سى دى اللوجان بيقطع كتيير

**logan2010** · 22-05-2010 10:23 AM

انا معايا العربيه من حوالى 3 شهور و طبعا كنت شغال على mp3 fm و الايان دى باشغل السى دى لقيته بيشتغل تمام و بعد ما يطول شويه يبدأ يقطع جربت كذا اشطوانه هوه تقريبا لما يسخن بتحصل المشكلة دى لانها مش بتحصل من اول التراك هل حد صادفته المشكلة دى و هل اغير الكاسيت و اجيب كاسيت تانى و ايه اللى ينفع للوجان انا سمعت انه البايونيير 2150 سعره 575 و ممتاز و فيه usb ولا فيه احسن منه و يكون سعره متهاود هل حد من الاخوه هنا غير السى دى بتاعه يا ريت يقولنا و يقول نوعه ايه ؟؟؟؟؟؟
بس المهم انه يكون خلفيته فى الاضاءة زى الكاسيت القديم لانه ماشى مع اضاءة العربيه

**factorialx** · 22-05-2010 10:33 AM

اول حاجه ممكن يكون السي دي متجرح أو نوعية رديئه ------------> إشتري حافظة سيديهات أو غير لسيديهات tdk
ممكن تكون العدسة متربة مع إن العربية جديده و أنا معايا العربية من 6 شهور و محصلتش معايا المشكله دي

بس بالنسبه ليا الكاسيت شغال تمام حتى مع الطرق الطويله لما يسخن يعني

**hesham_tawfiq** · 22-05-2010 10:48 AM

كان عندى نفس المشكله واكتشفت انو كان عيب السى دى اللى بستخدمه مش عيب البلاير

**M.Radwan** · 22-05-2010 11:46 AM

المشكلة دي بتحصل عندي برضه لما السيدي يشتغل كتير
مش عارف العيب منين.

**Egyzizo** · 22-05-2010 01:51 PM

طالما عندك mp3 ، يبقى احنا قرينــا عليك .. :)

**logan2010** · 22-05-2010 02:11 PM

المشاركة الأصلية كتبت بواسطة Egyzizo

طالما عندك mp3 ، يبقى احنا قرينــا عليك .. :)

لا ما قريتو عليا لانه الكاسيت اوديو انا كنت اقصد ال fm mp3 الى بيركب فى الولاعه دا انا بافكر اغير السى دى بواحد يكون فيه usb و عاوز نوع يكون كويس و سعره متهاود

**Galilioz** · 22-05-2010 02:50 PM

انا العربيه معايا بقالها اربع ايام حصل معايا الموضوع ده فى عدد 2 سي دى بصيت عليهم لقتهم مجروحين شويه روحت عاملين اتنين جداد وشغلتهم شغالين تمام ومحصلش حاجه من بعد كده وربنا يستر

**medoadel** · 22-05-2010 03:20 PM

المشاركة الأصلية كتبت بواسطة logan2010

لا ما قريتو عليا لانه الكاسيت اوديو انا كنت اقصد ال fm mp3 الى بيركب فى الولاعه دا انا بافكر اغير السى دى بواحد يكون فيه usb و عاوز نوع يكون كويس و سعره متهاود

طيب ياباشا مش كنت توضح الموضوع ده قبل ما نقور عليك ياللا مش مش مشكلة ، على فكرة العيب ده تقريبا عيب سيديهات استخدم سى دى نضيفة وجرب، و تعرض السيديهات للحرارة العالية فى العربية ممكن يعمل كده. او تعرض السيديهات للخربشة.