الموضوع: برجاء المشاركة ....

السلام عليكم و رحمة الله و بركاته
من منطلق حبى للمنتدى العظيم و الاكتر من رائع و كامل احترامى لكل الاخوة الافاضل انا عملت الموضوع ده .....

ارجو من الاخوة الاعضاء و خصوصا كل الاعضاء اللى ربنا وفقها و حطت استيكر المنتدى على عربياتها ( منهم العبد لله ) و اللى لسة ناوى يحطه و حتى اللى مش هايحطه لاى سبب قراءة الموضوع و المشاركة سواء بالنقد او الاضافة

فى سؤال لازم كله يجاوب عليه ..

حد سأل نفسه اية المطلوب منى عشان احط الاستيكر على عربيتى ا ؟.... ( محدش يقولى 30 جنية تمن الاستيكر ! ) قبل ما تجاوبوا استأذنكوا تقروا الموضوع الاول

قبل ما نشترى الاستيكر اكيد طبعا كلنا بنفكر هانستفيد منه ب اية و مين اللى بيقدم خدمات و خصومات لحامل الاستيكر.. و.. و.. و..
و طبعا فى موضوع شامل مثبت فى المنتدى العام يشمل كل ما تحصل عليه مقابل الاستيكر و اماكن توزيعه
لكن مش هو ده المهم
عاوز اوضحلكوا حاجة
فى ناس اشترت ( او لسه ها تشترى ) الاستيكر ده لغرض مادى بحت و هو الحصول على الخدمات و الخصومات المقدمة و ناس اشترت الاستيكر كنوع من الافتخار بالانتماء للمنتدى العظيم ده (زى حالاتى ) و فى ناس اشترته للغرض المادى و برضة الافتخار بعضويته فى المنتدى مع بعض وممكن يكون فى اغراض تانية بس انا معرفهاش و طبعا فى كل الحالات السابقة و جود الاستيكر على اى عربية ده يعتبر دعاية كبيرة للمنتدى و للاسف الدعاية دى ممكن تكون سلبية زى ما ممكن تكون ايجابية
و عشان اوضحلكو ازاى ممكن تكون دعاية سلبية تعالوا نفكر مع بعض فى الموقفين دول ..

بافتراض انه ما يعرفش حاجة عن المنتدى
(1) لو شخص ماشى فى الشارع و لقى مثلا شباب راكبين عربية و ماشين يعاكسوا مثلا او ماشين مخالف او او او هايكون اية احساسه ساعتها ؟؟ ... طيب لو بص و لقى استيكر على القزاز و قرب من العربية و قرأ الاسم نايل موتورز !!..... اترك لكم تخيل كم الافكار اللى ممكن تراود مخيلة هذا الشخص
(2) طيب لو نفس الشحص ماشى فى الشارع ولقى عربية مثلا بتقف عشان راجل يعدى الشارع او عربية واقفة مستنية الاشارة تفتح مثلا رغم ان الطريق فاضى او او او طيب لو لقى الاستيكر على القزاز ؟... برضه هاترك لكم التخيل

طيب حد هايسألنى انت عاوز توصل لاية ؟! هاقوله لية ما نستغلش الاستيكر ده و نحاول نرد الجميل للمنتدى باننا نبدأ حملة باسم المنتدى و نبدأ نغير فى سلوكيات و سلبيات المجتمع بتاعنا عن طريق اننا نبدأ بنفسنا و نبذل كل جهدنا فى تغيير سلبياتنا و سلوكياتنا و نحاول نكون مثال للاتزام و الاخلاق و الذوق طبعا احنا هانعمل كل ده عشان ربنا سبحانه و تعالى يكون راضى عننا و عشان المنتدى( اللى هو الاداة اللى هانستخدمها للتغيير نحو الافضل ان شاء الله ) يكبر اكتر و ينتشر ...

انا مش عايزكوا تستتقلو ا الموضوع و ارجوا ماكنش السبب فى عزوف البعض عن شراء الاستيكر !!
لكن كل ما اقصده من الموضوع ده يتلخص فى الجملة دى
((((( زى ما استفدت من المنتدى حاول ترد الجميل و كن مثال على الاخلاق و الذوق و الالتزام طبعا ابتغاء مرضاة الله سبحانه و تعالى ثم حفاظا على صورة المنتدى امام الناس من اجل تغيير المجتمع للافضل ))))

معلش طولت عليكوا و مستنى مشاركاتكم

المشاركة الأصلية كتبت بواسطة د.محمود صلاح

المنتدى قائم على الشراكة وخدمة بعضنا البعض من خلال طرح التجارب والخبرات ...

افهم من كلام حضرتك ان المنتدى المفروض ما يكونش ليه اى دور خارجيا فى اى نشاط ؟؟!!