السلام عليكم يا أحلى منتدى فى الدنيا
امبارح كنت فى مشوار بالعربية المهم وأنا رايح العربيه كانت زى الفل المشكله بقى وانا راجع حسيت ان الموتور بقى فيه خشونه والسحب بقى ضعيف حتى فى طلعه العربيه لازم ادوس بنزين جامد عشان تطلع مش عارف ايه السبب ياريت تدلونى .
علما بأن : حراره الموتور كانت جيده جدا وكل حاجه كانت مظبوطه بس مش عارف فى ايه ...؟ :whtauwant:
غير زيت الماتور والفلتر وشوف هيحصل فرق ولا لا
شكرا على ردك ياجميل وربنا يخليك
هو ممكن زيت الموتور يعمل كدا ويققل السحب
غيرت البوجيهات اخر مره امتى
غيرتها من حوالى شهر ونص
تمام بردو نقطه البوجيهات بص عليها موش هتخسر حاجه بصراحه احنا الجو عندنا بقى وحش اوى بيبوظ الوجيهات بسرعه كمان الزيت ساعات بيبقى مش كويس معانو بيبقى جديد انا مره غيرت زيت وصوت الماتور على جدا وبقى خشن طلع الزيت بايظ فغيرتو تانى وبقى تمام بالنسبه لعربيتك بقى فى حاجه اخيره ومهمه اوى ممكن تخليها متسحبش بس مش هيبقى ليها علاقه بصوت الماتور الابلاتين والكوندنسر اعمل كده صيانه سريعه مش هتاخد نص ساعه وربنا يكرمك وتتظبط بس ابقى قول عملت ايهاقتباس:
المشاركة الأصلية كتبت بواسطة stonetaker
الف شكر ليك عشان افتكرتنى
انا فعلا هابص على الزيت والبوجيهات واشوف فيه ايه وهابقى اقولك عملت ايه بالظبط
ربنا معاك يا بوب
السلام عليكم
عن تجربة ده في الغالب صوت الخشونة من بلية الدبرياج
و الغالب هتحتاج اسطوانة و ديسك
شوف كمان طقم الكهرباء (ابلاتين و كوندينسر) مع تغيير الزيت و الفلتر و اتأكد ان مفيش جوانات ضربت زى جوان وش السلندر , و متحاولش تقرص عليها علشان تعوض ضعف السحب, صلحها الاول بدل متتفاقم المشكلة
فعلا عن تجربة حصل معايا كدهاقتباس:
المشاركة الأصلية كتبت بواسطة maxtor1980
اعتقد ان دا السبب فعلا وكان حصل معايا قبل كده وبعد تغيير البلية والاديسك والاسطوانه العربية نعمت تمام والسحب ناراقتباس:
المشاركة الأصلية كتبت بواسطة maxtor1980
العربية سوزوكي سويفت 1993
فعلا كل دى مؤشرات عن قرب عمرة دبرياج