان ساعات السن بتاع بلف العربية مببيكونش معدول...وبعدين نجيب اللوفة ام صابون ونرغي عليه من غير ما نضغط عشان نتأكد ان مفيش تسريب...لو مفيش تسريب يبقى ركب غطيان البلف ولم العدة واطلع نام
    طيب لو فرض وواحد العملية شطحت منه وزود شحن...نعمل ايه؟؟؟ فك علبة الفريون بس...وسيب العداد بالخرطوم متوصل وافتح المحبس سنة صغيرة لحد ما تلاقي القراية ظبطت معاك





    وكفايه كده عشان انا بقى لي 4 ساعات باكتب لما احوليت وأرجو ان اكون قد وضحت بشكل كافي وارجو ان يحوز رضاكم





    وأي استفسار انا فالخدمة...وبأكد ان كل ده تجربة شخصية بحـــــــــــــته وكل واحد يخلي باله على نفسه مش عاوز اصابات ولا تلفيات وأرجو عند النقل وضع لينك الموضوع وكتابة انه منقول من فلان عشان انا تعبت فيه فوق ما تتخيلوا





    وارجو ان اكون حزت رضا الله ثم رضاكم




    تم دمج المشاركتين لسهوله تتبع شرح الموضوع
    مشرف عام 4

    تم تعديل عنوان الموضوع وتثبيتة
    الادارة


    Dr. Mostafa


  2. #2

    الصورة الرمزية medo20000

    رقم العضوية : 15260

    تاريخ التسجيل : 27Jul2008

    المشاركات : 544

    النوع : ذكر

    الاقامة : 6 october

    السيارة: الحمد لله كده رضا قوى

    السيارة[2]: E36 316 1997

    دراجة بخارية: لا يوجد

    الحالة : medo20000 غير متواجد حالياً

    افتراضي -

    والله ماشاء عليك أنا كنت هاموت واعمل الفكرة دى لان اتلسعت كتير من الصنيعية اللى معندهومش ضمير وكل واحد يقوللك دة فاضى على الأخر وكده هيتكلف 150 جنية بس ابقى راضى الرجالة ...............حرام مستنى على نار علشان أنزل أنفذ بس ليا كام سؤال كده؟
    1- الخامات دى بتتجاب منيين ؟
    2- لو السربنتينة فيها شوية فريون نعرف إزاى هى محتاجة قد اية وفيها قد ايه؟

    وربنا يخللييلنا نايل موتورز اللى مدلعنااااااااااااااااااا

    Medo 20000" من رضى فله الرضى ومن سخط فعليه سخطى "

    <?xml:namespace prefix = o ns = "urn:schemas-microsoft-com:office:office" /><o:p></o:p>


  3. #3

    الصورة الرمزية SunSet

    رقم العضوية : 60039

    تاريخ التسجيل : 25Jan2010

    المشاركات : 1,173

    النوع : انثى

    الاقامة : ِِSomewhere

    السيارة: الله المستعان

    السيارة[2]: Suzuki Maruti

    دراجة بخارية: Nil

    الحالة : SunSet غير متواجد حالياً

    افتراضي -

    متابعة باهتمام

    نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه


  4. #4

    الصورة الرمزية ابوهاشم

    رقم العضوية : 2602

    تاريخ التسجيل : 14Oct2007

    المشاركات : 3,896

    النوع : ذكر

    الاقامة : cairo new

    السيارة: volks beetle

    السيارة[2]: LANSER -1999.GLX

    دراجة بخارية: لا

    الحالة : ابوهاشم غير متواجد حالياً

    افتراضي -

    جزاك الله كل خير
    لحد كده كويس وسهل جدا ومفهوم
    يارب الباقى يكون سهل كده
    وفى انتظار البقيه

    ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]


  5. #5

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    جزاك الله ألف خير
    موضوع رائع و يستحق التثبيت


  6. #6

    الصورة الرمزية QaTaR

    رقم العضوية : 63440

    تاريخ التسجيل : 26Feb2010

    المشاركات : 376

    الحالة : QaTaR غير متواجد حالياً

    افتراضي -

    فكره رائعه وموضوع جامد واول مره اشوفه
    وكده احسن بدل ما تروح تشحنه عند حد
    والتكلفه هنا بسيطه جدا


  7. #7

    الصورة الرمزية yuyu0000yuyu

    رقم العضوية : 23429

    تاريخ التسجيل : 27Oct2008

    المشاركات : 882

    النوع : ذكر

    الاقامة : 2l mansura

    السيارة: lancer 2001

    السيارة[2]: fiat 128

    دراجة بخارية: 1

    الحالة : yuyu0000yuyu غير متواجد حالياً

    افتراضي -

    بجد ماشاء الله شكلى كده هعمل موضوع قريب عن شحن فريون الانسر بايدى ؟؟؟؟


  8. #8

    الصورة الرمزية exact

    رقم العضوية : 10617

    تاريخ التسجيل : 13May2008

    المشاركات : 2,422

    النوع : ذكر

    الاقامة : محافظة الغربية

    السيارة: NileMotors

    السيارة[2]: Suzuki SWIFT 1994 Japan

    دراجة بخارية: Phoenix

    الحالة : exact غير متواجد حالياً

    افتراضي -

    اقتباس المشاركة الأصلية كتبت بواسطة medo20000 مشاهدة المشاركة
    والله ماشاء عليك أنا كنت هاموت واعمل الفكرة دى لان اتلسعت كتير من الصنيعية اللى معندهومش ضمير وكل واحد يقوللك دة فاضى على الأخر وكده هيتكلف 150 جنية بس ابقى راضى الرجالة ...............حرام مستنى على نار علشان أنزل أنفذ بس ليا كام سؤال كده؟
    1- الخامات دى بتتجاب منيين ؟
    2- لو السربنتينة فيها شوية فريون نعرف إزاى هى محتاجة قد اية وفيها قد ايه؟

