اخير استلمت ماتريكس 2010 تقرير مصور و انتظرو صيانة الاف
اخوانى وبعد طول انتظار استلمت ماتريكس 2010 مانيوال
وهذا هو تقريرى عن السيارة (كل اللى فاكرة دلوقتى ولو افتكرت حاجه جديدة هقولوكو)
و طبعا فى واحد تاني عند صيانة الاف
المميزات
عزل للموتور جيد الى حد كبير طبعا لسه مجريتش اوي
ارتفاع عن الارض جيد
تابلوة جيد وشيك وان كان الخامات فوق المتوسط
شنطة واسعه
صالون مريح جدا جدا جدا
تكييف ممتاز (مجربتوش الا ثوانى قليلة ) بس جربته قبل كده فى اكثر من عربية ماتريكس
اضائة التابلوة مريحة
اماكن حفظ كثيرة جدا مع ان عم غبور شال حاجات اكثر
كاسيت سي دي و ام بي 3 صوته نقي جدا الى حد كبير
عائلية جدا جدا
مساحة التخزين بالشنطة الى حدا ما كبيرة مش صغيرة بالمقارنة بالهاتش باك
العيوب
كان ينقصها بعض الكماليات كجنوط الاسبور والايرباج
عدم وجود عداد حرارة
طبعا عم غبور نافض العربية
مثلا الموديلات القديمة كان موجود بالكراسي الخلفية مسند للراكب بالخلف يستخدم كحامل للمأكولات شاله و ايضا درج تخزين اسفل المقعد الامامي اليمين شاله
المشاكل
الدريكسيون معوج سنه بسيطة
لمبة الحزام لا تعمل الا عند ادارة السيارة فقط وبعد كده بتطفى حتى لو الحزام مش مربوط
السعر يعتبر عالي شوية
ما تم استلامة مع السيارة
كوريك و مفتاح عجل
استبن
وصلة يو اس بى ( لسه مستلمتهاش )
كتالوج السيارة كتالوج الكاسيت
ضمان الكاوتش
التقييم العام الى الان جيد بس بعد الاف الاولي اقدر اقول كل حاجة و انا من اول قلم بقول علطول
دلوقتي وقت الصور طبعا مش كاملة بس وعد لو نزلت صح طبعا ادعولي هرفع الباقي كمان
مع خالص تحياتي لجميع اعضاء المنتدي الي سعدوني فى الاختيار :120105~352::120105~352::120105~352:
ممكن حد يساعدني عشان ارفع الصور لان مش عايزة تنزل من الجهاز عندي