ان شاء الله قررت اجيب نيسان صني سوبر صالون تنصحوني اجيبها منين

**pink_world** · 22-05-2010 03:26 PM

السلام عليكم
بعد حيره طويله مع العربيات المستعمله والزيرو اللي اقل من 100 الف لقيت ان احسن حاجه بالنسبالي هيا نيسان صني
بس محتاره اجيبها منين ...
انا كلمت السبع وقالي عندهم كل الالوان وانه هيعملي تخفيض وكده بس هوا بعيد عني شويه عشان ف مصر الجديده
ولا اجيبها من اوتو ايجيبت ف المهندسين؟؟؟ بس مش عارفه هيعملي تخفيض ولا لأ بس هوا عنده كل الالوان
وكمان قريت في منتدى ان احد الاعضاء اشترى سوبر صالون من national union اللي في مدينة نصر ب 98الف وعملوله الترخيص ف نص ساعه بس بيتهيألي دا معرض مش موزع معتمد
تنصحوني اجيبها من فين؟؟؟ عشان انا عاوزه اجيبها من مكان مضمون ويخفضلي ف سعرها وياريت لو يساعدني في الرخصه

طلب اخير
ايه الحاجات اللي اتأكد منها لما استلم العربيه؟؟ قصدي ادور على خبطات واجرب التكييف والسماعات بس ولا اجيب ميكانيكي معايا عشان انا ماعنديش خبره في العربيات

**sskarim** · 22-05-2010 04:19 PM

السلام عليكم,

أرشح لحضرتك اوتو ايجبت مدينة نصر..شارع النادي الأهلي (حسن المأمون)....16666
ناس في قمة الذوق والاحترام.

**ahmed alaa** · 22-05-2010 05:56 PM

اوتو ايجيبت المهندسين

**fady_anis** · 22-05-2010 06:34 PM

اوتو ايجيبت افضل

وبالنسبه للحاجات اللى حضرتك تتأكدى منها عند استلام العربيه
1- دفتر الصيانة والضمان
2- 2 مفتاح + 1 ريموت فقط
3- العربية جديده مفيش داع لميكانيكى يكشف عليها خالص
4- وحضرتك بتستلمى العربيه بصى على كل حاجه فيها من بره وجوه

واتمنى ان حضرتك تواظبى على الصيانة الدورية للعربية حسب عدد الكيلومترات الوارده فى دفتر الصيانة وده عشان تضمنى ان العربيه تعيش مع حضرتك اطول وقت ممكن بحاله جيده

وألف مبروك مقدماً على العربيه واختيار موفق

**pink_world** · 22-05-2010 07:09 PM

خلاص ان شاء الله هروح اوتو ايجيبت
بس عاوزه اعرف هوا هينزل في سعرها زي باقي المعارض ولا اجيبها ب 100 وخلاص
ولو جبتها من اوتو ايجيبت ينفع اعمل الصيانه في السبع ولا هتكون الاولويه للي شاريين من عنده؟؟
شكرا

**محمد ابراهيم 1** · 22-05-2010 07:17 PM

ينفع تعملى الصيانة فى أى مكان بس شوفى فروق الأسعار دى إنتى أولى بيها

**atefadel** · 22-05-2010 09:24 PM

المشاركة الأصلية كتبت بواسطة pink_world

السلام عليكم
بعد حيره طويله مع العربيات المستعمله والزيرو اللي اقل من 100 الف لقيت ان احسن حاجه بالنسبالي هيا نيسان صني
بس محتاره اجيبها منين ...
انا كلمت السبع وقالي عندهم كل الالوان وانه هيعملي تخفيض وكده بس هوا بعيد عني شويه عشان ف مصر الجديده
ولا اجيبها من اوتو ايجيبت ف المهندسين؟؟؟ بس مش عارفه هيعملي تخفيض ولا لأ بس هوا عنده كل الالوان
وكمان قريت في منتدى ان احد الاعضاء اشترى سوبر صالون من national union اللي في مدينة نصر ب 98الف وعملوله الترخيص ف نص ساعه بس بيتهيألي دا معرض مش موزع معتمد
تنصحوني اجيبها من فين؟؟؟ عشان انا عاوزه اجيبها من مكان مضمون ويخفضلي ف سعرها وياريت لو يساعدني في الرخصه

طلب اخير
ايه الحاجات اللي اتأكد منها لما استلم العربيه؟؟ قصدي ادور على خبطات واجرب التكييف والسماعات بس ولا اجيب ميكانيكي معايا عشان انا ماعنديش خبره في العربيات

