لا مفيش يامان في المودلات دي هاف اسبورت كلاسك بس
عن توفير الوقود مش هتحس بفرق كبير يعني لان الفتيس الcvt الي في الاوتوماتك موفر للوقود عموما
لكن هتحس بالقوه في المنيول طبعا
عرض للطباعة
لا مفيش يامان في المودلات دي هاف اسبورت كلاسك بس
عن توفير الوقود مش هتحس بفرق كبير يعني لان الفتيس الcvt الي في الاوتوماتك موفر للوقود عموما
لكن هتحس بالقوه في المنيول طبعا
ابو زياد من الواضح كده انك هاتغرقنى بجمايلك من البداية كده
باشا بجد هاكون شاكر فضلك لو الموضوع ده نفع - انا ساكن فى الهرم وبسيطه ان شاء الله انى اقابل حضرتك فى المكان اللى ينسبك
وفعلا انا كان نفسى فى الالنترا بس للأسف غالية عليه شوية
بالمناسبة يا رجالة انا سألت على الاسعار بدل المرة 32656984 مرة
طيب نعكس السؤال - انا امكانياتى دلوقتى 70.000 وممكن بالعافية ازقها الى 75.000 - هل ده يجب لى عربية حالتها ممتازة (ممتازة مش كويسة) لأنى برضو بدور على عربية فابريكة بره وجوه بالاضافة ان الكيلو متر بتاعها يكون قليل
انا تحت امرك ياباشا وياريت تبعتلى رقم تليفونك علشان ارفع عنك الحرج وانا اكلمك
وبالنسبه للسعر ده هايكون فى معادله كده ممكن تفيدك
لو 70000ج وهانبص للموديل يبقا اخرنا خالص لانسر 1300 موديل 2008 مانيوال
ولو 1600 مانيوال يبقا اخرنا 2006
بالنسبه للانترا المانيوال تقريبا سعرها زيرو 93000ج
يبقا لو 2007 مثلا تقريبا هايكون فى حدود 75000ج
يا باشا بجد انا متشكر جدا لكرم اخلاقك - وهابعت لحضرتك رقمى على الخاص
كلام منطقى بخصوص المعادلة - لكن عايزين نشيل ال 1300 من المعطيات بتاعتنا
لو بقت 2007 يا ابو اياد تبقى ممتازة علشان الجنوط والثبات - بالمناسبة يا ابواياد وانا عارف اننا فى منتدى المتسوبيشى - لكن معلش استحملونى - لو على 75000 وقدامى النترا تبقى هيه ولا اللانسر؟
تم استلام الرساله وهاكلمك قبل ما انزل باذن الله
اما بخصوص اللانسر ولا الالنترا ده مالوش علاقه بالقسم انما بما يرضى الله مش شرط علشان انا راكب لانسر تبقا احسن عربيه فى العالم يكفى ان مثلا البومه مش هانقول 2001 لا من 2004 والالنترا بعدها ب 3 سنوات اكيد الدنيا اختلفت وشوف المشاركه دى
http://www.nilemotors.net/Nile/151541-a.html
أبو اياد :S_thum1[1]::S_thum1[1]::S_thum1[1]:
فعلا انا مش عارف اشكرك ازاى يا محمد باشا على الواجب اللى حصل امبارح
قبل اى شئ نعتبر ان أبو اياد زيه زى أى عربية ونبدأ نقييمه
راجل محترم جدا ومهذب جدا بالاضافة انه فاهم عربيات جدا جدا جدااااااااااااااااااا
تقييمه للعربية بيختلف عن تقييمنا تماما - الراجل بيقيم كل عربية بوجهة نظر مختلفه - العربية ديه ناعمة - العربية ديه اقتصادية - العربية ديه شيك - العربية ديه مميزة
يمكن كلنا عندنا الجزئية ديه لكن اعتقد ان ابو اياد مميز شوية فيها
المقابلة
اتقابلت انا ومحمد باشا على الساعة 9 تقريبا
عربيتة 1300 مانيوال والراجل مشكورا اول لما شافنى كان مصر انى انا اللى اسوق العربية لكن انا أجلت الخطوة ديه شوية
روحنا من الهرم للعجوزة احساسى بالعربية بصراحة مكنش الفرق الوهمى اللى كنت متوقعه - يمكن علشان 1300 الله اعلم
المهم بعد ما روحنا العجوزة واتكلمنا شوية على العربيات وعلى الدنيا بعدها - بدأ الكلام اللى بجد