    وربنا يخللييلنا نايل موتورز اللى مدلعنااااااااااااااااااا

    1- بص ياباشا...فيه محلات كده بتبيع قطع غيار تلاجات وغسالات فالحاجة دي منهم واحتمال انك ممكن تلاقيهم في محلات العدة الكبيرة
    2- الفريون بيتعرف من عدسة ازاز موجودة في مجفف التكييف هتلاقيه حاجة عاملة زي الازازة المونيوم كده وماسورتين داخلين له من فوق والعدسة مابينهم اما بتشغل التكييف لو الفريون ناقص بتلاقي العدسة دي مليانه فقاقيع هوا واما بيكون مليان مش بتبان

    وربنا يخلي نايل موتورز للكل وعاوزين تشجيع بقى


    اقتباس المشاركة الأصلية كتبت بواسطة muslima مشاهدة المشاركة
    متابعة باهتمام
    وانا شاكر لاهتمامك

    اقتباس المشاركة الأصلية كتبت بواسطة ابوهاشم مشاهدة المشاركة
    جزاك الله كل خير
    لحد كده كويس وسهل جدا ومفهوم
    يارب الباقى يكون سهل كده
    وفى انتظار البقيه

    ان شاء الله الباقي هيكون سهل بس هتأخر يوم او اتنين عشان اكتبه واضح كدة وانا حاولت خفض التكاليف جدا عشان منجيبش عدد نرميها بعد كده



    أهم حاجة يا شباب ان يكون نظام التكييف سليـــم وميكونش فيه تسريب يعني منقص غير حاجة بسيطة انما لو النظام فاضي تماما يفضل صنايعي عشان هنعوز حاجات وعدد خسارة اننا نشتريها

    Dr. Mostafa


  9. #9

    الصورة الرمزية exact

    رقم العضوية : 10617

    تاريخ التسجيل : 13May2008

    المشاركات : 2,422

    النوع : ذكر

    الاقامة : محافظة الغربية

    السيارة: NileMotors

    السيارة[2]: Suzuki SWIFT 1994 Japan

    دراجة بخارية: Phoenix

    الحالة : exact غير متواجد حالياً

    افتراضي -

    للعلم يا شباب
    أنا مش فني متخصص
    أنا صيــــــــدلي
    انا يمكن معلوماتي اقل من ناس كتيـــر هنا
    بس غاوي من صغري ميكانيكا والكترونيات بزياده حبيتن
    وباحب اعمل اي حاجة في اي شئ بإيدي
    ولله الحمد مش متذكر امتى اخر مرة فيه حد جه البيت يصلح حاجة
    يمكن 15 سنة وللا حاجة

    بس ادينا بنتبادل معلومات

    Dr. Mostafa


  10. #10

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    hasad">

    عشرة على عشرة

    ربنا يكرمك و يحفظك في الدنيا والاخرة
    ادى الدعوة يا سيدى

    ومتابع معااااك



 
صفحة 1 من 30 1 2 3 4 5 6 11 ... الأخيرةالأخيرة

المواضيع المتشابهه

  1. بخصوص الموضوع المثبت ( حصري لنايل موتورز-اشحن تكييف عربيتك بإيدك...بالصور )
    بواسطة husseinsalah في المنتدى مشاكل وصيانة تكييف السيارة
    مشاركات: 3
    آخر مشاركة: 26-07-2012, 10:35 AM
  2. تقرير بالصور لتويوتا فورتشنر لنايل موتورز -حصري
    بواسطة DarkMagician في المنتدى أخبار السيارات في مصر والعالم
    مشاركات: 19
    آخر مشاركة: 18-05-2012, 11:31 AM
  3. حصري الراب لنايل موتورز الجزء التاني
    بواسطة ME5EMR في المنتدى مختــلف أنواع الدراجات النارية
    مشاركات: 16
    آخر مشاركة: 15-07-2011, 10:09 PM
  4. بالصور: ظاهرة هبوط الطرق في مصر - تقرير حصري لنايل موتورز
    بواسطة Samir Elshahawy في المنتدى أخبار السيارات في مصر والعالم
    مشاركات: 39
    آخر مشاركة: 30-09-2010, 02:42 AM
  5. انفراد حصري لنايل موتورز...حقيبة الإسعاف المعتمدة بالصور
    بواسطة Engesso في المنتدى ساحة المرور وموضوعات التأمين في مصر
    مشاركات: 86
    آخر مشاركة: 08-02-2009, 03:33 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2