انا الي حضرتك بتتكلم علية
و نصيحة لو حضرتك من سكان مصر الجديدة او مدينة نصر
روح المعرض ناشونال يونايتد
بدون اي كلام كتير انا روحت يوم الجمعة شوفت العربية بس كانت سوداء
يوم السبت اتصل بية روحت الصبح قبل ماروح الشغل لقيت العربية موجودة بس متربة قولتلة اشوفها ازاي
و انا مروح عديت لقيت العربية مغسولة ومفيهاش اي مشكلة
يوم الاحد الصبح روحت بالفلوس اخذت العربية روحتها وبعدين لروحت الشغل
وانا مروح عديت علية اخزت الضمان وورق العربية
اعتقد مفيش حد يقدر يطلع ورق العربية بالسرعة دية في اي معرض
ثانياز هو موزع نيسان فقططططططططططططط والناس محترمة قوي
ثالثا (حماتي)عجبتها العربية فأتصلت بيهم وهي راحت و استلمت الون الرمادي (من الالوان الجديدة) في اسبوع فقط واخزت كل اوراق العربية تاني يوم
العربية معايا واشكر ربنا الاختيار كان موفق
واي استفسار انا تحت امرك

**pink_world** · 23-05-2010 05:18 PM

انا رحت النهارده معرض المصريه للسيارات اللي في المعادي ومالقيتش عندهم سوبر صالون وكان بيحاول يقنعني اشتري ex saloon وقالي ان الفرق بينهم مش مستاهل فرق السعر ده وكان سعرها 98,500 وقالي احنا عندنا ارخص اسعار
و كمان كان بيقتعني اشتري تيدا اعلى فئه (سيدان او هاتش باك) كان عليها خصم عاملين سعرها 122,500 كنت خلاص هجيب تيدا بس لما رحت اتو ايجيبت اللي في المهندسين كانت عندهم سوبر صالون بس كانت كحلي وال ex كان لونها الفيراني الجديد قالي ممكن يجيبلي سوبر صالون فيراني وفرشها بيج
انا رجعت احترت تاني
اجيب صني سودا ولا فيراني ولا اجيب تيدا هاتش باك ؟؟؟ حد عنده نصيحه؟؟

**Ahmed.TV** · 23-05-2010 05:39 PM

لو معاكى امكانية تجيب تيدا هاتش باك سواء اول فئة او تانى فئة يبقا توكلى على الله وهاتى التيدا , لان التيدا عربيات محترمة جدااا , وبعدين التيدا الهاتش باك حتريحك فعلا , وعربية يبانى بالكامل فى كل قطعة فيها سواء جوة الصالون او فى الماتور او العفشة او فى الكاوتش وتقفليها روعة , وسحبها قوى , وموفرة فى استهلاك البنزين , وكمان مش حتحتاجى معاها الا الصيانات الدورية فقط البسيطة , واى ميكانيكة فى العفشة حتكون بعد ال100 الف , يعنى حتى اقتصادية فى قطع الغيار المعمرة فيها
وكمان الهاتش باك على البنات شكلها حلو , وياريت تعملى تيست دريف فى اتو ايجيبت على النيسان صنى وعلى التيدا , وسعتها حتقدرى تحكمى براحتك وعن تجربة

ولو دماغك ميالة الى النيسان صنى وحابة توفرى الفرق , يبقا خاليكى فى النيسان صنى سوبر صالون ,

وبالنسبة الى الالوان ابعدى كل البعد عن اللون الاسود فى العربيات وخاليكى فى الفواتح او الالوان المتوسطة فى الغمقان , يعنى ممكن فرانى

بالنسبة الى النيسان صنى ارشحلك اللون الفيرانى الجديد , وبالنسبة الى التيدا ارشحلك اللون الاحمر تحفة فيها او الموف

الموضوع: ان شاء الله قررت اجيب نيسان صني سوبر صالون تنصحوني اجيبها منين

LinkBack

أدوات الموضوع

عرض

-

-

-

-

المواضيع المتشابهه

اجيب صني سوبر صالون بالسعر الرسمي قسط منين ؟؟

نيسان صنى سوبر صالون ولا لانسر بومه سوبر أكشن الرياضيه الكامله

موضوع للنقاش الهام ....قررت اغير لجنوط 16 ان شاء الله وعايز جنوط الكوبيه اجيبها منين

ايه اسعار ال byd دي ؟؟ و تنصحوني اجيبها و لا اجيب زوتي اكسبلوجن 2 ؟؟

ياجماعة أرجوكم حد يقولى أشترى منين نيسان سوبر صالون

الكلمات الدلالية لهذا الموضوع

المفضلات

المفضلات

ضوابط المشاركة