ابواياد جب لى عربية النترا تقريبا 2010 علشان اجربها - طبعا اول احساس انى لما ركبت العربية انها فعلا جديدة - مش زى اللانسر اللى تحس انها فقيرة جدا من حيث الصالون بتاعها
ملحوظة رفيعة على الماشى - انا مش باسوق عربيات كتيرة لكن ديه تقريبا العربيات اللى بسوقها -> لانوس 2000 - لانوس 2010 - مرسيدس 200 89 اوتوماتيك - بريليانس جالينا 2009 اوتوماتيك
بدأت أسوق اللانترا أول حاجة مش عارف اتحكم نهائيا فى الدريكسيون - أنعم دريكسيون قابلته فى حياتى لدرجة انى شايف انه فعلا عيب مفزع - صوت الموتور واضح فى الصالون لكن مش بدرجة مزعجة - وانت ماشى بالعربية فعلا حاسس بفخامة محترمة - اللى ازعجنى بجد هو عفشة العربية بتدبدب بشكل واضح لكن محمد قال ان ده سببه ان العربية لسه جديدة بالاضافة ان الهواء فى الكاوتش مش مظبوط
بعد نزولى من العربية فعلا احساسى انها حاجة محترمه جدا - وفعلا بعد ما نزلت منها قعدت اتفرج على محمد وهو بيركن العربية وفعلا انا معجب بيها جدا
بعدها جربت العربية بتاعت محمد ال 1300 بصراحة ومن غير زعل انا محستش بالوهم اللى كنت منتظره (بعكس الاحساس بالفارق الشاسع اللى حسيته مع الالنترا) لكن فرحت جدا بالدركسيون انه تقريبا زى اغلب العربيات اللى نعرفها وتحكمى فى العربية كان سهل جدا - تحس ان العربية هيه اللى بتتحكم فى نفسها - العيب القاتل بتاعها طبعا العزل حاجة تييييييييت بنت تيييييييييييت - يا رب ال 1600 تكون اهدأ
طبعا انا فخور جدا انى اتعرفت على شخصية محترمة زى المهندس محمد عزت - وان شاء الله انا هاجرب بكره أو بعده لانسر 1600 أوتوماتيك (مع العلم انى مش بحب الاوتوماتيك) وهاقول لكم على النتيجة
انا عارف انى تقريبا بعيد كلام اتقال قبل كده ألف مره فى المنتدى بس معلش استحملونى شوية
والف الف الف الف شكر يا محمد باشا وربنا يقدرنا على رد جمايلك
محمد باشا صبحى بجد انا عاجز عن الشكر عن الكلام ده وفعلا باشكر الله ان اتيحت لى فرصه بالتعرف على شخصيه محترمه ومهذبه مثلك وباذن الله تدوم العلاقات الطيبه بين جميع اعضاء المنتدى فى الخير
اما بقا عن العربيات انا سعيد انك فتحت مجال المناقشه فى نقطه تقييم العربيات لانى بجد باكون حزين جدا لما الاقى حد محتار بين عربيتين والاقى عضو بيرشح عربيه دون تجربه الاخرى او لانه يمتلك احداها
علشان كده لما انت قولتلى امبارح النترا قولتلك ما تحددش الا لما تجرب لانسر 1600 ومن هنا تقدر تحدد انت عاوز ايه المفروض ان اللى بيقيم عربيه بيقيمها من خلال تجارب واقعيه وشخصيه وليس بالسمع
وباردوا انا ليا راي تانى بس حسب رغبتك وهى انك تفكر فى موضوع الاوتوماتيك سواء لانسر او النترا طالما 1600
وباذن الله بقا الخطوه الجايه تدخل على السيراتو كوبيه
اضحك بقا
ممدوح اتصل بيا دلوقتى ومش فاهم حاجه من كلامه من كتر الضحك
راح يظبط كاوتش العربيه لقاه كام بقا ؟؟؟؟؟؟؟؟؟؟؟؟؟؟؟؟؟؟؟؟
42 :eee:
والادهى ان الاربع فرد كلهم زى بعض والراجل عمال يبرطم بالكلام ويقول هو من ساعه الحـ........ ما اتلغى والناس كلها باقت بتهييس
صدقنى يا محمد باشا كده الكلام منطقى جداااااااااااااااا
فاكر لما قلت لك مينفعش الفخامة والشياكة بتاعت الصالون والعربية ديه مع العفشة الغريبة ديه
طبعا انت سيد العارفين ان العربية كدة تقريبا كانت ماشية على زلط مش كاوتش
الحمد لله انك اخدت بالك ورجعت على العجل على طول زى ما قلت لى