الموضوع: الكاريــــــــنز - العددات مش عايزة تشتغل

السلام عليكم ورحمة الله وبركاته
من مواضيع الكارينز الموجودة فى مجموعة Carens Owners

---

#0000ff

المشاركة الأصلية كتبت بواسطة mohamedwahid

ركنت العربية بالليل و نزلت تانى يوم ادور العربية لقيت كل العددات فاصلة و مش عايزة تشتغل
كل شىء تمام ماعدا العددات الحرارة والار بى ام والسرعة والبنزين والكمبيوتر الى بيدى بيانات
الغيارات والمسافات منور بس ومفيش اى اراية للبيانات
المهم رحت لامير وجوزيف قالولى العددات عايزة تتغير بس انا مش واثق فى كلامهم
المهم كلمت بتوع الضمان النهاردة ومستنى اشوف الحل وقولولى اية الحل
على فكرة انما ساعات الكلاكس بيعلق معايا مرة يشتغل وساعات يقصل

---

#0000ff

المشاركة الأصلية كتبت بواسطة ehab_osman

والنبي ........... شوف الحكاية .. وطمني .... وحكاية عدادات تتغير ده حكاية غير طبعية ... وان مركز صيانة يقلك غير العدادات ده .......... لا مؤخذة ؟؟؟؟؟؟؟؟؟؟؟ المهم شوف لايكون فيوز أو أكثر ضارب ولا حاجة ؟؟؟؟ او جزء من لوحة الفيوزات ضارب ... في موضوع عن الاحمال الزائدة وضررها علي لوحة الفيوزات

---

#0000ff

المشاركة الأصلية كتبت بواسطة Khaled_Nowaihy

استاذ محمد
مفروض حسب الكتالوج فيه فيوزين مسئولين عن العدادات ... الثانى والثالث على اليسار من أعلى فى علبة الفيوزات الداخلية (أسفل يسار الدركسيون)
حاول تشوف الفيوزات دى سليمة وللا لأ

---

#0000ff

المشاركة الأصلية كتبت بواسطة mohamedwahid

انا لما رحت لامير وجوزيف قالولى العددات بايظة وقالولى هاندور عليها ونتصل بيك وبعدين كلمت مسئول الضمان بعتلى مهندس فقال نفس الكلام
بعدها واحد صحبى قالى انة يعرف واحد بيصلح الاعطال بتاعت الكنترول يونت وبينزل سوفت ويير للكنترول يونت بتاعت العربيات وبيعمل اى اعطال مصطعصية
على اى حد راجل عفريت بصراحة و محترف جدااااااااا الى اقصى حد
المهم العداد اتفك وتم تغيير اى سى كان عطلان والعددات اشتغلت والحمد لله

---

#0000ff

المشاركة الأصلية كتبت بواسطة Khaled_Nowaihy

الحقنا بيه الله يخليك يا أستاذ محمد ... يمكن نحتاجه فى أى وقت
أنا كده بدأت أشك فى الجماعة بتوع أمير وجوزيف دول
يقولوا العدادات عاوزة تتغير ... وحايغيروهم .... خدوها من قصيرها وقالوا تتغير
أكيد مش عارفين المشكلة فين
أستاذ ايهاب عثمان : ما رأيك فى ذلك ؟

---

#0000ff

المشاركة الأصلية كتبت بواسطة ehab_osman

طبعا متابع .... طبعا المشاكل الفنية الدقيقة ديه ... هي ال بتعرفنا مدي قوة مركز الصيانة من عدمه .... وكلمة العدادات بايظة ديه كبيرة قوي ................. وكمان في عربية جديدة .... اعتقد اني ديه علامة ..... ( - ) تتحط علي المركز ............. ده اكيد .... بس احنا لازم نتكلم ..اولا مع بعض لزيادة المعرفة والعلم والخبرة بمعني ان محدش يشتغلنا ............ وانا حروح المركز واتكلم معاهم في الحكاية ديه ......لعدة اشياء حتي يتعلموا .... وحتى يعرفوا مين هم رجاله نايل موتورز ................................

ثانيا الرجل بتاع الكونترول ده فين واسم ايه واتكلفت كام ............ وايه هيه الكونترول يونيت ديه عايزين نعرف تفاصيل عنا شوية

---

#0000ff

المشاركة الأصلية كتبت بواسطة ehab_osman

ده رد م. رامي"" أولا شكرا علي اهتمامك ثانيا انت لو مكان العميل دة وليك ضمان دافع فلوسة هتوافق العداد يتفك ويتغير اي سي ولا ان يجيلك طقم عدادات جديد كامل بدون عيوب..

الفكرة اني كوكيل للعربيات مش بوافق علي حلول فك العداد وتركيب اي سي ولجامات وكدة لانة من حق العميل انة ياخد عداد جديد مش مفكوك..
بعد كام سنة لما يجي العميل يبيع العربية وواحد يقوللي بص علي العداد يا باشمهندس ملعوب فية ولا لأ اكيد اول ما اشوفة هلاقي انة مفكوك قبل كدة وهاقول علي طول انة ملعوب فية..ودا طبعا ما يرضيش العميل اللي ناوي يشتري وبكدة ابقي لعبت في حاجة اساسية في العربية بدون وجة حق وضيعت علي العميل صاحب الضمان انة ياخد حقة..
اتمني تكون الامور واضحة """"

---

#0000ff

المشاركة الأصلية كتبت بواسطة mohamedwahid

الكلام دة جميل جداااا طيب ولما يتقال لك ان العدداد دة مش موجود منة فى مصر وان التوكيل هايجيبة من كوريا برقم الشاسية بتاع العربية واستنى بقى ييجى بعد شهر او اتنين الله اعلم هاتعرف بقى تمشى من غير ما تعرف السرعة كام والحرارة والار بى ام
و البنزين و قراءة الشاشة بتاعة الكيلو اقولى كان ساعتها ها تختار اية دة غير زهوة العربية الجديدة الى ضاعت بسبب الموضع دة

وعلى فكرة انا شارى ضمان وهو اللى ددافع مش انا ولو العداد اتغير بردة الضمان الى هايدفع